للحين تفكرون جذي ؟

انا الحمدلله توي متخرج من المدرسة و متفوق مع العلم اني كنت اغيب وايد. (مجموع الغياب عندي 4 ايام بدون عذر و 7 ايام بعذر) . و مع هذا تفوقت. هل كان عندي غلط يوم غبت ؟ إذا قعدتون تركزون على "الذهاب للمدرسة" اكثر من "المعلومات نفسها" فـ استعدوا للأسوء .
وصلنا لـزمن اصبح التعليم موجود بكل مكان "انترنت بشكل اساسي" و بشكل مجاني و يقدمه بشكل افضل من المدرسه اساسآ. " خان اكاديمي , اي دي اكس , كورسيرا "
نصيحتي لكم .. تطوروا.

مدرسة الحسين اعظم

صح احناا غيبناهم سابع وثامن لكن راحوا مدرسة اعظم
ومملؤه بالعلوم
كنت بسال كنت وياهم في القروب او انت الي مسونه

غياب الوعي

اني احب العلم والتعلم والرسول قال اطلبو العلم من المهد الى الحد ولكن الوم يقع على المدرسين من يصير غياب مايدرسون الطلبة الى يحضرون بل يخلونهم طول اليوم ينظفون الصفوف ويلعبون لكن لو كل مدرسة شرحت الدرس ولم يعاد الى الطلبة الغائبين مابكررون الغياب

ما يخصكم!!!

اي شدخلكم كيفنا اولادنا وكيفنا

موضوع ماليه داعي

المناهج تعبانه مدارس بدون مدرسين ساعات الدوام متعب للغايه
كل هذا سبب تطفيش للطلاب واهاليهم مو يومين غياب لمدرسة الحسين

جامعة الحسين

يوم يغيبون فيه طلابنا من المدارس والتوجه إلى جامعة الحسين والحمدلله اولادنا من المتفوقين ويومين كلش ما بأثر

أم محمد

اتفق مع زائر رقم 1 خبر ماله لزمه كللش الوسط شفيها هالأيام تدور أي خبر وبس!!

زائر

لا يوجد

اللوم على المدرسيين بعد!!!

في مدرسين يقول الى الطلاب لاتجون المدرسة ولدي من صف الاول يقول الاستاذ قال لاتجون .. مريت صوب المدرسة حشد من المدرسيين طالعين وقت الدوام ليش وين رايحين !!؟

مشكل

ليش سيد انت ويانا بالقروب واحنا ما ندري

ماله داعي الموضوع

من الاساس كاتب الموضوع يسبب فتنه وييطل عيون وزارة التربيه لهذا الشي وماله داعي وثاني شي ندري انه محد بروح نوديهم بس للتنقل من صف لصف وثالث شي حتى مدرسه لحين ماجابو لهم
وخلو عنكم موضوع مامنه فايدة اصلا

ماعندي تعليق

يكفي ان اقول ان الامام علي عليه السلام هو باب مدينة العلم فلايوجد داعي للغياب

غياب

اني ما احب الغياب ... وما ادري ليش يغيبوت اصلاً
وبعض طلاب يحصلون تشجيع مت اولياء الامور ع الغياب

ما هذه العقليه

عقليه تحرض على غياب أبنائهن وكان قضيه الحسين أقرت للغياب! الحسين حث على العلم ثم العلم ! هل سيقومون اطفالكم بفتح المآتم

رجاء اقرأ التعليقات

لا تتعب روحك. ما ينفع. اللي يريد أولاده يكونون مثله اي يبقون علي نفس المستوي و لا يتطورون، لا يمكن تغيير فكره و تعيير تصوراته. معجونة بالخرسانة.

نتعلم في مدرسة الحسين

في الماتم نتعلم الاخلاق والدين والعفة والصلاح
في المدرسة نتعلم علوم وضعية .. فاصلا حدث تغليم في الماتم يفوق تعليم المدرسة

حامض على بوزكم

انا الصراحة خليت اولادي في البيت ماراحوا المدرسة لان اولادي ماراح يتأثرون من الغياب لانهم من الأوائل

ماله داعي هالكلام

عذر اقبح من ذنب

هرار

والله من قبل مايطلع واتس الناس تغيب من سابع عمر واحنا نغيب من سابع

من أيام زمان نغيب

أنا من يوم احنا صغار كل الوفيات غياب
حتى الطلبة الا ويانا من اخوانا السنه يعرفون تواريخ التحاريم وهم قبلنا يغيبون
والحمد لله طلع من جيلنا الدكاترة والمدرسين والمحامين

ما نبغيهم يغيبون لكن

تكون نسبة الغياب كبيرة جدا وعندما يذهب ابناؤنا يدمج الطلبة الحضور لكل مرحلة في صف واحد ولا يتم تدريسهم بل يجلسون طوال اليوم الدراسي لا شغلة ولا عملة وفي اليوم التالي يرفضون الذهاب لانهم يشعرون بالملل الشديد ولا يستفيدون من الحضور
فماذا نفعل ؟؟
أمر محير الصراحة

صف بلا معلمة

ابني في مدرسة ابن الطفيل صار له3 اسابيع بدون معلمة لان المعلمة مستجدة وعطتها الوزارة دورة والطلبة مساكين ظاعو بسبب معلمة الاحتياط الاجابوها اردنية وتضرب وتتلفظ الفاظ سيئة ولا درس الطلبة كل قاعدة على الكرسي وفي زيارتي للمشرفة شفتها قاعده والصف معفوس وبعدين اتحاسبون الطالب ليش غاب سابع محرم حاسبو انفسكم على الاهمال حتى ولادنا مو راضيين يداومون من هالمعلمة

حدادا على الحسين

حدادا على الحسين ويكفي ......حدادا على الحسين ويكفي

من المؤيديين

اني من المؤيدين بشدة للغياب من سابع لان خلاص تشتد التحاريم هم يتاخرون في العزا واحنا بعد نبي ناخدراحتنا في المواتم مو ننحبس علشان ننيمهم وهم ينحرمون من الماتم

والله حاله

هذا الذي تعلمتونه من الامام الحسين عليه السلام

من المؤيديين

اني من المؤيدين بشدة للغياب من سابع لان خلاص تشتد التحاريم هم يتاخرون في العزا واحنا بعد نبي ناخدراحتنا في المواتم مو ننحبس علشان ننيمهم وهم ينحرمون من الماتم

الله يعودنا

عدال بس الحين غياب يومين عشان الامام الحسين صار تخلف الحمد الله اولادنا متفوقين وطول السنه ما يغيبون وغيابهم بسبب حظورهم الماتم ولان اولياء الامور منشغلين في الماتم لا اتصيرون متخلفين وايد والامام الحسين احسن مدرسة والغياب هالايام من سنوات مو توها

ياجماعه كبروا عقولكم

ياجماعه من عرفنا المدارس ورحناها معروف من سابع وثامن يغيبون ومو بس جماعتنا حتى جماعة السنه يغيبون ويانا ونتفق جميعا ماعتقد فيها مضره ...يعني الي بيروح وبيعزي وبيلطم وبيتاخر في المواتم لليل يقدر يقعد الصبح ويداوم خاصه اطفال صغار ..تستكثرون يوم راحه او يومين على معزين وخدام الحسين ..وش هالمبدا كبروا عقولكم ..
ولو راحوا المدرسين ما يدرسون شنو الفايده ..يعني ما له داعي تضخيم الموضوع ..

من مواليد 1990

كنت ادرس في مدرسة الديه الابتدائية الاعدادية للبنات، ومن كنا في الابتدائي ما نحتاج ان اهلنا يتفقون بين بعض عشان الغياب، كنا الطالبات نتفق بينا على الغياب من سابع، ومحد يداوم يوم سابع في المدرسة غير المدرسات

ماشاء الله

هكذا فلحتم. جميع الاعمال التي تحتاج للفن و العلم و التقنية يقوم بها الاجانب. تؤدون فقط الاعمال الكتابية و هذه ايضا مو فالحين و تتأخر عندكم اشهر و سنين. ماذا يكون مصيركم بعد اقل من عقد من الزمان و العالم لا يحتاج الي النفط. شاطرين في ترك الجد و التعلم. و فوقها يتباهون.

العلوم موجودة في المآتم و المساجد

بصراحة أؤيد هذه الحركة فالعلم ليس موجود فقط في المدارس و إنما موجود في المساجد و المآتم ولكنها علوم دينية أفضل مما تقدم في المدارس و على منهج أهل السنة و الجماعة

نعم انغيبهم

انغيبهم للحضور للمدرسة الأعظم المدرسة اللي اتعلمهم القيم والأخلاق الفاضلة مدرسة الامام الحسين بدل هالمدراس اللي اتعلمهم تمجيد اعداء أهل البيت ع.. وكل سنة بنغيبهم حامض على بوز .. وأبد والله ما ننسى حسيناه

سامحني

لا تصير أسخن من السخان. انا درست في كربلاء. المكان الذي لا يعلو عليه اي شيئ ينتسب للحسين. كنا نداوم في المدرسة كل يوم الا ايام العطلة. حتي اول محرم لم يكن عطلة. تخدعون انفسكم و تبررون تصرفاتكم الغير عقلانية.

زائر 57

انت تقول درست بكربلاء يعني اللي يدرسونك اياه في فايدة لكن اللي يدرسونه اولادنا هرار ولا منه فايد بس لان التعليم الزامي مجبورين نوديهم.. مافي على علوم اهل البيت

سابع وثامن اجازة مع ان لو مريضة الايام العادية ادلوم

المدرسين اصلا يدعون يارب الطلبة مايداومون ويطرشون رسايل مبطنة غيبوا

وجهة نظر

لو المدارس شرحت الدروس كيوم عادي بالحضور الموجود حتى ولو كان طالبين لارتدع الطلاب الاخرين ومع الاستمرارية ستخف نسبة الغياب اما اذا غاب نصف الطلاب تعطلت الدروس فهذا يشجع على الغياب لان الحضور كما الغياب

معذرتاً المدرسين هم السبب

المدرسين هم السبب لأنهم يلغون الدرس لسبب غياب طلاب الفصل أكثر من النصف يعني أنت فضلت الغائب على الحاضر و بينت للحاضر عدم جدوة حضوره

نعم صحيح

لكن هذا ما يبرر هالتصرف الاحمق والطائش

انا معلمة وأشرح

لا تعمم لو سمحت ترى احنا نشرح الدرس
لا وبراحة بعد اللي يغيب كيفه واللي يداوم لازم نشرح ليه

اذا بتغيبونهم غيبوهم لاستفادة

يعني اذا بتخلونهم في البيت قبال التلفزيون والالعاب مابيستفيدون روحه المدرسة احسن.. اذا بتغيبونهم خلوهم يتابعون القنوات الدينية او اتودونهم المواتم علشان يعرفون قيمة هذه الايام والليالي.. بس الاغلب للاسف مجرد عيارة يبون يفتكون من قعدة الصبح وتودي وتجهيز الجهال للمدارس واوردي يكونون تعبانين من روحه المواتم هالايام

الحمد لله

قعدت اولادي ولبستهم وجهزتهم ووديتهم الماتم وهم بالابتدائي حتى يرتبط بمخهم ان هالايام مقدسة

حب الحسين عليه السلام والتضحية لاجله!

ان الحسين عليه السلام يستحق كل التضحيات منا ولكن من غير التخلي والتكاسل عن القيام بمسئولياتنا وخصوصا التحصيل العلمي. من يحب الحسين يضحي لاجله، ليس بالتخلي عن التحصيل العلمي والدراسة ولكن مع الدراسة والمداومة عليها نقوم بالتضحية من خلال تخصيص وقت للحسين من دون المساس بالعلم والتحصيل العلمي. لو لا الحسين، لما كان هناك دين ولا علوم، بل جاهليه وتخلف. اذا، التضحية هي بتخصيص وقت اضافي من وقتك فداء للحسين وليس بالتخلي عن الدراسة والتحصيل العملي وقضاء باقي الوقت بالنوم واضاعة الوقت والغياب!

لماذا المثاليات الزائدة

للذين ينتقدون هذه الخطوة هل فكرتم في السبب؟
اليس عندنا مناسبة دينية محترمة ويسهر الناس فيها فكيف تطلبون من الطلبة الحضور المبكر والانتباه للمعلم وهو شبه نائم؟
وهل التغيب ليوم او يومين سياخر تفوق الطلبة؟!

نعم ربما

اذا كانت عليهم امتحانات او ان الطالب يعرفونه ضعيف دراسيا ليش يغيب ؟؟ الا اذا كانو معظم الطلاب غايبين ف هادا شي ثاني ليش اخلي اولادي يداومون واخر شي ما يدرسونهم

غباء وجهل

غباء لا متناهي
الحسين ع امر بترك العلم وعدم الاهتمام؟
عقل ماعندكم، دول الغرب تطورت ونحن متأخرون قرون عنهم
ما افهم المنطق الي يحتم عليك تغيب لان في تحاريم

ترى احنا في محرم ما نلعب لا تسوي روحك اعمى ما تشوف المأتم والعزاء

بنغيب حق تحاريم حق المأتم والعزاء حتى الاساتذة يغيبون حق التحاريم ، بعدين طول هاي السنين بين كل انغيب بس في ايام محرم نتحاسب على الغياب والله حرام تنشرون ليش اتغيبون، احنا انروح المأتم مدرسة الدين ولا مدرسة فاضية يستهبلون

سابقا

كنت ما أغيب ولادي واضغط عليهم ويروحون وهم سهرانين وفي المآتم وتعبانين في النهاية اللي وياهم يغيبون وما يدرسونهم ولا يستفيدون شي فقمت أغيبهم ألحين

امر مؤسف

الانسان هو المخلوق الوحيد الذي يتطور. التطور لا يحصل الا بالتعليم. العاقل من لا يفوت فرصة الا و تعلم فيها. اما الجاهل عكس ذلك. مع الاسف الطلب بعدم الحضور في المدرسة ترسيخ للجهل. تصورو السويسريين يعطلون العصر فقط او نصف نهار للاحتفال بعيدهم الوطني. اين نحن منهم؟

اقول بلا فلسفة

اذا الصف بدون معلم ليش يروحون

تناقض!

الغياب ما ليه داعي صحيح
بس الذهاب للمدرسة مع عدم توفير معلمة ما ليه فايدة

محق

خوش أمهات ويقولون الأم مدرسه الله المستعان

يجب ان يتم محاسبتهن

لكي يكون هناك رادع

راحت عليها

اكيد بيستدعونها للدعوه الى الغياب الجماعي
تستاهل حركات التخلف
لكن خوش رجال عندهم هادينهم على كيفهم لا حسيب ولا رقيب

زائر 26

حتى رجالنا يشجعون ع الغياب يوم سابع
وما أخذ قرار بروحي لازم اشاور زوجي

ليش

الحين اتخلون ولادكم يغيبون ايام بين الاجازات حلو وبارد لان غابو في محرم صار عيب وخالفو القوانين ولازم يتحاسبون يمكن الا حثت ولدها على الغياب ولدها متفوق والايطالب بمعاقبتها مايدري كم عمر ولده وفي اي صف بس فتنه واثارة بلبلة

وش فيها مازلت اني مدرسة

ع يوم سابع غاب ولدي اوبتي تبون اطلعوني ماني مدرسة ""مدرسة اوجامعة غصبا عن الي يرضى والي ما يرضى ""اقول ترى أولادنا بخصوص غيابهم في هذه الأيام قرارهم شخصي مية مية مايقبلون أحد يدخل فيه

الام مدرسة

الام مدرسة اذا اعددتها اعددت شعبا طيب الاعراق ... أول مرة اشوف امهات يشجعون ابناهم على الغياب

سابع عادي

من قبل من ما اغيبهم بس طلع غياب واجد فما له داعي يروحون

هذا هو الطابع العام الشائد من سنوات

ما تقدرون تغيرونه !!

تعليق

خوش والله

بحريني

مو بس الشمالية في كل مكان نسوان

حتى قروب بنتي

بس من غير ما نغير الاسم

فعلا

كلنا جدي أومن كنا صغار طلبة كنا نتفق مع بعضنا اوقرارنا من ذاتنا مافي قوة قاعدة تأثر علينا لا أم ولا غير أم ""أولادنا طلعو علينا اوماشاء الله علينا محد يغلبنا في الدراسة

....

بدل ما اولياء الامور يشجعون عيالهم على المدرسة و حضور الدروس يحشدون حق غياب جماعي!! ....

للعلم

اولادنا ما يجلسون في البيت وهم طول عمرهم متفوقين الحمد لله وفي نفس الوقت يروحون يتسمعون ويخدمون الحسين ما اعتقد اذا غابو يوم سابع او ثامن بيأثر على دراستهم قليل من المرونة يا وزارة التربية والتعليم يعني المدرسة لاصق فيها ماتم وفي قراءة الصبح والمدرسة صايرة داخل القرية شنو متوقعين من الطلاب والمدرسين؟! مسوين مشكلة عشان يومين الاطفال غابوا استحوا شوي عيب ماله داعي للعناد انتوا قاعدين تستفزون مشاعر الناس وتعاندون حفيد الرسول عشان يومين في السنة بس!! والله عيب حتى تتكلمون في الجرايد عن هاليومين بس!!

..

تاسع وعاشر مو إجازة؟ غريب امر الا قاعد يبرر غياب الطلبه
المضحك ان دواعي الغياب هي فقط عياره

الا سابع محرم

خلو عنكم غياب سابع اني وحده مااحب الغياب بس سابع من محرم عندي يصير
انظرو وشددو اذا غاب بين الأجازتين واو قررو يغيبون ويتفقون احزمو اهني وعطوهم تعهدات واكدو عليهم بعدم

...

خبر ماله لزمه صراحه

أني بعد حسيت

كل سنة وفي كل صف يسوون الأمهات جدي يتفقون على كل شي