يا ملامح ذبولْ

غاض وقتك معي...

عبرتي ترتجفْ

كل مايٍ تذوقْ

جاد به مدمعي...

كيف عينك غدتْ

قفرةٍ من بريقْ؟

كيف ضيق المتاهه

صار رحب الطريق؟

ما يفيد الندمْ

لو غرامك هلاكْ

ارتجي شوفته

في عيوني ملاكْ

يا رحيلٍ فُضوحْ

عفْتني دون همْ

كيف يصبر هواكْ

دون لثمٍ وضمْ؟

وانتْ لي قلتْ: تَمْ!

غرْسة النار تورق

يا شفيع بنزوحْ...

كل «غامض» تعدّه

في عيوني 'وضوح'...

يا الندى المبلول

من خضرة ربيع وثرثرهْ

ها المهب الأخضر المرمي

على مخمل ندى

من يوقّظ فكرته؟

ومن يرجرج ها الحياه

اللي تضج بصفحته؟

كم تناثر ها البياض

وبلّل شْفاه وْ وريد؟

كم تباهى في المدى المنثور

في غرّه وْجِيدْ؟