هذي الملاحظة و اطلاق الصفة تجعل الانسان يفكر مليون مرة ان الناس شوي شوي قاعدة تدخل في النوايا لين ما يختفي شيء اسمه البساطة و البركة.يعني فرضا هو ما استحى يدفع،انت يلي بتاكل ما تستحي تقول له تفضل؟و إذا قلت له تفضل كون قد كلمتك و خله يتفضل و ياكل قد الي يمبي.مو تفضل مالت مجاملات و برستيج.بخيل لنفسه،بس انت بعد لا تصير شكلاته و تمن عليه.خل يكون نصب عينك:إنما نطعمكم لوجه الله
يعني كله تفكير مادي؟الاكل مرده بيتحلل لكن القلب إذا تنقط بأسود هني الدمار

الله اعلم بحاله يمكن ظروفه المادية تعبانة
اني وحدة من الناس في المدرسة ما اشتري لي وجبة لان مصروفي كان جدا زهيد ما يجيب شي بسبب لقروض الي على الوالد الله يرحمه فكنت اقول شبعانة عن لا احد يحرجني ويسألني ليش ماخذة بس هذا او يعرفون مصروفث وما امبي احد يطالعني بعين شفقة او يعايرني واجمع مال اسبوع وبعدين اشتري

اشهالرزاله يمكن الريال صج ما يبي وبعدين صار خاطره والمثل يقول كل مشروك مبروك وانا وحده عالاكل الي يبي ياكل يتفضل والي ماعنده ندفع عنه مو لهالدرجه نطالع الناس في اكلهم بعد

اني مرأه زوجي مطوع و بخيل مل شئ عنده حرام الأولاد يتمنون يروحون مطعم و اهو يقول هذا حرام و من عادات الغرب طول وقته مندفن ويا الكتب و المسجد و المأتم و هامل بيته هذا عدل من واحد يسوي روحه يعرف الله

البعض كله يتبيخلون يازعم زهد ومادري ويش ،،،، لا يبه مو زهد هذا بخل ورزالة وكسافة ولاهم راضين يهدون عنهم هالعادة الكسيفة

إنتي السبب لأنك من الأول ما قلتي له إن هذا مو مقبول والحين لازم يسوي لك ولأولاده نفس الناس بدون إسراف ولا تبذير

وجهه نظري .. انه اذا هو ما استحى يسوي جذي احنا ليش نستحي نقول ليه يدفع .. الاكل اللي يكفي 10 بكفي 11 .. فنواجهه ونقول ليه يدفع حزة اللي يبي ياكل والمبلغ اللي دفعاه يتوزع على اللي دفعوا .. جذي يكون هو انحرج وما بكررها مرة ثانية واحنا ما نكون اغتبناه وتكلمنا من وراه وتضايقنا منه .. ساعات نحتاج نواجهه هذه المواقف بحكمة

أسوأ وأخس من الرزيل اللي عنده لسان طويل، ينبز الآخرين ويراقبهم وينعتهم بالرزالة وكأنه امتلك اموال قارون
اذا شخص صار رزيل فهو بيضر نفسه، لكن لما تنفتح سيرة فلان وعلان وتبدأ غيبته والنهش في لحمه وتعييره والحط من شأنه وكرامته
بتسوي روحك مو رزيل ونفسك عزيزة وأنت ميت حدك ومحروق على لقمتين اكلهم هالمسكين اللي تورط وياك، لا حبيبي كل الرزالة والصفاعة فيك وفي اشكالك اللي مسوين روحهم اتيكيت
اللي بيترفع عن رزالة الأكل لازم يترفع عن رزالة أكل لحوم الناس

أول ما أشتغلت خبرني زميل عمل أذا بأروح وياه البرادة في البريك، قلت أوكي، يوم وصلنا الكونتر طلع يبيني أدفع عنه. منها ما قمت أنزل وياه.
سالفه ثانية سمعت عن الرجال البخيل ولد البخيل إلي يحاسب بالربية والنص ويا أهل زوجته، ولما يدعم بالسيارة يبي يشتري قطع غيار تجارية مو أصلية. ولمايطلعون طلعة عائلية يسوي روحه ما يسمع حتى ما يدفع لعياله، ولما يكسرون الجهال اغراض غيره ما يتحمل مسؤوليته. ختما تسمع من الغريب أنه يطلع حجي يقول أهل زوجته بخيلين.

واجد تصير اخواني يطلبون وفعلا يكون الواحد شبعان..لكن من يجي الاكل يتشهى مع الجماعه ..المشرووك مبرووك يالمصفعين

فيه واحدة من اهلنا كل ليلة تروح عند بيت ناس من اهلنا بجتمعون وكل وحدة تجيب عشانها هي تروح مع شغالتها وتتعشى هي وشغالتها اوماتودي في ايديها اي شئ حجتها أن هي ماتعرف تطبخ !!!! بس هي معروف عنها أن هي بخيلة

يمكن ( يا زعم ...) هذي حركاتهم من نسوان و ارجال و شباب و شياب

عيب ان يتكلم الانسان عن الاكل ومايتكلم الا قليل الاصل مب شايف خير

انا صراحة امبي اسوي رجيم بس وقت اشوف الجماعة فضلو اكل واجد و لذيذ اكل منه و اتحسف لان ما جودت روحي و زاد وزني

ياما شفنا منهم
الله لا يبلانا
و غالبيتهم الساحقة بمناصب عالية
يعني ما يكون موظف على قد الحال
و لچّه

ابو ديفيد بالضبط

والله انك ولد حلال وشايف خير رد رقم 18

هذا مو بس رزيل....
إلا ما عنده في وجهه ذرة حيا
والموضوع يبي له ماي وجه مشحون
عجل ما أبغي ولين وصل الخير اول الماكلين!!!!
3 مرات اعتبره ضيف والرابعة ينعطى في الوجه وبالبنط العريض بعد ( رزييييييييل)

• قال تعالى: « الذين يبخلون ويامرون الناس بالبخل ويكتمون ما اتاهم الله من فضله، واعتدنا للكافرين عذابا مهينا » [ سورة النساء:37 ].
• وقال الامام علي عليه السلام: « البخل جامع لمساوئ العيوب، وهو زمام يقاد به الى كل سوء » ( نهج البلاغة: الحكمة 378 ).
• وعن الامام الهادي عليه السلام: « البخل اذم الاخلاق »( بحار الانوار 199:72 / ح 27 ).
• وجاء عن الامام الصادق عليه السلام قوله: « اذا كان الخلف من الله عزوجل حقا، فالبخل لماذا ؟! » ( بحار الانوار 190:78 / ح 1 ).

لاتخلطون يا جماعة الموضوع يتكلم عن الشخص الي مايطلب ويتنظر غيره يطلب حق يضرب بالخمس وهالنوعية من الناس تقهر ولازم توقف عن حدها

ذكرتوني بواحد مطوع ويانا في الشغل حزة الي نطلب يقول مابغي مالي مزاج مريض شبعان ولين جاء الاكل هو يبدي فيه لا حيه ولا مستحيه .. واذا طلبنا بدون مانقول ليه يقول ما خذيتون ليي مصفع حده كله يسوي روحه فقير وهو ميسور الحال وش الدبره وياه

ويش داركم بظروفة يمكن مسكين عليه قروض يمكن يصرف على عائلته واهلة احسن الظن وشاركوه بالاكل واجعلوها قربة لله تعالى

أنا تعليقي مختلف تماما عنكم

أنا عندي البخيل هو ألي يطالع الناس في أكلها أنت ويش عليك من الناس أكل ما أكل دفع وياك ما دفع كيفه قد يكون الواحد مايحب أكل المطاعم ولكل أسبابه وظروفه ومن العيب مطالع الناس من راقب الناس مات هما( ماتهنى ) .

لأنك من النوع الا ما يبي يدفع "فلس" وإذا دفعوا الا معاك هوست معاهم بالخمس ولا تستحي على وجهك

تكل و ما تدفع وكل مرة تأكل وماتدفع يعني رزيل انت من هذا النوع

هههههههه الله يغربل بليسكم تقصفون جبهات

ما يبي يشارك في الفلوس لا يشارك في الاكل

يفشلون ناس صدق ما تعرف تعلق ولا عندها ذوق قال ليكم هو عنده اكله الخاص وما يحب ياكل من اي مكان ومو شرط ان ما يدفع وياهم ان ياكل من اكلهم انااجيب اكلي الشغل لان مااحب اكل من برة وعندي اشكالية في حلية اللحم والدجاج مو طاحونة اكل كل شي اذا مطعم مضمون ادفع عليه فلوس اما شي مو مضموع مااقرب صوبه ولا اخسر ويعرفون البنات هالشي الله يساعكم على روحكم تفشلون شلون تفكرون ابغي افهم

مجرد من الأدب و الأخلاق

شر البلية ما يضحك ، يجب على البخيل أن يكسر الحاجز النفسي الذي يحجبه عن الإنفاق ويتذكر دائماً أن الحياة منتهية مهما عاش والكرم من الإيمان وأغلى ما يملك الإنسان كرامته وعزة نفسه فأن خسرها أصبح رخيصاً رزيلاً مصفعاً بخيلاً وقس على ذلك من الصفات اللئيمة.

أحسن حل خلك بعيد عن هالخرابيط سواء كان الأكل او القيل والقال ...

فيه واحد الله يستر عليه ???? ، كل مرة نروح مطعم يطلب ليه وفي نفس الوقت ايده على طول في الصحن مالي ! ، لكن تعدلت ليه وسويت عليه حملة لين ما طردناه اللحين ما يطب ????

ولد زويد
بعض الأحيان يكون الشخص من ذوي الدخل المحدود أو عليه التزامات عائلية كثيرة فيحاول أن يقصر على نفسة من أجل عياله لكي ينعمون بحياة كريمة فهذا يطلق عليه مضحي يبخل على نفسة من أجل عائلتة فهو لا يبخل أو يتردد في أي شي يطلبونه لايهم ما يقوله الناس

في اعتقادي ما يسوي هل افعال الا أليي يدعون الطوع

كلامك عدل المتدينين و الملتحين يسوونها

يسوونها المطاوعيه

اللي قلته مشارك رقم 20 عدل و في الصميم***فيه مطوع ويانه قي الشغل طول الوقت يقراء القرأن و الشغل على غيره من الموظفين ** لين قلت له قوم اشتغل قال شوي بختم و بجي **امثال هذا المطوع ما يعرف يأكل حرام؟؟

يازاير 20 شكلك انت اللي تعلق على مشاركتك وتخلي ليك لايكات اتونس روحك
ويش عندك ويه الطاوعة الاويش مااطيقهم اكيد تمشي اعوج قصة السنور وثياب مشققة ورسومات سوبر مان.
ولاادلى باب المسجد والقران على الرف منسي
واغاني وعيونك زايغة
الفرق بين الملتزم والغير ملتزم

راير 47 قرصك الكلام؟؟؟

الملتزمين مسوينا فوبيا لبعض الناس

مو مسوين فوبيا..محد يشتهيهم و لا يشتهي حركاتهم و كلامهم الثقيل

مو صاحيين شدخل المطاوعية شنو هالتفكير المريض يا دافع البلا ههههههه في مخ داخل والا على قولة المصريين جزمة الله يتمم عليكم العقل ان شاءالله هههههههه

من الأفضل أن يأكل الإنسان شيئاً يسيراً في المنزل، قبل الذهاب لأي عزومة؛ فإن تأخروا بالأكل لم يظهر عليه الجوع من نظراته.
وهذه عادة يلتزم بها الأغنياء عادةً، فهم يذهبون ليباركوا للعرسان ولكنهم لا يأكلون.
فليفطر المرأ في بيته أو في سيارته قبل الذهاب للعمل، حتى اذا رأى الأكل عند الآخرين لايفضحه بطنه، أو عينه، فيمد يده ليأكل من عند زملائه الذين يتنابزون عليه في الخفاء بأنه "رزيل".

اذا كان على قد حاله و معاشه رايح على القروض فأوجدوا له العذر. لكن اذا كان بخير و مايمس راتبه اي قرض ولا ينقص ولا فلس فهني ابو البخل هو. زوجي يواجه مثل هذا الصنف راتبه ثلاث اضعاف زوجي ولكن بخيل جدا ولا عليه قروض ولا اطفال ولا اي التزامات مصاريفية و لكن كلشي يطلبه بالبلاش ليس فقط على الأكل بل حتى بعض الحاجيات يطلبها من محل بمنطقتنا حتى زوجي يشتريه ليه وما يدفع ولا فلس وطبعا زوجي خجول فهو مستغلنه

عندنا وعندكم خير

المؤمن لا يفضحه بطنه، ولا يغلبه فرجه.

أصبت بارك الله فيك

أنا ماأشتري وجبات ولاآكل في العمل زملائي كل يوم يشترون ليهم ريوق ويتريقون بس أنا ماأشترك معاهم ولكن أيضا لا آكل عهم ببلاش حتى لو دعوني وأصروا هل أعتبر في نظركم رزيل؟

الى زائر 10:
أنت لست برزيل.
بل أنت صاحب هدف، وتعرف كيف ترتب أولوياتك، فأنت تقصر على نفسك ولا تأكل فاخر الأكل؛ لتسعد عائلتك.

ممكن الشخص يتعذر بالشبع لان الغدى الا بيشترونه فوق ميزانيته او لان ماعنده مبلغ اصلا حق يصرفه، وفي هالحالة عيب يقوم يطب عالاكل بالخمس،، قول بتضوق عالاقل واكتفي بلقمتين وانتظر لما ترجع بيتكم

اذكر ناس يتحاسبون على الغدا بدينار وخمسة وعشرين فلس .. وفعلا كل واحد يطلع دينار وخمسة وعشرين فلس .. والراتب 4 خانات

هذا حق لكي لايكون في النفس شيئا وتميل فإن النفس إمارة للسؤ الا مارحم ربي

عيب وقلة حيا ياكل على حساب غيره

انا اقول مو شرط أنه رزيل انت لا تعرف ظروف الشخص يمكن الشخص لا يملك المال ومن عزت نفسه يقول إنه لا يريد شبعان

ويضرب بالخمس خوش عزة نفس

من عزه النفس ياكل قفشه قفشتين مو يهوووووووس

أكيد انت إدريس

اقروا الموضوع عدل المشكلة مو في ان ما عنده ، البلوة ان يقول ما يبغي بعدين تشوفه ياكل نص الاكل الي عنده عزة نفس ما يسوي جدي
اني مرات كثيرة مااطلب ويه البنات لكن ماامد ايدي على اكلهم هذا الي ناقص بعد ويع رزالة الزم ما على الواحد كرامته

احسنوا الظن يمكن ظروفه ما تسمح

إلى الزائر رقم 4 ورقم 5 كلام سليم ومتوازن إنما ينم عن حسن الأخلاق والتربية. يمكن الشخص ماعنده

ذكرتوني بواحد من الشعب.... ما يحمل محفظته بس عشان يخليك تدفع ألعن يووومه كله ناسنها ههههه وع قولة المثل : كفن بلاش أريد أموت

نوعية لا أمل في إصلاحها أبدا ومنهم الكثير

يمكن ماعندة فلوس