وين وزارة العمل و هيئة تنظيم سوق العمل ؟!

اشتغل في شركة ويجون شايلين شنطة دبلوماسية وبكل ثقة نبي نقابل الجينرل منيجر ، في البداية ما عرفت هالاشكال اسال ليش يقول بزنس ، وإذا أصريت عليه يطلع من هالاشكال اللي تضيع وقت الموظف ، تعودنا عليهم وعرفنا جمبزتهم الحين ما اشوف لهم أثر

انه خذيت مال مطاعم مرمريز وطهران بعشرة دينار واستفد وايد ... الي يبي ياخذ والي مايبي لا ياخذ .

انزين ليش ما اتسوون مثلي؟ الصراحة أنا من أشوف أي واحد مقبل قبل لا يتكلم أقول له لا ما أبغي مشكور لأني أعرف سالفتهم وحتى البنغالية مال التغسيل اللي انتشروا بشكل رهيب حتى قامو يضربون البيبان عندنا في مدينة حمد - وأقول الى اللي يدافع عنهم بأن هؤلاء صحيح فقارى ولكن تصرفاتهم وانتشارهم بهذه الطريقة غير منطقي ومعظمهم يحملون صفة الإجرام حط بالك أنا قلت معظمهم وليس كلهم - ولذلك أبعد عن الشر وغني له وشكراً

خلوهم يترزقون وبسكم تحلطم، انت ما تبغي غيرك يبغي، قوله ما ابغي وانتهت السالفه ولا تكبر الموضوع بزياده !!!

أنا يوم كنت في الجامعة إشتغلت هالشغلة ليش مكبرين الموضوع و مسوينها جريمة

مره كوبونات ومره فواكة ومره لعب والمشكلة يلاحقونك ويطقون عليك دريشة السيارة بكل وقاحة هذا لو بحرينين جان من زمان جاهم جيب وشالهم بس ذلين عيال الديرة صارو ليهم حرية العبث

سبق قبل ثلاث سنوات اشتريت كوبونات من عند بحريني ولما بدأت استخدم الكوبونات بعد اول كوبينين فقط مع ان الخدمة كانت تختلف عن بدون الكوبون وبعدها بشهرين اتصلت احجز وخبرتهم ان عندي كوبونات تخفيض الا تقول ليي وقفنا الخدمة، مع ان مكتوب بالكوبونات صالحة لمدة عام من اول استخدام، وبعد فتره جاني نفس الشخص صاحب الكوبونات يبي يروج عن كوبونات لمطعم فخبرته ان الموضوع نصب وطردته والمروض يعطيني الكوبونات مجانا كتعويض

يا اخي ليش الغرادة خلهم يترزقون مدام لا حسيب ولا رقيب الامور فوق الطيبة عندهم ما تشوفهم لما يطلعون في التلفزيون شيقولون بحرين واجد زين بحرين بلد مال انا صح لسانهم بحرين احسن بلد وهي الارض الخصبة وارض الثراء بالنسبة لهم وكل شي ببلاش ...

ولد زويد
والله جدا عادي ليش امكبرين الموضوع أنا إذا شفت شي من العروض يعجبني أخذه وبالعكس جدا ممتاز خصوصا إذا تشتري وجبة والثانية مجان وأنا أتعامل معاهم والعروض الي تناسبني أشتريها ولي ما يبي يقول له شكرا ويمشي عنه

واجد امبالغ في الموضوع مالي داعي هاذي القصه كله

اي
لان الكل الحين شغال في السجلات وبيع الفيز، جارنه ما عنده شهادة طالع من الثانوي، الحين يملك بناية مؤجرة من كثر السجلات الوهمية وبيع الفيز.

هذا بفضل السجلات الوهمية والفيز الي يبيعونها
الحين صايرة موضة، كلمن ما عنده شغل يروح يأسس شركة ويبيع الفيز ويجون بعدين هذيلين الآسيويين و يعيثون في البلد ويغربلون خلق الله.

كوبونات المطاعم منها فايده اذا طالعين شله والحساب ٤٠ الخصم ٥٠٪‏ الصراحه استفيد منها اما باقي الاشياء ما تهمني

لا يزعجني الأمر أبدا لكن بعضهم يطرق نافذة السيارة بقوة فيصبني الأمر بالفزع وعندها أضحك فقط

يا أخي مرمرونا كل مكان يطلعون لنا... تقول (لزقة عنزروت)

حتى على أبواب أسواق ....في جدحفص لديه كوبونات مطاعم
الحين جاي شهر رمضان المبارك وشوفوا الكوبونات بتزيد

ياخي قوله مابي وخلاص .. شعب من قلة المشاكل صار يدور مشاكل

رحت سوق واقف عشان أشتري هوز غسالة من أحد محلات بيع المواد الصحية وكانت معاي زوجتي وبنتي وما أن نزلت من السيارة حتى حاط بي عدد عشرة أو أكثر من الآسيويين عارضين علي الخدمة ، ذهلتي الأمر صراحة فهل يعقل كلهم عاطلين عن العمل

اذا بعض الاحيان نوعية ما تناسبني مثل مال الالعاب قلته شكرا
ويبي يقول عن عرضه عادي مشيت
فعلا حسيت مكبرين الموضوع

احس الشي جدا عادي
اني مرة اشتريت مال مطعم واستخدمتهم كلهم
وخمس مرات اشتري مال صالونات بس ينتهون قبل الاستخدام والسبب بعد المسافة

في واحد بحريني دائما أراه منذ سنوات عند دوار ....يبيع مياه و بعض الأشياء الأخرى ومعه ولدين صغيرين يشبهانه لكن يوم سألت عنه إتضح لي انه ميسور الحال ومؤجر ١٣ شقة ولديه عدة بنايات وهذين الولدين إبناه ، كنت أتعطف عليه وأعطيه وأبناءه بعض المال لكن اليوم صرت اتجاهله لكن السؤال لماذا لا تأخذ وزارة الداخلية موقف منه ومن غيره من المستعطفين للناس في الشوارع وهم مكدسين أموال وأصحاب عقارات .

هذا واحد لا يشمل الجميع من ميسوري الحال، والفرق هنا هذا مواطن بحريني بعيدا عن ماهية عمله وهو لم يطلب استعطاف الاخرين انما اراد ان يخدمك مقابل اجر يحصله، بعكس الاجنبي الذي نراهم بكثرة في كل موقع

هذا صار مشهور، صادوه من الاموال الي يودعها بشكل يومي في البنك..

ديرة سايبة للاجانب والمواطن مديوس او الله كريم؟

لان الحين، الكثير يطلع سجل ويبيع الفيز ويسكر السجل والديرة مليانه

من ناحية قانونيه و اجتماعيه هاده تصرف غير صحيح ولكن من ناحية شخصيه هي فائده للمحلات التجاريه و الفرد لانه في تخفيض .. بس لو المحل التجاري لو المغسله هي نفسها تبيع الكوبون افضل او يخصصون كبينات لبيع تذاكر التخفيضات

كل يكبرون السوالف
ماتبون قول مانبي

الآسيويين "شوهو" وخدشو مقابض سياراتنا من كثر الإعلانات اللي يحشرونها عند مقبض باب السيارة بصفة يومية.
أظف إلى ذلك هذه الإعلانات اللي يتم توزيعها في الشوارع وبشكل عشوائي على المارة في الشوارع وعلى السيارات المتوقفة دائما ما تأخذ طريقها ورميها في الشوارع والطرقات.
ألا يوجد جهة رقابية على هذه الإعلانات ؟؟؟

يا اخي ماتبغي قول له مابغي وخلاص مكبرين الموضوع ليش

خل الموضوع يصير لك اكثر من مرة وبتتفهم الازعاج

بعد تعال لهم في بعض المجمعات ترويج حق مطاعم وفنادق وخصوصا إذا ياك مصري يلصق فيك تقول له
يا أخ مشكور أفندم انت خسران يا أخ مشكور أفندم أنا عاوز مصلحتك وووووو .... ترويجهم غصب زور

المشكلة في طريقة التسويق
مفروض اتعامل وياهم بإحترام
بس خلهم يفهمون اذا قلت شكراً
الناس ما تحب هالحركات
سبق وشفناها في المجمعات من شركات نصب وإحتيال
يوقفونك وما يقولون لك شنو يبغون بشكل مباشر
يلف ويدور ويقولك فزت ويانا
مرة قلت ليهم أنا داش المجمع بشتري حاجة ضرورية وبتعشى مع أسرتي،ما عندي وقت
بدون أي احساس يقول نبغاك تروح مكتبنا الحين تستلم الجائزة وبيشرحون لك الموضوع
هل انا غلطان اذا حقرته و مشيت؟
كوبونات المطاعم ماليها علاقة بالموضوع اللي طرحته لكنهم يستخدمون نفس الأسلوب

الشغل مافيه عيب عن نفسي أشتريت من عندهم كذا مره وكان الشي مفيد لي ولعائلتي ولافيه نصب واحتيال، ساعات يجوني المكتب وبكل احترام وساعات اشوفهم في باركات الهايبرماركت او غيره !
طبعاً طبيعة عملة تفرض عليه انه يقنعك حاله حال بقيت الشغلات في السيلز !
نفس السيلز مال البنوك وغيرهم الفرق انه أجنبي عشان جذي انتون متحسسين ؟؟
خلو الناس تسترزق ربها ماتبي قوله مابي سوري لاتزعجني !

ماله دخل انه اجنبي ، المشكلة لما تقول مشكور ما ابي يصير انه يواصل في البيع ترد تقول ليه شكرا بعد يواصل

اراهم أحيانا عند أسواق الحلي في عالي
عندما تنزل من السيارة يعرضون عليك شراء كتيب الكوبونات
تعتذر لهم بعدم رغبتك فيحاولون اقناعك بالشراء فتكرر عدم رغبتك فينصرفون
مرة واحدة - قبل حوالي سنتين - حصل لي موقف مع احدهم
اخبرني بان لديه عرض لهذا اليوم فقط وهو كتيبين كوبونات بسعر 10 دينار فقط بدلا من 10 دينار للكتيب الواحد
اشتريت منه الدفترين ثم تفاجأت بعد أيام ان الكتيب يباع في كل مكان ب 5 دينار فقط
يعني بالمختصر : كذب علي ليسوق الكتيب

بصراحة ناس فاضية اللذين ينتقدون شراء هذه الكوبونات وهي ذات فائدة وخاصة للعائلات الذين يترددون على المطاعم في اجازة الاسبوع كما أن احد المتقاعدين أقام حفلة في مطعم كلفته 40 دينار بدل80 ويبدو أن المنتقدين بخلاء على عائلاتهم فإنهم لا يترددون على المطاعم

الصراحة انا وااجد انزعج منهم كله يجون الدوام

يوم السبت كنت رايح الهند .. عفوا أقصد المنامه والباعه المتجولين في مكان!! ولفت انتباهي مجموعه من الهنود متجمعين على شخص ورحت اشوف شصاير!! هندي عنده طاوله وخيط وسكروب يسوي تحدي مع الهنود بفلوس يعني رهان يعني قمار !! وفي الشارع العام!! عادي صح

حبيب قلبي صارت البحرين خراطة يمارسون الدعارة ويبيعون خمر ويروجون مخدرات بعضهم رئيس عصابة ويهرب
عمال وخدم من الشركات والبيوت ويستخدمهم في أكثر من شغلة كلش كلش فرش له في السوق بدون سجل وقام
يخيط نعل وجواتي أو جلس في الشارع عند سميوسة عبدالقادر وعنده جولة وقاعد يبيع سنبل أو عنده فرشة
خضرة أو عربانة سمك ويفتر بها والمفتشين يمرون عليهم عيني عينك ما يقلون لهم شي والغريب يشترون منهم بعد
والبحريني يلاحقونه ملاحق

يا ليت وقفت على مال الكوبونات بعد في سوق جدحفص يمنين الي يبيعون العسل يوقفنك اشتر عسل يمني أصلي
أقول له مشكور يرد ويقول له هذا عسل مافي منه في السوق أقول له مشكور يرجع ويقول هذا سدر طبيعي .. يا أخي
أنت تبغي تروج بضاعتك اعرضها مرة وحدة وإذا يبغي الزيون بيشتري منك وإذا قال لك ما أبغي مشكور خلاص تباعد
عنه ... مع الأسف في نوع من البشر ما يتباعد عنك ويلصق فيك كأنه لصقة ريح لازم يبغيك تشتري منه بالقوة

خوك كل الهنود يغسلون بخمسه شهريا هذا شي متعارف عليه ، شكلك مصموم او صاحب بزنس الكوبانات

انا اشتري من عندهم واستفدت وما واجهت أي مشكلة من قبلهم وهم لا يغصبون احد على الشراء مجرد ترويج لا اكثر

حتى عند رويان سند ويلصق مايتباعد شوي و يشد ويانه السياره لدرجة احس ان باقي شوي و يسحب ثيابي يترجاني اشتري وهالشي يضايق جدن

انا شخصيا اشتري بعض من هذه الكوبونات. و لا داعي لتكبير الموضوع. هؤلاء وضعهم القانوني سليم و ناس محترمين انا تعاملت وياهم. و لا يحتاج أن تكذب عليهم و تقول إن الهندي يغسل سيارتك ب٥ او انك تاكل بالبيت لان الهندي ما يغسل بخمسة و لا يمكن انك تاكل بالبيت طول الشهر الا اذا كان وضعك خاص بس هندي يغسل بخمسة قوية. ..قول ما تبي. يمكنك كشخص مسلم و خلوق أن تلقي نظره على ما لديه و تقول بانك لا تريده، لن يؤخذ من وقتك ٣٠ ثانية. تتحلطمون على كل شئ

وليش الهندي ما يغسل السيارة ب 5 دينار شهريا!!
زوجي متفق ويا هندي يغسل سيارتنا ب 5 دينار في الشهر.. ليش مستغرب !!

ليش الهندي ما يغسل ب 5 في الشهر ؟
مو زين تكذب الرجال
لأن كلامه صحيح وانت كلامك غلط
اللا اذا عندك سيارة جيب هذا كلام ثاني

لحبيب موضوع السيار ب 5 دينار
في وكثير
انا الهندي الى عندي يغسل ب 5 دينار ليش التفلسف

عجييب غريب
وانت يا اخ تبغيهم يسرحون ومرحون في كل مكان
حتى اذا نزلت عند مطعم او برادة تشتري وتترك الاهل
في السيارة ما تشوف الا هالاسيوي يطرق زجاج السيارة على اهلك.هل هذا تصرف مقبول.
وحضرة اتدافع عنهم. ترصف هؤلاء هو تصرف غير لائق.

سلامتك يالشيخ .. عندي واحد آسيوي اتعامل معاه شهرياً ويغسل سيارتي ثلاثة ايام بالاسبوع بخمسة دينار فلا تسوي روحك طالع فيها ان مافي بخمسه .. في وفي اكثر اذا التنظيف داخلي او السياره كانت كبيرة

هههههههه اعصابك حسيت فيوزك ضرب صدق شرالبلية ما يضحك الهندي يشغسل سيارتي بخمسة دينار ليش انت بجم تغسلها اكيد يقصون عليك مسكين
اي وعلى طاري الكوبونات مو مسالة يا حجي مو مسالة محترم وغير محترم الحكومة الموقرة تبغي تسوي تعديلات ووووو وهي تاركة هالعمالة السائبة مقططة بالشواره تسرح وتمرح احين لو بحريني جان قومت الدنيا وما قعدتونها اقول دام هم يبغون يمشي القانون صح خل يطبقونه على الكل مو بس البحريني والاجنبي يعيث الفساد بكل داعوس قال ويش ما في اقول استريح بس احس لا ينطر اليك عرق تمرض العصبية مو زينة

يارجل انا في الحد ولي يغسل سيارتي يقسلها يوم وترك بخمسه دينار ونت تقول مافي ؟؟
شكلهم ضاحكين عليك

الحمدلله عندي هندي يغسل السيارة بخمسه ونص قلت ليش النص قال لان سيارتك جيب يعني سياره كبير قلت له اوكي بس اياني وياك اجوف وصخ ترى راحت عليك والسبه الخمس ربيات

هذي تجارة ما فيها مشكلة .
المشكلة في إصرارهم وتعلقهم في الزبون بطريقة مقززة خصوصا اذا كانوا من جماعة (....) الموجودين في أغلب المجمعات

هذه طريقه للترويج وهذا عملهم لماذا أصبحنا ننقض كل شئ، يمكنك ان تقول له مشكور وتتركه
ولا هذا عاجب ولا هذا ، كفو

شخصيا تعرضت لهذه المواقف بشكل سافر من هؤلاء الآسيويين .. الغريب بالأمر أنهم يصرون على بيع هذه الكوبونات بشتى الطرق

لو كان الي يروجون بحرينيين لكان ممنوع ونوقش في البرلمان
لكن الشي صوب الاجانب ماراح يتعرض لهم مسؤل

ليش زعلان ياحضرة المواطن الشغلة جدا عادية وهذا تسويق وهاذي تجارة وشطارة .. انته ماتبي تشتري غيرك يبي يشتري لا تتحسس واجد .. المطاعم والمحلات تبي تبيع تمشي أمورها ناهيك ان الصراحة هالكبونات منها فايدة واجد خصوصا أبو 50 بالمئه شقد يوفر علينا مصاريف في المطعم ويتيح لأبناء الطبقة الضعيفة الدخل ان تحظى بفرصة زيارة هالمطاعم مع عوائلها او شبابنا الخاطبين لذلك لاتقعد تتحسس واجد لو سمحت ع الفاضي

الخطا في طريقه التسويق الاستفزازيه وليس في فائدتها.. انا احد مستدخدمي هذي الكوبونات لكن يفضل الترويج لها بشكل حضاري اكثر

المشكلة ليست في التسويق نفسه بل في طريقة التسويق ، طريقتهم مزعجة .

مافيها شي ما غصبوا احد

فري فيزا

فيها ولد البلد مايشتغل والأجنبي يشغلونه

ولد البلد يقبل يشتغل هذى الوظيفة يوزع أوراق دعايات أو كوبونات مقابل كوميشن ولا هى سالفة الحسد

حتى في السلمانية يفترون تخيلوا على مرضى وموظفين واحسهم مركزين على سوق واقف ومركز عالي الصحي والبنك الصرافات هي النقطة الأساسية تسحب من صوب هو يبي يسحب من الصوب الثاني

مو بس سوق واقف بل في الشوارع

اي والله الصراحه واجد ينرفزونا انا اتردد بشكل يومي على اسواق الحلي في الديه ويوميا نفس الاسيوي يسالني بيا يبي كوبون كل يوم نفس الشخص والحل يعني لازم نمردغه ؟؟؟؟

رزقهم مساكين كلمه طيبه احسن من كل شي قولي بيا شكرا مايبي. لابينقص من ايد ولارجول

هههههه. صراحة مع أني ضد هذا المقال. لكن اذا كان فعلا نفس الشخص ياتي اليك كل يوم و انت لا تريد فربما يحبك هذا الشخص. عطله دينار و قوله لا تييب مرة ثانية. او مردغه على قولتلك.

بصراحة ناس فاضية اللذين ينتقدون شراء هذه الكوبونات وهي ذات فائدة وخاصة للعائلات الذين يترددون على المطاعم في اجازة الاسبوع كما أن احد المتقاعدين أقام حفلة في مطعم وكلفته 40 دينار بدل 80 دينار ويبدو أن المنتقدين بخلاء على عائلاتهم