حلوة كلمة اعفا المواطن من رسوم لصرف الصحي ، وفي الأخير كرامة المواطن يعفونه من ا لبواليع والصرف الصحي ، وهذي مستواك

بس الحمدلله الحكومة تنظر للبعيد وتبي مصلحتنا لازم كل يوم يفرضون علينا ظرائب ..... وكل هالظرائب كلها لمصلحة المواطن... وللحين الحكومة ما أظرت بالمواطن وبالاخبار مانسمع الا مصلحة المواطن فوق كل شي... بس السؤال الحين ليس الحكومة تعطينا غلاء المعيشة وياخذونه بنفس الوقت ؟

شلون بقدر أكمل أفكاري؟

الاراضي انسرقت واموال النفط عربدوا فيها ودمروا الاخضر واليابس ولما فلسوا بالبلد داروا الى معاش المواطن؟ عيل وين باني الاقتصاد الصوي اللي ما تهزه ريح؟ دفن راْسه بالتراب وخلى نوابه تقوم بالواجب

لو نحط حصالات في الحمامات يكون أحسن فهموها عاد

افكر اغير جنسيتي والحمد لله مسموح لاجنبي الاقامه الحره وهي ان احصل علي الاقامه من الهيئه اشتريها منهم بدل اصحاب السجلات وفي الاخير لا ضرائب ولا رسوم
افكر اي جنسيه اختار

طبعا طبعا
ليش لا
مادام مرتاحين من الاجانب
يولي البحريني لاي داهيه تلمه

الهجرة الى كندا قريبة جدا بإذن بالله .....

يعني لو الواحد عايش بروحه و دخل حمام بيته مرة في اليوم.
يصير دخول الحمام بنص روبية.
يا بلاااااااااش!!!!
و القادم اعظم طال ما انه ساكتين على هالمهازل.

طيب
اخذوا رواتبنا واصروفها علينا بقدر ما نحتاج وشيلوا جميع الرسوم الي تبونها وبالمقدار الي تشوفونه مناسب لاني واثق في الحكومة والوزراء والنواب وحاشا يطلع منكم الغلط

يعني نسوي لينه ترتيب في البيت .. في الاسبوع نتسبح مره وحده بس ؟؟
وشكله يبي له نكنسل جم حمام من البيت للتوفير

ويش بقى بعد ضرائب قادمه ... ترى عندنا فائض في رواتبنا و راح نخصص مبالغ للضرائب القادمة.

ضرائب وضرائب وضرائب ، مللنا وأصابنا القرف

مبروك ايها الشعب المطحون

كلنا في خلقة واحدة سواء الزيادة على الشركات في المقابل زيادة الاسعار من قبل الشركات سترجع على المواطن بشكل غير مباشر

نتمنى فرض رسوم على الاجانب المقيمين بالبحرين وليس على المواطن البحريني

نتمنى تطبيق الضرائب على الاجانب فقط وليس المواطن

شنو صاير كل يوم الواحد يقعد من النوم يلقى رسوم وضرائب على راسه والاجنبي مستانس والمواطن يدفع راتبه ضرائب للحكومة .....

متقاعد
يا حكومة أخذوا المعاش و عطوني المصروف

اشكو بثي وهمي الى الله وهو علام الغيوب

والله حاله

مبروك يا شعب البحرين مبروك للشعب المطحون ومبروك لي هذا الإنجاز سيتم إدخار دينار شهريا في حسابي فائض الراتب والله المستعان وعظم الله اجرك يالراتب

سعادة وزير الاسكان يجب ان تفرض هذه الرسوم على الأجانب بداية و بعدها التفكير او الدراسة على المواطن و لا يجب و لا يجوز المساواة بينهم ....جميع خيرات الوطن تم استزافها من الأجانب و انتم لا عملتون دراسة و لا ضرائب كحال باقي الدول على الأجانب

شتقول انت ..ايش دخل وزير الاسكان في الموضوع… فشلتووووووونه

ماباقي الا يحاسبونه على الاكل

في ضرائب قريباً على المطاعم = بيرتفع سعر الاكل

.. قللوا من الحمام يا شباب .. الاقتصاد زين ترى

هذي مسابقه لفرض ضرائب ورسوم وتحميل المواطن سياسة العبث بالثروات

يعني تدفع قيمة العشاء وقيمة ما بعد العشاء.

دينار كهرباء دينار ماي دينارين بلدية ودينار ونص على خدمات صرف صحي

هذه الرسوم ضرورية جداً والمفروض تطبق من أول ما تم إنشاء الصرف الصحي في البحرين، والهدف هو وقف الهدر في استهلاك المياه من الناس المستخفة بهذه النعمة التي لن يشعروا بوجودها إلا لما تقطع عنهم

عندك لو ما عندك تدفع

لا حد يقعد في الحمام مدة طويلة في رسوم على القعدة

دائما هذه هي الأسطوانة المشروخة "لا تأثير على المواطن" بعدها يتضح أن مقولة لا فعل فالسوابق تؤكد اللواحق. كما فواتير الكهرباء فمن لديه أكثر من عداد يتأثر أضف إلى ذلك أن أجرة عدادي الكهرباء كانت 400 فلس و عداد الماء بلا أجرة فبدلت إلى دينار لكل عداد. غيض من فيض لا تأثير على المواطن

حاسبوا ها

من اليوم ورايح كل جرة سيفون ولها سعرها . في جرة بخمس فلوس وفِي جرة بعش فلوس وانتوا كيفكم

عالي مجمع ٧٤٠ مافي للحين شبكة صرف صحي مع ان مجمع الرملي الذي هو في نفس المجمع فيه صرف صحي و ندفع رسوم بلديه ٦ دنانير بعد ليش ندفعها ما ادري ؟

والله حالة
الحين انتو ما تسلكون المجاري. واحنا ندفع. وين رسوم البلدية اللي ندفع. لله المشتكى

كل شي ضرائب باقي التنفس الهواء بضريبة ، والمعاشات ما تغطي لقمة العيش

الواحد مايقدر يرتاح حتى في الحمام

شلون الحسبه يعني عن كل مراه نسحب السيفون ربيه؟،؟

و الي ما عنده شبكة صرف صحي اصلا نفس منطقتنا شنو وضعه ؟ ( المالكية مجمع 1032 طريق 3221

وحنا في السهلة الشمالية مجمع ٤٤١ مافي مجاري بعد

التطبيق على الأجانب وليس البحريني

"في بداية الأمر"

رواتبنا 250 دينار وساكن في شقة إيجار شلون ندفع هذه الضرائب
المفروض على الراتب زين موب على الفقارة

باقي يفرضون رسوم على الدخول والخروج من المنزل وعظم الله اجرك يالراتب 250 دينار حق قروض ورسوم وديون اخر شي الراتب بينتحر اقول خفو من هالمهزلة وخلو المواطن يعيش حياة افضل بدل فرض رسوم المفروض ترتفع الرواتب اخر شي الشعب بيموت جوع الراتب ثابت والمصاريف تزيد من ارتفاع الاسعار حتى المخالفات المرورية ارتفعت صرنا ضحية ازمة مو احنا سببها مانقول الا لاحول ولا قوة الا بالله العلي العظيم والله يستر من الي جاي في الطريق

اخوي صج على الجانب بس هاي الطعم
اول شي يقول لك على المنشأت و الاجانب بعدين يبتدون يطبقونه على المواطن

تبيّن من خلالها أن المواطن ...إلخ الفقرة الأولى من المقال
إقرأ أول
تالي علّق