اني احب التسوق احس بتغير جو وتتغير نفسيتي حتى لو ما شتريت شي بس مشكلتني اذا اتسوق ويه زوجي استحي اشتري شي غالي خصوصا اذا ميزانيته ضعيفه حتى لو الشي رخيص استحي اخذه واذا قال ما حصلتين شي اخذي الي تبين اعتذر اقول ماكو شي حلو او ماكو قياسي او مو حلو في البس

التسوق مع الزوجة

بصراحة انا ما احب التسوق بس ما اعترض لما تطلب اوديها على عيني وراسي لانها تغير جو وتستانس . محبوسة طول اليوم مع الجهال شغل بيت وجهال وارجع متاخر من الدوام تعبان اتعشى واتمدد . هذا شيء اقل من حقهم

من الخرطوم سلام

لا تعليق يا اهل البحرين
هههههههههه

ممتع بس أهم شي

تتسوق معاها واذا رجعت أتسوقها بعد
أف بلاوي

عبدالله عيسى

انا انسان احب التسوق ويا حبذا لو لقيت لي شخص يحب يتسوق مثل زوجتي وصراحه اهي تتملل وانا بعدي اتسوق واطلع واحفظ الاسعار

اش هالعبيب والربيب

صج رياييل اخر زمن احد يتكلم علي زوجته بهاي الطريقة سويتوها قضية ومشكلة صج ماتنعطون ويه

الزوجة

تتسوق في المجمع من دكان لدكان ومن طابق الي طابق ولاتقول تعبانه وفي اخر المطاف في الباركان تقول لك ... السياره بعيد مافيني قوه امشي جيب السيارة علي الباب

تعااااااسة

ما يحب التسوق
حتى حق روحه ما يحب يشتري له ثياب
و الحل يا جماعه ؟؟؟

ماادري ليش لرجال يتزوجون

ردود لرجال تلوع الجبد لايكون متزوج عشان بس يقولون عنكمتزوج ؟تعال بتزوج وبجيب عيال وقعدي في البيت وانا بجيب لش كتبي في ورقه كانش مدبره منزل مو زوجه من حقش تمارسين شغله تحبينها مثل التسوق او التمشي وي الاولاد او مطعم لان انتين متزوجينش بس لشغل البيت .ياليي ماتخافون الله الحين هي تكرف لليل ماتقول تعبانه انتون تتعبون من ساعتين تسووق لا وتالي يصيحون جانا الضغط والسكري وين مايجيكم وانتون ماتتحركون كل فاشين في هالبسطات والقهاوي. عديمين المسؤليه والله زين يسون فيكم النسوااان

بلاااااوي

مشكله هالموضوع
انا عن نفسي آخذ زوجتي للسوق و تأخذ اللي تحتاجه و بسرعه، و كل شي تسجله في ورقة عشان ما تأخذ اكثر من حاجتها .. الحمدلله رب العالمين احمدوا ربكم على نعمة اللي ربكم عاطنكم إياها .. كل واحد يحفظ زوجته و يقدرها فهي درة ثمينة

بلاااااوي

مشكله هالموضوع
انا عن نفسي آخذ زوجتي للسوق و تأخذ اللي تحتاجه و بسرعه، و كل شي تسجله في ورقة عشان ما تأخذ اكثر من حاجتها .. الحمدلله رب العالمين احمدوا ربكم على نعمة اللي ربكم عاطنكم إياها .. كل واحد يحفظ زوجته و يقدرها فهي درة ثمينة

عندي العكس

اني العكس اني اتعب في السوق واقوله خلاص نرجع وهو يقول لا بعد نكمل بس عودني مايروح السوق الا ويايي ودايم نتشاور وقت شراء السلعه يعني اذا ماعجبتني يرجعها ولو ماعجبته وعجبتني هم نرجعها الحمدلله متفقين انتو يااخوان حلوها بتحلى هههههه

#حبوا_بعض

ياجماعة الخير حبوا بعض وكل شي بالهدوء مايصير جديه والله لين اروح وياها اقول للموظف احنا مداومين معاكم وخلاص انتهى وابسط ويه الكيشر واسولف وخلها تفتر هههههههههه

متعوودة

انا تعودت بكل صراحة ما اتسوق والا وزوجتي ويايي
هي اللي تختار واعتمد عليها وأثق في ذوقها

هههههععع

ماشاء الله ع تعليقاتكم

الحمدلله عزابي!

ماقول إلا هاردلاك للشباب .

اتسوق بروحي

والله اني احب اتسوق بروحي الرجال في السوق وش بزيد و وش بنقص عليه ينق بس
ينق من البيت ويفكنا

ولد المعلم

أنا عن نفسي العملية عكسية
زوجتي تتعب وتقول لي خلاص وانا ارد عليها توها الناس
انا وزوجتي ما نتسوق الا ويا بعض وهي تاخذ رايي وانا أخذ رايها
في نوع من الرجال لو يطلع مع ربعه بالخمس ساعات يدور في السوق ما يتملل لكن مع زوجاتهم نصف ساعه الى ساعه يتملل ويطفش!!
انا عن نفسي ما استغني عن التسوق مع زوجتي أم حسين الله يحفظها

سعادة

زوجي ما يحب التسوق ولا طاري التسوق
بس الحمدلله فترة الخطوبة خلته يحب التسوق

عاادي

لانه فترة الخطوبة يحاول الطرفان التغاضي عن ابداء الاراء خوفا من ردة فعل.. اما بعد الزواج فقد ازدادت نسبة الاريحية وقلت نسبة الخوف .. فزوجش مو غريب عن طبيعة الرجال عموما

مجبور يتحمل

اني زوجي مريح روحه يبي كل شي اختاره رغم ان رايه مهم عندي
و اذا اطرشه على شغلة لازم يتاكد مثل الي ابيه او لا
حتى ثياب ساعات لين يروح يشتري له بروحه يرجع مو عاجبنه شي فاضطر اروح معاه

الله يحفظ زوجاتكم

برغم الخلافات اللي ممكن تصير وقت التسوق , بس وجود الزوجه معاك نعمه في النهاية همها مصلحتك ومصلحة العائلة. انا فقدت زوجتي وعانيت في اشياء كثيرة من ضمنها التسوق وطلبات الاولاد. الزوجه نعمه تعرفون قيمتها لو فقدتونها

هوس التبضع

رحت السوق ويا مرتي قالت هذه الفانيلة ما عجبتني قلت ليها اوكي!! نمشي!!!؟ قالت لحظة بجوف في مقاسي قال البياع لا.. قالت لي اووه :( خسارة. صدق من قال محد يفهم الحريم!!!!!!!!

إختيار غير موفق

أكره وقت هو وقت التسوق مع الزوجه
فهي لا تتعب ولا تمل ولا تدفع ثمن

يعتمد على الزوج و الزوجة

صراحة في بداية حيتنا الزوجية كنت من الازواج الا اتضايق من التسوق بسبب طول ساعات التسوق بس مع مرور السنوات حببتني زوجتي في التسوق وهي خفت عن قبل فلين رحنة نعرف اي محل بندخل وو يش بناخذ وبكم كل عام وزوجتي بألف صحة وعافية

حلو وبارد

هذي أبسط الأشياء إلي تفرح الزوجه ليش تحرمها منها ؟ !! حتى لو ضربت لفيوز عندك بين لها الامور عادي تحمل ... يا اخي انت تسوي اشياء تحبها وهي ولا تشتهيها بس تمشي الأمور معاك

في احسن الحالات او العكس..

بعض الاوقات يكون مزاجي زين و احب اتسوق معاها..
بعض الاوقات يكون مزاجي تعبان .. فإذا رحت اتسوق معاها يعتدل مزاجي !
يعني في كل الحالات احب اتسوق معاها.

سعادة

في ردود مبالغ فيها. .
التسوق ويه الزوج جدا رائع..
كل واحد يعرف شنو يحب وشنو يكره.. ويقوي العلاقات أكثر. .
اني أخذ رأيه هوو يأخذ رأيي. الحياة جذي..
الشي على مدى تقبلك ليه..
إذا انته تقضي 8 ساعات من يومك في الشغل. لا ضير بساعتين تسوق ويه زوجتك..

خذ الأمور بروية وطول بال

أنا معتاد على أخذ الأمور جميعاً -التسوق وغيره- برويّة وصبر قدر الإمكان وأستمتع بمرافقتها في التسوق في أغلب الأحيان.. طريقة تسوق الرجل مختلفة عن المرأة، وأظن السبب هو اختلاف طبيعة كل منهما لا أكثر. لذا يجب على الرجل التحلي بطول البال والاستعداد لمرافقة شريكة عمره في التسوق. وإن لم يكن كذلك أقترح أن يتفق معها مسبقاً على أن التسوق منفردة أو مع إحدى صديقاتها أو أخواتها، تجنباً للمشاكل إن لم يحب الزوج طريقة تسوق زوجته والوقت الذي تستغرقه فيها.

اصمتو يارجال

اقول للي يقول ما يحب يتسوق مع حرمتة لو هي بتدفع المصاريف جان قلتون عنه ممتع بس السالفه سالفة الدفع يا حبيبي

مقياس المحبه بين الزوجين ،،

قليلا ما أرافق زوجتي إذا أرادت التسوق لملابس أو ما شابه ، في حين أغراض و متطلبات المنزل أنا الذي أتسوق و أقضيها دائما ، و لكن هذا لا يفسد للود قضيه ، كما أنني أطبخ في المنزل و أساعدها في غسل الأواني ، فالتسوق مع الزوجه من عدمه ليس المقياس للمحبه و الموده بين الزوجين ، و الحمدلله متفاهمين في جميع الأمور.

بالعقل

قبل لا نطلع السوق اساله لك خلق والله بتلوع جبدي ؟ ادا ليه خلق طلعنا و ادا ماليه خلق نأجلها ، بالعكس زوجي ما يحب الا يتسوق ويايي و يساعدني باختياره بعد

مأساة

يا اخي النسوان عندهم طاقة غريبة عجيبة في التسوق , تروح توديها حق تاخذ شغلة تطلع بعشر شغلات,
غير هذا اذا اطلع اتمشى وياها عالبحر او في حديقة مكان ربع ساعة قالت ما تقدر وتعبانة, لكن تفتر ست ساعات في السيتي ما عندها مشكلة,
صرنا مثل ما قال الأخ عقب كل طلعة تسوق نرجع متهاوشين, لدرجة ان الحين اثنينا ما نحب نروح نتسوق مع بعض, قامت تروح ويا خواتها

الله كريم

أفضل التسوق مع الزوجة

!!

هو صح التسوق مع الزوجة شيء متعب لكن إذا تحبها يكون التعب حلو بارد ، أقول إذا تحبها بس

احلى طلعه

احلى طلعه ويا ام العيال اهي الي تعرف شنو نحتاج وشنو اليهال يحتاجون اما عني آنه ولا آدري ولا اعرف شي عن احتياجاتنا بدونها انضيع كلنا

شرط التسوق

لازم رياضه بطن قبل الذهاب للتسوق أو الإنسحاب طيب والأوله شرط آخره نور

لو !!!

لو كل تعليق تكتبونه تطلع وياه صوركم چان محد كتب چدي هههههههه

باحث اجتماعي

من الناحية الاجتماعية التسوق مع شريك الحياة يقوي الروابط الاسرية ويساعد الطرفين في فهم مسؤوليات المنزل والاشتراك في تحملها بالاضافة إلى كونه نزهة ممتعة، ولكن يجب ان يكون هناك تفاهم بين الطرفين وتقبل لوجهة نظر الآخر واختلاف الأذواق.

في ردود تبرد القلب

يااخي تحسهم يحسون بالمرة
ام العيال تستاهل ، حلو وبارد
الله يبرد قلبه

التسوق يشكل عام متعب

بشكل عام التسوق ما احبة الا اذا ف مكان مكيف مثل المجمعات والتسوق متعب بشكل عام ويضيع وقتك ويخلص نص يومك .. انا زوجتي ماتحب تتسوق وايد لانها وايد تراعي الامور المادية وايد وماتكلب فلس احمر مني انا الحق وراها عشان اعطيها ويا الله تقبل ههههه بس الطلعة مع الزوجة الي عندي لاتسوق حلوة جيدة بس الاحلى طلعة مع الزوجة حق اكل وسينما وبرنامج احسن من تسوق لانك بتتمشى واااايد دوخة

للأسف

قد تكون فعلا بعض النساء مملات في التسوق الا ان في الجانب الاخر قد لايتحمل الزوج طلبات ومزاج اطفاله عن شراء الحاجيات ع عكس الام

متعة التسوق مع زوجي في السفر

اعشق السفر مع زوجي لانا نسوي أنشطه مختلفه مع بعض ومن بينها التسوق. نتسوق في المجمعات يشاركني اختياري لملابسي وحاجياتي والعكس وعنده طول بال وبالعكس يسولف ويعلق ويضحك. و يشيل عني ولما نروح الاسواق الشعبيه فهذي متعه اخرى معاه اترك له مهمة المقاصص لانه شاطر. لازم الزوجه تعرف شلون تستمتع وتكسب زوجها في عملية التسوق

!!

التسوق مع الزوجة مشكلة المشاكل

طارق

بصراحه كان التسوق مشكلة المشاكل بالنسبه لي قبل ان ابلغ سن الاربعين اما الان فهو متعه مع زوجتي وبدون مشاكل ولا اعلم السبب والسلام عليكم

المصيبة في طلاع البيزات ...

المشكلة مو في الروحة والجية لسوق ... المصيبة في تطليع البيزات :)

مآساة مشكلة و كل شيء

التسوق مع الزوجة مآساة و مشكلة خاصة في مسألة الملابس لأن المرأة عندما نذهب معها للتسوق و نقول لها ان الشيء الفلاني اللذي اختارته جميل تعتقد اننا نريد ان نوافقها في كل شيء فقط لانهاء التسوق سريعاً و العودة للبيت بينما تنسى المرأة كم هي جميلة و أن زوجها سيعجب بها مهما كان ملبسها.

مزحة

تقولون هي بكل شي جميلة واذا ما لبست ليكم نسوانكم ثياب عدلة قلتون ما تتعدل وتتكشخ ليي..
ههههههه :) بعض الاوادم هيك خخ

مشكلة

التسوق مع الزوجة مشكلة المشاكل

تسوقي مع زوجتي

متعة ونزهة جميلة

عوار راس

الحاجه ام ربع ساعة اصير 5 ساعات النساء طبعهم ما يتغير اذا اسوقو
يعنى انه افضل ال لا اتسوق مع زوجتى عوار راس

المال السبب الاول للسعادة

متعة اذا عندك فلوس و اذا ماعندك خليها في البيت و انت اشرد عنها و عن حنتها

رأي واضح

ان اكثر النساء الي يستغرقون وقت في الاسواق يعانون من الملل بسبب جلوسهم في البيت لساعات طويلة فيما يقضي الأزواج وقتهم في العمل والجلوس في القهاوي مع الاصدقاء فعند الخروج للسوق تحاول ان تقضي وقت اكثر خارج المنزل

وشخصيا اعتبر التسوق مع ام لعيال متعه وتغيير جو حتى وان تأخرنا ورجعنا خاليين

زين ومو زين

مشكلة الحريم أنهم يشترون الي يحتاجونه والي ما يحتاجونه وهذا الخطأ ويطولون في التسوق ولكنهم يعرفون للسوق والشراء أفضل من أزواجهم

المتعه

احلى شي تسوق مع ام العيال

موضوع جيد

رأيي التسوق مع الزوجة متعة
بس عاد مثل ذكر في المقال نصف ساعة ،، ساعتين ،، ثلاث ،،، مو من الصبح الى الليل

وبعدين لين وصلت البيت كل اعظامتها تعورها كيف ؟؟؟!!!

غريب

انا شخص على قولتهم املل الي ما يستمل ما تزوجت بس يا ما طلعت ويا خواتي السوق وكنت افتر وياهم بالاربع ساعات واحمل كل اغراضهم والحياة حلوة ليش الرجال يعكر مزاجه بس ما ادري خل البنيه تفتر وتغير جوو

ما يسوه علينا

يوم اللي اعطي زوجي قائمة ماجلة البيت ، اندم
على الاقل عشر مرات يتصل فيني يسأل عن اللي بياخذهم واللي ما بياخذهم بعد :(
فاتسوق بروحي واجد ارحم واسرع

انا بصراحه العكس

انا بصراحه اذا اروح وياها السوق او امجمع نتشره هي اتخلص في نص ساعه اغراضها ماشالله وانا اتم ساعتين واطلع من غير شي ساعات.
ابصراحه نجحت في مرتي خلف جبدي. والمهر الي دفعته ماراح بلااش

ما شاء الله عليها

زوجتي مي من هالنوع مولية ، التسوق حده ساعة واحدة بس ، وتعرف ويش تبغى ولا تضيع وقت ، الله يعطيها العافية ، يصير أكتب اسمي علشان تشوفه ؟

رفع معنويات

هههههههه اكتبه جان ترفع معنوياتها شوي وتحسسها بالسعادة

احمدو ربكم واشكروه

قولو الحمدلله انها تطلع وياكم وتتشرى الاغراض لان توفير اغراض البيت من مسؤليات الزوج
واذا على التعب ولفرارة هذا شي لابد منه عجل شلون تعرف اللي متوفر في السوق واللي يناسبها ويناسب زوجها وعيالها وفوق هذا كله لازم تحاسب الى كل شي من ذوق وجودة وسعر
ولو ماتحاسبون زوجاتكم على مصاريف البيت اكيد مافي وحدة بتعب روحها وبتفتر من محل لمحل فاكيد بتروح محل واحد يوفر كل اللي تبيه وبدون ماتتهتم بالسعر
اكثر الرجال اللي يضايقون من زوجاتهم بالسوق اهم اكثر الرجال اللي يحاسبون زوجاتهم على الصرف

زوجتي حبيبتي

والله أنه أحب اتسوق مع زوجتي العزيزة
ولا أطيق التسوق بروحي
أما ادا كانت ام كرار معاي غير اخد رأيها وهي هم كدا لك

مشكله ومفلسه

عوار راس

قليلين شيمة

كله حاطين على المره لو تقلع عيونها حق رجلها بعد ما ببين في عيونه طول الوقت نافخ الوجه واذا اتحجت زمر ومايمديها تصوي وفوق هذا ينهب معاشها واذا فكرت تروح السوق مره في الشهر صارت سالفه الله يصبرنه بس

قليلين شيمة

كله حاطين على المره لو تقلع عيونها حق رجلها بعد ما ببين في عيونه طول الوقت نافخ الوجه واذا اتحجت زمر ومايمديها تصوي وفوق هذا ينهب معاشها واذا فكرت تروح السوق مره في الشهر صارت سالفه الله يصبرنه بس

سبحان مغير الأوقات

قبل كان التسوق معها نكد، بس لما الله عطانا العيال، صار التسوق سريع، الله يخلي العيال.

نعمة ولله الحمد

أنا جديد العهد بالزواج و الحمدالله متفاهمين في سالفة التسوق ... أوقات أهي و أوقات أنا و معانا نحترم آراء بعض والله لا يغير علينا

ترجع لي اللياقة

أنه ألبس ملابس رياضية و أروح معاها السوق أنزل وزن 9 كيلومتر في اليوم زين

زائر 130

الوزن ينقاس بالكيلوجرام ههههههههههه

اووه

بلاوي الرجال مع حرمته في السوق شفت العجايب خصوصا للبحارنه يسوق مع زوجته ويضحك معاها وادا وصل للكاشير يتغير وجه كانه مغصوب عليه يقول لها روحي السياره ونص الأغراض يحسبهم والنص الباقي يشيلهم وش هاالاسلوب

دلاعة

دلعX دلع

أفضل طريقة

أفضل طريقة خلها تكتب كل شي في ورقة و روح انت جيب الأغراض

ما يفيد

ياماااا سويناها بس ما يفيد كل شوي يتصل يسال لانه مو متعوده

مصيبه والعياذ بالله

تروح تتسوق وياها اشيا ما تحتاجها تقول تبغيها الناس في ازمه وهي تبغي تشتري خرابيط ,, وان قلت ليها لا يا ويلك تقوم عليك القيامه وتكشر في وجهك وتعصب عليك وتخاصمك وما يتم شي الا تسويه واليوم الثاني مردك تروح وتشتريه ليها من جديد

شو هما الخرابيط ممكن تشرحلنا اذا اشترت المرا ملابس ومكياج قلتلوا المرا تضيع المصاري على الخرابيط واذا ما شترت بتقولوا ما بتلبس وما بتتمكيج وما بتجدد بلبسها

العكس والله

بالنسبة لي زوجي هو اللي يملل وقت التسوق ههههههه

صابر

الحريم ما عندهم ذمة ولا ضمير يذلون الرجال في الاسواق ذل ويفلسونه اتفلس كل خوف من الثانية ولاكن انا عندي النية بالثانية والانتقام قريب

هههههععع

معناه بقعد ع حصير لفقر

على أساس

ان الثانية ما بتخليك توديها السوق ههههه زيادة هم بس

اكره يوم في العمر

يوم الي المدام تقول ودني اخد فياب تقعد 6 ساعات بعدين ما تاخد شي بعدين تقول الي ودني الولو مول ان افكر انفصل عنها من هسالفه النسوان غشم ما يفكرون مثل الرجال كلشي هوي هوي عندهم مخ يفكر صراحة

ااا!

فياب!!!!!!! كتبو عدل فشلتونا

سامحني خوك

بس تعليقك سخيف وما يحمل تقدير لزوجتك

مو بس مشكلة

وجع راس ووجع ضهر وهدرة ودندرة ووجع بوك.

ام صلوح

زوجي بعد ما يحب يتسووق ويعصب ويتحلطم ... بس الحين معتمدة علية في تسووق ... اصور لية ويجيب ليي الحاجة
بس تسوق الملابس لازم اجيبة لان عندي جهال وين اخليهم
بس طول الوقت مضايق وزعلان .. ما اعطية وجة لان لو ما يستاهل
ولا ويفهم ان التسوق متعة

التفكير بايجابيه

اني من رايي ان الزوج هو الي تحكم في مقدار سعادته مثلا لو حط في باله ان الطلعه بتكون شراء وترفيه لهم الاثنين علشان يقضون وقت من بعض ولعيال لو كان فيه بكون وناسه الى الجميع .. لازم نفكر بايجابيه

معاك بس

التسوق متعة، بس لين الزوجة نست روحها والرجل واقف على رجولة ساعتين، والمحلات ما فيها كراسي للراحة، والمشكلة لما تخلص من التسوق قالت رجولي تعورني، وين تصرفها.

التسوق

التسوق مع العائلة بالنسبة محسوب من ضمن الطلعات الترفيهية حيث أترك لهم حرية التسوق ولكن أتكفل بمراقبة الأسعار وأفضل التسوق ليلا لأن البرنامج الثاني بعد التسوق رحلة ترفيهية أخرى وهي شراء وجبة العشاء وأكلها غي السيارة لأن جو البحرين يسد النفس

الصراحه مع احترامي للزوجات

لما اروح معاها نتسوق مايهمني الوقت اراعيهم لاكن مايقدرون الرجال يعني لما تغلط غلطه تقولك انت شنو سويت لي وثاني شي تبتدي المشاكل في السوق يتعمدون ينكدون عليك من كل النواحي مايحبون اي لحظه جميله تبي تكون معاها الله يصلحنا ويصلحهم

متعه او مشكله

ماعتقد في قاعده ثابته اللي يحدد ان التسوق مشكله او متعه مدى اختلاف او تشابه الشخصيات بينهم يعني اذا اثنينهن يحبون التسوق فبيكون متعه للاثنين بس لو كان العكس راح تكون مشكله واحيانا الزوج تفاديا للمشاكل او لارضاء زوجته يروح يتسوق معاها بس في وجهة نظري التسوق الشخصي للزوجه شي خاص فيها فماله داعي ان تجرجر زوجها معاها اذا فالاسواق اذا كان مو من محبين التسوق

نوع التسوق

انا من نظري يختلف بحسب نوعية التسوق يعني اذا التسوق بخصوص اغراض و ماجلة البيت فالتسوق مع الزوجة يكون اكثر استمتاعا و اكثر سرعة من شخص واحد. و لكن عند التسوق للملابس و الأغراض النسائية فافضل انها تذهب لوحدها لطول الوقت اللذي ستقضيه و التململ الذي سوف ينتابني

نقطة سطر

اذا كانت المغزى من التسوق هو احتياجات المنزل فيمكن ان تكتبون ذلك في ورقة قبل الذهاب للسوق، اولا لتفادي نسيان الحاجات، ثانيا لتحديد الاولويات والميزانية المراد بها شراء الحاجيات

عجبني تعليق

اذا قدرت الظروف المالية ليش ما نتسوق ونتجول وناخد الا نحتاجه ونرجع - اذا هي ربة منزل ما تتعب اما اذا تشتغل ما بتعبك واجد وفي النهاية ريحها في الا تحبه بتعطيك الا يريحك في البيت

اهلاوي

اذا اتسوق مع زوجتي كاني لاعب دفاع وهاجم علي رونالدو مارجع البيت الا داير راسي
واخر شي ماتاخذ شي وترجع البيت تتذكر الي شافتهم والي عجبها علشان اوديها مره ثانيه تشتريهم

التصنيف احسن

أنا امقسم السوق لقسمين الأول أغراض البيت الشهرية انروح كلنا مع بعض حق الكل يأخذ اغراض اللي يحتاجها أما النوع الثاني وهي التسوق الثياب والأمور الأخرى انزلهم وارجع لهم بعد ما ايخلصون عن عوار الرأس وإذا دعت الحاجة اكون متواجد وياهم بس تراها دندره إذا اتكون متواجد على طول الوقت

سيد هاشم ....

طبيعة الرجل لا يحب التسوق لساعات لانه يحب الجلوس مع الربع لمشاهدة المباريات وما شابه ويشعر بالضجر والضيق اما النساء فأنهم يختلفون عن الرجال يريدون ملابس لا يلبسها اطفال من حواليها سواء اهلها او اصدقاءها لانها تريد من اطفالها ان يكونوا متميزين بالنسبة لي التسوق مع الزوجة بدون الاطفال افضل واسرع لان قضاء الساعات والزوجة تبحث عن ملابس واحذية بينما الاطفال يبقون في عهدة الزوج ويسببون له تعب من ألم اسفل الظهر وانتفاخ في اسفل القدمين كل هده اسباب تؤدي الي عدم سعادة الزوج من التسوق .

على حسب الرجل

بعض الرجال لديهم أنه متعة وبعض الرجال لديهم أنه مشكلة.. لا يجوز الجمع..

بلوه بلوه من بلاوي الزمان

بل بل لا حد يجيب هالطاري من الصبح هالشغله تجيب الضغط والسكري وعوار القلب ما في شي في الوجود يرضيها وش هالذوق لعسر ابتلشت في دنيتي لك الحمد يارب ولك الشكر متى يارب بتوب عليي من هالبلاء من العصر نطلع ما نرجع إلا الساعة 11 في الليل تدخل دكان دكان وتقل الدكان قطعة قطعة وإذا حصلت إلا تبيه قالت غالي الله يغربلش اخذيه لو ب 100 دينار بشترررريه بس فكيني في حياتي لا بارك الله في الساعة إلا أفكر فيها اروح وياش ما تصيرين مثلات هالبنات حالش حالهم ساعة ساعة ونص ويكتفون لكني مقرود

المشكلة جدا كبيرة..

أنا زوجتي على طيبها بس ما أحب أتسوق معاها تلف المجمع بثلاث مرات وأذا أختارت شي ترجعه في اليوم الثاني ونضل على هذي الحالة أسبوع

بالتأكيد لا

اللي حاب يرتفع ظغطه يتسوق من إمرأه سوءاً مانت زرجته او اخته او حتى امه

متعة ومشكلة

بالنسبة لي متعة ولكن مشكلة بنفس الوقت لاني اتعب وهي ما تتعب ههههه

كلام حق

التسوق هو يوم او يومين في الشهر ما تتحمل هذا الشي اكي هي متحمله تربية الاطفال عنك وتكنس وتطبخ واذا هي تشتغل التعب اصير اكثر وتدفع عنك اذا اشترة شي

التسوق متعب

انا اللي عليي اوديها ومن اشوف اقرب كرسي قعدت عليه واقول لها خلصي وتعالي.
بس المشكله ان الساعات تطول وانا من التعب والانتظار ماشوف روحي الا رقدت واكسر خاطر الناس يطوفون عليي وانا نايم على الكرسي انتظر المحروسة تخلص تسوق

ارحموا القوارير

المرأه تتحمل بقاؤها في البيت و مسئوليته و تربية الاولاد حتى بعد رجوعها من الدوام ، و ما طلبها التسوق الا لغرض سداد احتياجاتك يالباشا بو وجه ويلبانه ، تراعي فيه ميزانيتك اللي نفخت راسها و انت تقول ما عندك و الى طلعات الربع مادري شلون عندك ؟؟!! ارحموها فهي ام اولادك و رفيقة عمرك ،، بدونك لا يضيع بيتك لكن بدونها تتشتت العائلة

احسن شي العزاب

تفتر بروحك لا مرة ولا شي تاخد الا تبي وتتيسر وعلى راحتك

الله يحفظ اللي يتحمل علشانا

اني دايما اذا رحت السوق عقب فترة ينبهت جسمي واتعب وتالي اكتشف ان اخذت في السوق فوق الساعتين ومن جذي اتعب ،سبحان الله ولا احس بكل هالوقت وطبعا أحلى شي اذا قال لي زوجي بقعد ويا الجهال وانتين روحي بروحش تسوقي( أنطلق إنطلاقا نحو الحرية)

يا بختش

الله لا يغير عليش اني منى عيني يعطيني حريتي واقدر اتسوق بروحي

ممتع جدا

شخصيا احب التسوق مع وزجتي واجد فيه متعة كبيرة رغم اني (اجرجرها) بالغصب للذهاب للسوبرماركت, واحيانا اضطر للذهاب لوحدي

مستجن

مستجن الي يوديها ويه

أني العكس تماما

زوجي يحب يتسوق ويكسر رجايلي وهو يكاسر ويا البايع ومن محل الى محل وبالأخير يمكن ما يشتري ويرجع يوم ثاني ياخذه من نفس المحل وبعدين يقول ظهره ههههه يعني اني العكس

البلادي

انا زوجتي الله يحفظها حدها نص ساعة و تتعب تبي ترجع السيارة و انا الف السوبر ماركت 5 ساعات و لا احس بشي لكن إذا وصلت البيت احزب من حمال الأكياس و نصيحة مني لكل متزوج إذا جيت بتاخد اغراض البيت روح مطعم و كل لين ما تعبي فل علشان إذا رحت السوبر ماركت ما تشفي على كل شي و تاليها تنصدم من الفاتورة

جيب كاش وتيسر

الأفضل يجيب الفلوس وهو يروح والقلب داعيله
على الأقل تسوق بهدوء وراحه لا طحنه ولا زنه ولا رنه

مُتعه ام مُشكله ؟!

إذا كانت الزوجه قنوعه وتخلص التسوق بوقت معقول فهو متعه ، اما إذا كانت بارده في التسوق وتقضي ساعات في المجمع فهذه مشكلة كبيره يُعاني منها الكثير من الأزواج ولذلك يملّون من زوجاتهم

وين تفكيركم وين انصافكم

طول السبوم الزوجة محبوسه في البيت لمن توديها السوق تبغيها تخلص في نص ساعة بس عشان الزوج يروح الى ربعا يا اخي فك العالم وروح انتا اشتر من السوق بدال زوجتك شرط تخلص بعد 5ساعات لنك ماتعرف تشتري اصلن الزوج هو الي يلوع جبد الزوجة مو عشان الوقت بل عشان المال الي بيصرفه من بخلا يحط الحرا في الزواجه ههههههههه

عن نفسي .

التخطيط مهم , وقبل أن أطلع للسوق اكون كاتبه كل ما نحتاجة بورقة , احب التسوق مع بناتي , زوجي يقضي 4 الي 6 ساعات ويا الربع . الله سبحانة وتعالى بيسأل هالزوج طلعت مع عيالك ؟ او مع ربعك . هناك خله يجاوب .

مشكلة

مشكلة بس نسوي روحنا مستانسين جان يستانسون

هههههههه ويلي على البلاوي

اسمعي طامت لرجال

افضل بدون رجال

افضل للمرة تتسوق بدون رجال. مثلا مع خواتها وصديقاتها.نسوان ويعرفون لبعض.لان طبيعة الرجال مايحب لفرارة. لكن في ماجلة البيت افضل الزوجين يشترون احتياجات البيت مع بعض. وفي النهاية المرة ما تتسوق الا عشان الاولاد واخر شي عشانها. بس افتح ليها جيك وخلها تفل روحها في السوق وشوف ردة فعلها الايجابية.تستاهل ام لعيال

سوق الملابس أو أدوات البيت

أتفق معك في ماجلة البيت أنه أفضل للزوجين يشترون احتياجات البيت مع بعض لكن المشكلة أن المرأة مع أخواتها وصديقاتها إذا راحو سوق الملابس أو أدوات البيت في الدكاكين الغير سَّعرة يقصون عليهم الهنود والبنجالية وأحنا بعد يقصون علينا ساعات لكن النسوان بزودهم وزيادة.

لا تقول

واللي ما عندها صديقة ولا أخت شنو تسوي
وبعدين بالنسبة لي تسوق الزوج مع زوجته حشرة وستر

باااااااااااال أخر شي أفكر فيه

أخر شي أفكر فيه أني آخذ زوجتي تتسوق معاي ليش قالو ليكم عننا مجانين

افضل التسوق مع صديقتي

الذوق واحد والمحلات اللي نروحها وحدة
مع انه ابو لعيال ما يقول شي ويجي معاي كل مكان بس طبعا هو والعيال بتمون واقفين لي على الباب كانهم نواطير وافهمي يا مرة يعني بسرعة خلصي
لذلك التسوق مع الزوج لاغراض البيت فقط واغراضي الخاصة مع صديقتي افضل له ولي

مسكين الرجال

أكيد راح نتبط جبده

وضع مأساوي

أحط يدي على قلبي يوم الي تقول لي مرتي باروح أتسوق معاك لأن في كل مرة نرجع متهاوشين

مولاي وروحي في يده قد ضيعها، سلمت يده.

متعة أن تكون مع من تحب، المشكلة في التسوق مع الزوجة وهي مشكلة عند بعض الأزواج أيضا أنهم يشترون ما تشتهيه أنفسهم وليس ما يحتاجون إليه عمليا، نحتاج إلى الترشيد في كل حياتنا ليس التسوق وحده.

التسوق

طبيعتي ما احب الاسواق ولا التسوق.
واتسوق عند الحاجة فقط.
واحب اتسوق لوحدي بدون وجود زوجي.
لانه يمل ويتعب فليش عوار الراس.
خليه مرتاح متسدح متبطح في البيت شنو ابغي فيه.
مادام بطاقة البنك مالته عندي خله مرتاح.

أسوأ تسوق مع امرأة

أسوأ تسوق مع امرأة ، والسبب طبيعة المرأة (لجه)وايد والمقاصص على السعر على بيزه ، وتلبس الثياب إللي في المحل كلهم ولا تشتري ، واذا اشترت شيء الريال إللي معاها بيصير حمالي ، فالأفضل لن لا تتسوق مع حرمه.

تحفظ ميزانيتك يا النسيب

المرأة اللي تقاصص تحفظ مال زوجها.. وهذا مديح لها وليس ذماً فيها يا نسيبي..

الصابره

عن نفسي تعودت اتسوق بروحي متعه وأخذ راحتي وجوده نقمه يعني بالعربي من سنين رامي المسؤوليه علي شنو فايدته معي بالسوق غير النكد خخخخخخخ ونكمل دورنا النساء بكل شيء آخر شيء سويته أمس غيرت السلندر .....نسيت مع الزمن اني امرأه

الله يساعدش

عندي وعندش خير
اني حتى الصيغ أصبغ وركب بيان الكباتة ووووو ووووو
وهو يطالع

على عمري ذكرتوني بأختي الكبيره

الله يعطيكم العافيه وهذا كله جهااد وعند الله ما يضييع

افتكيت من التسوق

كنت قبل اشتري ماچلة البيت كل شهر و كان كله يعايرني ان اشتري اكثر من حاجتنا مع ان كنت اتعب بروحي و ساعتين تقريبا وكله أغراض البيت و لا حاجة خاصة فيني حتى لو احتاجه و من يوم ما استلم المهمة ان أهو اللي يتسوق حتى لو تطلب الامر كل يوم صيج مرتاحة ولا ابي أكون مسئولة عن أغراض البيت اهم شي راحتي و خل أهو يستمتع بالتسوق....

افضل اتسوق بروحي

بالنسبة لي أفضل التسوق لوحدي بدون زوجي، المعايير تختلف بين الزوج والزوجة فمعيار الرجل اعتقد السعر ومعيار المرأة الجودة ولذلك لازم يختلفون ... اعتقد هذا مجرد جانب واحد لسبب الأختلاف في جوانب اخرى اطرقوا ليها الأخوة والأخوات

شنو قالت الجودة

ويش فالت الجودة و هم يدورون ماركة بس اسم حتى لو بيز و خلاقين بس عشان فشار مع ان في اشياء مو ماركات و جودتهم افضل من الماركات. لكن مو هي الي بتدفع من جدي تتدلع و تقول جودة

ارحم ترحم

تقضي الزوجة معظم الوقت في المنزل مما يجعلها عصبية المزاج بسبب الطاقة السلبية فهيا تغتنم الفرصة في التسوق لافراغ الشحنات لاكنها متعة للقلب وطامةللجيب

طاح حظهم

القهر ان المره الي يقولون ان هي تفتر في السوق نهايتها ان الاغراض الي تشتريها اليه و الى عياله و بطونهم و هي ماليها الا التعبه و تكسيره الظهر و السبب ميزانيه الرجال التعبانه

فيها فكرك

لا يملك ذوق ال يقول ان الخروج مع ام لعيال للتسوق غير ممتع او بمعنى اخر ( نقمة )
لماذا؟؟
احنا لرجال لين نطلع مع الاصحاب لمجمع مثلاً ناخد طول الوقت في لفرارة على المجمع رايحين جايين بالساعات على شنو ( ولاشي )
الحين لين تطلع وي المرة لو ساعة في سوق تسوي روحك المختنك وال بتموت
فكروا شوي

اي هذا هو

مع الربع يكون ممتع وأبو الممتع
بس مع ام عيالهم لا يصير نقمه واضاعه وقت وتعب
على الأقل قدروا جهود نسوانكم في هالتسوق يا قليلين الشيمه

طبيعي

لأن من طبيعة تسوق المرأة أنها توقف في المكان الواحد مدة طويلة تفتش على كل الملابس، والرجل واقف على رجله، خبرك الرجل ما يحب الوقفة بدون داعي، خله يحوم من مكان لمكان يستانس، بينما لما يطلع مع الربع يكون أكثر الوقت أما مشي لو قعدة على الشيشة.

تستاهل ومن حقها

أم العيال لها اللي تبي لو تتسوق يوم كامل بارد على القلب وقليل في حقها كفاية تعبانة في تربية الأطفال والاهتمام بالبيت التسوق معها له متعة و وناسة خصوصا لما تشوف الفرحة والرضا في عيونها وعليها بالعافية

على راحتها

شكلة السكان في ايدها مضبطتنك هههههههه

طارق

هههههههه لا تظلم الرجال يمكن يحب يدلعها او يعوضها عن تعبها والله اعلم

غريبة

الواحد لين قدر زوجته يطلع السكان عندها!!!
شهالمنطق التافه الي عندكم
انت لو تشتغل شغل المرة وتحمل وتولد نفسها جان مت ، الحمدلله على نعمة العقل

باااال سوووق

صراحه واجد يمصخونها نسوان في تسوق..انا افضل زوجتي تروح تتسوق ويا اخواتها احسن من ما اروح ..بعطيها مليون دينار خلها تشتري الى تبغيه بس ما ابغي اروح وياها السووووق

لا والله عادي

والله انا مريحتني المرة ما تتسوق واجد يعني محلين ثلاثة بالكثير ورجعها عقب البيت وفل الدنيا عقب ويا الربع

ويلاه

اكيد مريحتنوك لانه عندك ربع يعني انت لي تملي عليها كم محل وكم الوقت لانه حضرتك ماعند وقت الربع ينطرون

8

مشكلتهم يطولوون واجد في التسوق .. وخلون الزوج يذمر .. الادهى ينتقلون من مكان الى مكان واذا ما عجبهم يخلونه ليوم ثااني .. يعني مووت

مسوين روحكم كلش

الحين الكل المرة والمرة .. واللي تلوع جبده واللي يبي يرجع واللي تصيده دوره
هي ما تطلع تشتري هالاغراض وتاخذ هالوقت كله الا عشان بطونكم
لكن حطو نفسكم مكانها اسبوع واحد وشيلو مسؤولية البيت من كل النواحي
يمكن يتحرك احساسكم الميت
الحمدلله والشكر بس

صح كلامش

حتى على الطلعه يحاسبونه واشتروا ده ولا تشترون ده وتالي ينفخون وجههم .......عليهم وعلى وجههم

كارثة

مصيبة

الضغط والسكري: لكن الحريم يحبون السوق

تلف السوق لف وإذ حصلت الحاجه بعد تروح محل ثاني وثالث وعاشر وبعدين تقول نرجع إلى أول محل خلاص تعبت الزبده الحريم يحبون السوق أكثر من الرجال تحملو فيهم يستاهلون وشكرا

لا لا لا

انا ما حب اتسوق الا لضروره ماحب السوق أحب كل شى يوصلني لمكاني

يمقن اي

والله التسوق وياها حق أغراض البيت ضرب من الخيال ... تخليك تلف تلف تلف و بعدين و عقب ما توصل حدك وترتفع درجة حرارتك وضغطك يرتفع و ترتفع لك الأحماض و يتعطل شغل البنكرياس و يخمل عمل الغدة الدرقية و زيوت المخ تفقع و الأمعاء تتشابك مع بعض و يصير عندك عسر هضم و تتمدد فقرات الظهر و ترد تتقلص و عضلات جسمك تفرز مادة ساكروبلازما وتؤدي لك بتقلاصات وترهل في النسيج الخياشيمي لها مما يسبب بجلطات متعددة في جميع أنحاء جسمك يمكن تحس و تخلص عشان تقولك خلنا نرجع البيت و لو رجعنا بعد في هوشة في السيارة.

هههههههههه

انت بس هدي اعصابك وكل شي بيصير تمام

هههههاااااااااي

مدام هذا كلامك يعني العكس صحيح
انت مرمرنها

انا ما يقهرني

الا الي يسوون روحهم مثاليين يا احبائي المشكله مو بالتسوق بنوديهم على العين والراس مو مشكله السالفه وما فيها الكثره كثرة التسوق وطول مدته مو معقوله هالقد محتاج تسوق عائله من فردين او ثلاثه

نعمه ام العيال

والله انا اشوف ام العيال نعمه وتحس شريك حقيقى معك فى كل شي وانا احب كل الخروج مع ام العيال وكل عام وانتم بخير

اهم شي ياازواج ارجووكم

لا تحملون شنطة المدام ولا تفشلون روحكم وايد يكسرون خاطري ويقهروني احسهم متبهدلين رجال ش طوله وش عرضه وفي ايده شنطه نسائيه

ههههههه

يا زعم مريحنها اشدعوه حامله الشنطه

عادي اشفيها

اني شنطتي فيها تلفونات وادويتي وادوية زوجي وجهاز السكري ووووو وغير اني عندي للديسك ف الرقبة وشد بعضلات الكتف
كذا مرة حن علي وحملها

اي

قيديني وانا خروفج مالت ع الرجال اللي مثل هالنوعيه

كل هذا

كل هذا فيش وبعد تتسوقين واجد ترى مو زين للديسك الله يعطيش الصحه والعافيه

عفواً ياجماعه وياصاحبة الرد بتاع السكري والديسك

اللي كتب قيديني وانا خروفج بس كلمتين بقولهم لك. معانات الأخت مثل زوجتي بالضبط وأنا أقول روح الله لا يبلاك بمرض من ذه النوع ترى والله لو صادك يمكن تطلق أو ماتعيش معاها. الله سبحانه وتعالى الحافظ ومساعدة أم عيالك ذي رحمة وعيب كلامك. يكون في علمك انه بعضهم النساء ال يعنون من هالامراض حتى جيك الماي ممنوع عليهن. فحبيت أقول لك حاول الا يطغي عليك حب نفسگ في مساعدة زوجتك بذريعة الكبرياء والإستحياء. الله يطول بأعمار الجميع ترى العمر قصير والحفرة عرضها فوت. فلا تحاول أن تفرح نفسك بكلام يسبب لغيرگ الآلام.

يالحبيب

انا ما عندي مانع اشيل عنها الشنطه وتخيل نفسك شايل الثقل طول هالوقت يا اخي خذ الشنطه وحطها في كيس مو مشكله اهم شي ارضاء زوجتي ام اولادي

التسوق معها

التسوق معها متعة إذا قدرت ظروف الزوج المالية وسمعت الكلام أما إذا قعدت تحن وتتحنطم تبدأ المشكلة

دكرتوني

مرة لقيت رجال في احد المحلات في السعودية ولده اقول ليه هدي الفانيلة احليوة قال روح الى امك واسألها انا عليي ادفع وبس

ههههههه

عجيب مسكين خلاص استسلم

هههههه

اني من النوع اللي لازم أخذ رأي زوجي
وروح أماكن معينة
واذا اضطريت رحت مكان غير
وبالعكس اذا اشوف أشياء مالها داعي اني امنعه ويعصب
بالأخص اذا كانت الفلوس قليلة

ههههههه

زوجي بعد يسوي چدي مايرضى يشتري شي لولاده على ذوقه عشان يتفادى المشاكل ويايي بسبب ذوقه الضعيف

اي والله

دكرتوني بزوجتي تفتر في المحل ساعتين وبعدين تطلع اتقول ما حصلت شي انزين هالساعتين ويش كنتين اسوين مثلا .

اتدور

اتدور الي هي محتاجة تاخذة ما بتاخذ شي ما تحتاجه او يمكن كانت تقايس كم قطعة وما ناسبها

حدود

في الحقيقة هي مو مشكلة .. بس نحن الرجال نسويها مشكلة .. قبل كنت اعصب... الان عادي لسبب بسيط.. هي رايحة تتسوق...

ما شاء الله

وشهد شاهد من أهلها
الله يهديك ويهدينا جميعا

مو هذا الي يعصب

الي يعصبني كثرة التسوق والتنططط يعني تخيل اسبوع ودني وودني غصب الواحد يعصب بداية المدارس يسوونها قصه وكل يوم وهي السالفه في يوم اخلصها كم دفتر وقلم ياخذونها حجه اسبوع مشاور على ما ميش

العكس صحيح

على العكس تماماً التسوق مع ام العيال فعلا ياخذ وقتا طويلا ولكن من غير ان يتضمنه شد وجذب مع البائع فأم العيال تاخذ ما شائت من الأغراض وتضعها في سلة التسوق من غير النظر الى سعر السلعة او حتى تاريخ صلاحيتها واذا ما كانت فعلا تحتاج هذه السلعة ام لا فقط لان ها مركونه في قسم العروض فهذا شي يعطي السلعة أهمية بالنسبة اليها

اتسوق بحرية

افضل اتسوق لوحدي لانه زوجي ما يبي يفتر بي كذا محل ويبيني اخد كل شي من محل واحد..مو معقوله يعني عادي اذا كنتين تبين بلوزه وما عجبوش تاخدين مكانها جوتي ....خخخخ من جديه ما يصلح اروح وياه

ههههه

بلاوي خخخ

التدبير مهم

المشكلة يشترون اشياء
زيادة ماليها حاجة ماسة والدفع على حساب الفقير الله يعينه

اي والله في ناس جدي

عاد مو الى درجه انه منتهي ومال العروض ترى اخرطي

يصير بنك المتنقل

والله الحريم يدورون السوق كامل ولا تكسر رجايلهم والازوج تتكسر رجايله واخير شي بليل تقولك تعبانه
الله كريم

تسوق مع ؟؟؟؟

التسوق مع الزوجه نقمه نقمه نقمه ولوعة جبد بعد

بل الله يساعدك اخويي

تعليقاتكم اليوم ماليها حل هههه

حمله خلهم يخيسون

كل وحده رجلها من نوع التعليقات المتذمره تترك عليه التسوق وشراء حاجيات البيت واغراض وملابس العيال ،،خلها تجربه ليهم سنه يطلع ويدخل في لسواق بروحه واطفاله وبعدين بتشوفون اخلاقهم تعتدل مع زوجاتهم ولا لا

صدقت زائر 39

ولو من الاساس هم حابين يسوقون زوجاتهم ما بيتمللون

يا ريت

الي تقول خلوها علينا انا ابغيها چذي بس هيه لازم تبغي تجي بالعكس افضل اروح بروحي اذا وياها امهل ساعه بروحي ربع ساعه نبغي راحتكم بس انتون لزقه

لوعة جبد ومضيعة للوقت - MFD

والسبب ان اي شيء المرأة بتشتريه ، لازم تاخذ رايك وغصبا على الزوج الموافقة حتى لو كانت البضاعة ما منها فايدة

لوعة جبد و مضيعة للوقت MFD

المشكله مو جذي

اذا قلت رايك في النهايه ترجع لرايها انزين ليش سائله من اساس

مشكلة

يوم اللي اتسوق مع زوجتي، نرجع متهاوشين، نكدية وتجيب الهم

احلا تسوق يكون مع أم العيال الله يحفضها

أفضل تسوق مع زوجتي هي مديره البيت وهي المختصة في مجالها

الله يساعدك

خلها تروح بروحها وتعرف قدرك ويمكن انت بعد تتحلطم واجد والحمد لله زوجي وايد يمزح ويضحكني ويضحك الزباين اذا يسمعون تعليقاته

على كيفكم

عجيب التسوق مع الزوجه خاصة اذا رجعت البيت وشفت الرضا في عيونها

التسوق مع الزوجة في الغالب يتعكر المزاج

طبيعة الزوج ما يحب التطويل في السوق، و طبيعة المرأة أن ما يعجبها العجب، وتسوي روحها فاهمة في البضائع واشكالها وأنواعها وهي خرطي، انا عندي خطة في التسوق، دائما أمدح الشي اللي تختاره واسوي روحي معجب به، بس عشان تخلص بسرعة واطلع من السوق بأسرع وقت ممكن.

عساك هم

شكلك ما تحبها لو تحبها ما قلت جذي

الزوجه المغرورة

الزوجه المغرورة والمتكبره دايما تجيب اليك المشاكل في التسوق او اي مكان ودايما تنظر لمصحلتها دون مراعاة من ميزانيتك او ظروفك الصعبة وفوق هذا اتصير انت مقصر
اما الزوجه المتواضعه هي دايما تجيب اليك السعاده وتراعيك في احوالك العامه والخاصه وما تنكدك لان بنيت على مبدأ الصحيح

مرض

التسوق مع الزوجة سرطان ماله علاج

تجيب الهم هااا

فيها اطلع فلوس صارت تجيب الهم والتيبي ولكن ... مايجيب الهم الا ليها
تشتغل لك ولولادك وتبيها تشتغل اوفر تايم وبعدها همزيني والواحد يحس على دمه المره مو ربورت مايتعب
واذا انت مارحت تسوقت معاها من بروح وياها وفوقها اذا طلعت بروحا شوف الاتصالات متى بترجعين مابترجعين ليش وش تبي ابي السيارة
وش تحط عليها عشان تبره