تابع نداء عاجل لإدارة المرور

فلما تشوف الواحد منهم، بعضهم في الثلاثين والآخر في الأربعين ومنهم من في الخمسين في العمر... ولكن صدقوني مراهقين وصبيانيين،
فأقل شي الواحد منهم يسويه، لما نكون ننتظر في السيد، يزهقك الواحد منهم يباغتك بصوت البايك، هذا عدا الاستعراضات في الشوارع...
وعليه نتمنى من إدارة المرور تشديد الرقابة عليهم، وتفعيل العقوبات مو بس غرامات، نريد سحب رخص ودراجات... لأنهم بصراحة يعرضون حياة الناس للخطر... وأكبر دليل كم واحد منهم توفى بسبب القيادة المتهورة
وشكرا جزيلا

نداء إلى إدارة المرور

الرجاء من رجال إدارة المرور تشديد الرقابة على أصحاب البايكات، صراحة أنا دايما أشوفهم يستعرضون ويرفعون البايك وهم يسوقون، المشكلة مو بس يعرضون أنفسهم للخطر هذي حياتهم كيفهم فيها، المشكلة يعرضون حياة الآخرين للخطر، وكلهم مراهقين والمشكلة مراهقين ولكن على كبر...
ويخالفون الأنظمة المرورية، ويجوبون في شكل جماعات كبيرة شوارع البحرين خصوصاً في المناسبات، ويقومون بمعاكسة بنات الناس، لابد من إدارة المرور التشديد عليهم، توقيفهم، سحب رخصهم وبايكاتهم، لأنه الصراحة مصخت السالفة

الرد على زائر 5 (( الطريق للجميع والسلامة اولا ))

اولا صوت البايك يكون مرتفع حتى ينبه السيارات لان اصحاب السيارات يدخل على اصحاب البايكات ولاكانه مسوي شي وهذا السبب الرئيسي للحواث مع البايكات .
ثانيا البايك مثل السيارة ومثل التلفون في انسان يحسن استخدامة وفي انسان يسيئ استخدامة
ثالثا اذا على المعاكسات الي بالشارح ترى البنت المحترمة والمتربيه محد بيتحرش فيها سوى كانت بالشارع او حتى بالمجمع .
انا صاحب بايك ونطلع قروب كبير شعرنا (( الطريق للجميع والسلامة اولا ))
وكم مرة تصيدنا حوادث والسبب صاحبة السيارة او صاحب السيارة لاهي في التلفون

لا يا جماعه

لا يا جماعه لا تاخذون فكره عن الي يمشون بايكات جذي ترا مو كلهم نفس هل اشكال .. هاي مجرد اطفال مثل مافي اطفال يمشون سيارات و يرتكبون مخالفات متعمده و الا الي يمشون بايكات في البحرين من احسن الناس و تفكيرهم ارقى من جذي

يستاهلون اللي يستهترون بالقوانين

طبعاً هذا بعد ما انتشر الفيديو في شبكات التواصل و المرور ابداً ما حرك ساكن و نتمنى ردع المزيد من هالاشكال

الله يهديكم يا شباب

نحن نحاول جاهدين تجاوز المخالفات بأي طريقة ... و انتم تتعمدون ؟؟؟ اشلون ما ادري والله .