للعلم فقط وكما ورد في الروايات الشريفة
ثواب القرض الحسن أعظم من الصدقة

الشين ما خلى للزين شيئ
ما في أمان ما في أمان ما في أمان
وماتنفع المحاكم
ولا شهود
ولا عقود
والموت أقرب لك من أن تحصل حقك إعتبرها من الضالة
وتعوذ من الشيطان والله يعوضك

هذا الذين يدورون نهب الاوادم : خبرهم بإسمك ومن وين يأتونك زحفاً وليس على الاقدام
ان صادوك عينك ما تشوف إلأ الريش

عن النبي ص قال: من نفس عن مؤمن كربة من كرب الدنيا نفس الله عنه كربة من كرب يوم القيامة ومن يسر على معسرٍ يسر الله عليه في الدنيا والآخرة ومن ستر مسلماً ستره الله في الدنيا والآخرة والله في عون العبد مادام العبد في عون أخيه .. ام محمود

سلفت مرة واحد اعرفه مبلغ عساه زقوم في جبده ولا رجعه صدق مبلغ زهيد 70 دينار بس لو كان فقير سامحته لكن مو فقير كل ليلة جمعة يتفشخر في امواج وغيرها اكتشفت بعدين ان طبعه جدي لاف على ناس واجد ولاهف منهم فلوس لوع جبدي وانا اطالبه انا استحي اقول جيب بيزاتي وهو مااستحى لكن لا هو محلل ولا مبري الذمة

سلفت الاقربين 15000 دينار
اخذوا لفلوس وصرت اركض وراهم كأني متسول (طرار) 5 سنوات وللحين مافيه اي خبر
هذول قطعوا سبيل المعروف
الله عليهم

سلفت معاي في الشغل واحد 200 دينار وقالي لي بردهم بعد شهرين .. لا عاد شفته ولا شفت 200
اقول لهؤلاء الله حرام عليكم ردوهم ما تدري هالشخص شنو سوى حتى يساعدك رحم الله من قرأ ورجع الفلوس لاصحابها.

اي والله ما ندري ويش نسوي معاهم يتسلفون من عندك ويواعدون بعد كم شهر لاخر السنة ولما تصير الفلوس عندهم يماطلون ويتهربون ولا عاد تشوف وجهم ولا كانا يعرفونك ولما تشوفهم كان انت المتسلف من عندهم
لو كانوا ماخذين قرض كان من زمان سددوها عبالهم البنك بيسكت .. عاد عطيناكم وجه وقت شدتكم رجعوها احنا محتاجينها الحين بلا قلة حيا استحوا ماهي ربية ولا ربتين..القهر يسافرون كل مكان وبديك القيمة

واجد ناس تحب تساعد لكن بسبب البعض اللي ما عندهم ضمير يخلون الواحد ما يعيد التجربة مع أياً كان
أنا قررت ما أسلف أحد عشان لا أجيب لروحي المشاكل
وإن كان في إقراض المؤمن ثواب إلا أن هناك طرق أخرى لنيل الثواب في خدمة المؤمنين

والله الصداقة في هل الزمن اغلبها مصالح بس .. عن رايي اضل بروحي احسن لي ..

كل الشكر والتقدير إلى من يقدم المساعده وكل العار إلى من يقوم بطلب من الاخرين من أجل عدم إرجاع المبلغ .
كل الشكر والتقدير ام محمود بارك الله فيك في فعل الخير

كل العار!!
الحق حق وما ينزعل منه .. مثل ما كان شخص بحاجة وشخص اخر فرجها له .. يجي يوم ويحتاج الشخص الاخر للمبلغ اللي سلفه الاول .. ليش يروح يفتح وجهه للناس ويتسلف من احد وهو عنده مبلغ لازم يرجع له
كل واحد يتسلف ويحدد موعد لصاحب المبلغ عليه الالتزام .. الناس للناس وما فيها شي المساعدة وقضاء الحوائج بس خلكم ملتزمين بالدفع والدنيا بتضل بخير

انا زوجتي عطتني 1000 دينار لما شريت سيارتي من عندها يعني عشان يخف عليي القسط وياليتها ماعطتني لانها كانت تحوم ف قلبها وكنا نسافر وتصير السفرة على الاثنين لكن لما رجعنا انصدت انها تقول ليي عليك 1500 دينار مال شنو تقول مال السياره ومال الكاش ف السفر كانت حاسبتنهم
هذي العشرة والزواج.
كل النسوان تمن على ارجالها لو بدينار بس مايتكلمون يحطونه ف قلوبهم
الحمدلله رجعت لها فلوسها كامل وحرمت اخذ منها دينار
حتى اذا تعزمني على ريوق او عشا انا اقوم قبلها واروح احاسب عن المن

الشهر الماضي كنت في قمة الإفلاس و اعطاني زوجي 280 دينار وعندما قلت له سوف اعطيك المبلغ مع الرواتب قال انه لا يريدهم و احيانا اعطيه بعض المال و هكذا لا يوجد فرق بيننا ... حتى انه يشتري لي السيارة كاش بدون ان يطلب مني اي فلس .....

سلفت واحد كان مدير بنك رجع جزء من المبلغ و للحين صار له أكثر من خمس سنوات باقي لي 1800 دينار كل ما اتصل فيه يقول كذبة جديدة

سهل الحل هو ﻻ تسلف و توكل على الله أن الله هو خير الرازقين لأنه إذا تبالغ في اسراف في التسليف تقلل من احترام نفسك و سمعتك منها عوامل مادية و معنوية أيضاً

انا سلفت واحد كان مدير بنك سابق 4700 دينار سنة 2012 رجع جزء من المبلغ باقي لي عنده 1800 دينار صار له أكثر من سنة الآن ماعطاني شي كل ما اتصل له يقول ماعندي و في الإجازة بيته مشحون ماعزيم لأنه عايش أكثر من مستواه يتسلف من كل متقاعد وضحاياه كثر من الديرة الله يكون في عون الجميع.
أ م ع

المشكلة لما تكون تطالب احد بفلوس وتلاقيه مسافر او مشتري سيارة جديدة.

اني من زمان مااحب اتسلف بس اخذ من بيتنا بس اذا احد طلبي اعطيك وطبعا مو الكل الناس الثقة صديقتي جم مرة تتسلف مني وترجعهم لكن بعد ما فيها خير يوم تزوجت وارتاحت وصار عندها الخير نستني زمن يخوف دام هم محتاجين لك تشوفهم لاصقين من يكبرون شوي ويصير عندهم ربيتين وبيت يكبر راسهم ماادري شلون هالناس تفكر يا دافع البلا ترى الحياة مو بس الفلوس العشرة والصداقة تنعش الروح والنفس لكن ويش تقول زوج اختي تسلف من عنده صديق 7 الاف ورجعهم اليه صراحة صداقتهم عجيبة عليهم بالعافية والله يديمها

نصيحة من خبير عميق في دهاليز الحياة،
لاتسلفون أحد إلا تعرفونه عدل عدل من العشرة وبعد لاتسلفون مبالغ كبيرة ، وإذا تقدرون توثقون معاه في مكتب التوثيق بعد أحسن ، وأضعف الإيمان ورقة حكومية يبصم عليها ويوقع ،تره حتى الشرطة والمحاكم مابترجع لكم للفلوس فقط بجودونه ولابيقدر يرجع لكم شيء

اذا كان مبلغ السلف كبير لازم يتم توثيقه بورقة وشهود اما اذا كان ١٠٠ ، ٢٠٠ عادي ما تسجله
المشكله انه يتسلف وبعدين تشوفه يسافر من بلد الى بلد وروح الاربعين او الحج ولا كأنه عليه سلف
لاكن للسلف ثواب جزيل من رب العباد ولا نعمم على الكل
انا الحمد الله سلفت اكثر من عشره بمبالغ كبيره والحمد الله كلهم رجعو الفلوس

عايش في شقة اجار وعلي قرض ومدخولي الشهري ٥٦٠ ولم اتسلف من أحد وساعات اسلف وأساعد بعد ، والسبب أصرف بأعتدال وواقعية والحمد لله.

الحمد لله بس خوك معاشك احسن من غيرك

راتبك ٥٦٠ وبدل السكن ١٠٠ ومال الغلاء ١٠٠ هذي ٧٦٠ دينار وبعد تبغي تسلف هههههههه. اي المفروض ما تسلف كلش

يتمسكنون بالابتسامة العريضة وبالترحيب الحار و يخدعونك بتمثيلهم دور الطيب ليتمكنوا منك يطلبون السلف و يتجرؤن بطلب كفالتهم لفتح سجل تجاري و بعدها لا تراهم و لن تجني من وراءهم الا الهم والغم إحضاريات ، التحفظ على حساباتك البنكية|، منع سفر ، أمر قبض سحب سيارة و....بلاء عظيم
فحسبي الله و نعم الوكيل على كل انتهازي وكل ظالم

في نقطه مهمه ياجماعه ، الشخص اللي يتسلف ومايرجع الفلوس انت ماتدري فعليا شنو ظروفه طبعا ماابرىء الكل ولكن في ناس ظروفه صعبه جدا بحيث انه مايقدر يرجع الفلوس او شي من هالقبيل

لا يتسلف ويوهق الناس... اذا هوه مايقدر يرجع البيزات لا يطرق ابواب الناس تحت مسمى السلف... يسال من باب المساعده الطوعيه ... مثل ماهو محتاج هذي البيزات راعيها ايضا بحاجه اليها في اي وقت ويمكن في شي جدا مهم وعاجل لا يمكن تاجيله.. تبريرك اخي الكريم في غير محله..

بس ناس تتسلف وتسافر؟
سلفت صديقتي مبلغ الكورس الجامعي
وماقدرت تسدده لسبب وهو اسرافها الشديد
فاضطريت اني اتسلف !

السلام عليكم جميعا
انا سلفت واحد من قبل 10 سنوات من .... وكل ما يجوفني يقول الليلة بمر عليك وهالحل من اول شهر ما سلفته خله يولي في دمته اهو وعياله .... لو قايل ما برجع جان اوك يبوقني قهر.... ...... بدون اللقب ههههههه

لا اسلف و لا اتسلف

كان صديق طفولة,ترببنا معا و درسنا ايضا,لم تكن يوما عائقا ابدا تقاطع هواياتنا حيث كانت هوايته كرة القدم و أنا صيد السمك,تزوجت قبله و رزقت بطفله بعد حصولي على وظيفة بأحدى الشركات الكبرى,طلب مني مبلغا لزواجه و لم يدر بخلدي بأنه سيكون زغليا ابدا,اختفى بعد الزواج و ضنت شوفته

إعتبرها صدقة ولاتوجع قلبك

مرة اقنعني صاحبي اسلفه 10000 دينار بس على شان يحطه في حسابه لان البنك شارطين عليه لفتح سجل محل .. وقال يوم السبت برجعهم .. مر السبت والاحد وما شفناه جاني عقب اسبوع معطيني 30 دينار يقول الباقي بجيبهم لك هههه .. المشكلة السلف بين الاصدقاء .. المفروض ما يكون فيها استحياء لازم في ورقة تثبت السلف وتعهد المتسلف بأرجاع المبلغ

احذر من صديقك ألف مرة

ولويش تسلف هالمبلغ بدون ورقة اثبات؟!
الزمن مو زمن صداقة، زمن حاجة

ناس ماتستحي ولاتخجل وعندهم السلف نفس شربة الماي وأنا نصيحه حق كل من يقرأ تعليقي إذا جاكم واحد أو وحده يبغي يتسلف لاتسلفونه وتعلموا من أخطاء غيركم وفي شخص مسلفينه 400 دينار وقال شهر برجعها وللحين مارجعهم ونصيحه لاتسلفون وناموا مرتاحين لان ماعاد في ناس ثقه هالأيام

لا تعمم
المشكلة انت واغلب الردود لا تعلم ما هو ثواب هذا العمل عند الله تعالى
سمعت محاضرات وللاسف لا اتذكر بالضبط ولاكن للسلف ثواب جزيل عند الله سبحانه وتعالى

اكيد انت واحد من اللي يتسلفون

والله مايتسلف الا المحتاج ويماتسلفنا وسلفنا
اصعب موقف عندما جاءت احد بنات جارنا ارسلتها امها محتاجين 10 دينار وكان اخر الشهر ولانملك الا بعض الخردة للخبز لعيالنا تاتي 4 مرات وبالنهاية ردت خائبة وعضينا ايدينا ندما لن الحال من بعضة بس صعب ترد محتاج مضت كم سنة بس حاز في نفسنا
ولنا جار اخر من كثر القروض مسكين يتسلف منا ومن غيرنا وينسى ولايردها ومعروف في المنطقة الله يستر عليه ويبرئ ذمته.
ترى الحال من بعضه ياماتسلفنا وسلفنا ..
والستر جميل

القهر أتزوج على ظهر زوجي ولا رجع البيزات الحرامي عساه مايربح

الحل بسيط وموجود في القرآن وهو كتابه الدين ، يعني اذا جاك شخص بيتسلف خل يكون في ورقه بينك وبينه صار ماصار الا في اثبات وخلاص

القهر زوجي مسلف واحد من 20 سنه 2000 دينار ولا رجعها الحرامي عساه مايربح خاطري افضحه واكتب إسمه من القهر

يا ريت يسوون موضوع نحط اساميهم والمنطقة جان يصيرون عبره لغيرهم
لكن الله بياخد حقنا منهم

القانون لا يحمي المغغلين

على قولتك القانون لا يحمي المغفلين بس لا تنسى أن فوقنا رب ما ينسى عباده وبياخد حق كل مظلوم

اكثر الناس اللي تتسلف ما تستحق
اذا راتبك ما كفاك هالشهر يعني بيكفيك الشهر الجاي وبزيادة حتى تسدد الدين
الشخص اللي يسلف عندنه خلل في ادارة امواله

الدين لابد من كتابته والاشهاد عليه لحفظ الحقوق

سلفت ناس كثيرين و اكثر من مرة 1000 دينار ، و عليهم بالعافية ، ترى الخير موجود و الحمدلله ....... أم محمود .

ما يحتاج تكتبين اسمج ههه

هههههه صدقناج يا ام الخير عادي تسلفين مافيه موضوع الا لج نصيب فيه

اعطيني رقمش خاطري اتسلف من عندش

ابه لاتعطينه مابرجعهم ليش

تعتبر سرقة

انا سلفت اشخاص مبالغ ويوم اللي قلت إليهم ابغيها كأني أطر منهم مو افلوسي كأنها فلوسهم ومنها ما اسلف ولا اتسلف

حتى اللي يسون جمعية فيهم حرامية وحدة تقول الجمعية تخلص عقب سنه وأربعة شهور اتاري الجمعية تخلص عقب سنه فقط وحسبنا كم ندفع ع كم شخص على كم شهر تنتهي طلع عقب سنه واحنا البقر ندفع ولاندري راحت علينا اربعة شهور دفع بلا فائدة

ناس ما تخاف ربها

يصلي ويصوم ويازعم مؤمن ويخاف ربه آخر شي يتسلف وما يرجع الفلوس

ولد زويد
أنا الي مستغرب منة هاي الناس شلون تقدر تنام وهم في ذمتهم فلوس إلى غيرهم يعني الموت لين جائهم فجأة ويش راح يخلصهم من القبر أنا 10 فلس لو كانت في ذمتي حق الخباز تجيني حومة وأخبر زوجتي وأولادي ترى الخباز أو مغسلة الملابس إلية هالكثر طبعا أنا أتكلم عن 100 فلس وأقل

السلف يعتمد على حجم المبلغ اذا كان زهيد والمتسلف لاحوله له ولاقوة ويعيل اسرة وطلب المبلغ لمرة واحدة مثلا لامشكلة . على فكرة هناك من يرفض اخذ المال من الناس وهو ضعيف الحال.

هالزمن البايق ما يفيد وياه شي جربنا ويا واحد ما فاد شي لا شرطه ولا وساطه

سلفت اناس كثيرون مئة دينار و أكثر و بعد ذلك تنازلت عن المبلغ عليهم ب الف الف عافية ... ام محمود

كبيرة يا ام محمود .. محتاج 300 دينار سلف غير قابلة للإرجاع

يلا ام محمود سلفيني بدون ماارجعهم

.قال رسول الله صلى الله عليه و آله وسلم{ (إن من أحب الأعمال إلى الله إدخال السرور على قلب المؤمن, وأن يفرِّج عنه غمًا, أو يقضي عنه دينًا, أو يطعمه من جوع} هناك فرق بين السلف و المساعدة لإغاثة الملهوف ... ام محمود

انا بعد محتاج اذا ممكن تسلفيني يا ام لفشار هههه يمكن ماتملكين مئة دينار مشان تسلفينها شاطرة في لفشار

أختي أم محمود ابي خمس مائة دينار من غير ما ارجعهم ابي أسافر ويه زوجتي وأولادي صلالة شهر 8 جمعي من الحين أنا بنتظرك

انا بعد خلها تسلفني ألف دينار بسافر القاهرة مع العائلة المره كريمة و احنا نستاهل

هذا كله يعتمد على علاقة الإنسان مع ربه إذا كان هناك وازع ديني وخلقي فلن تكون هناك أي مشاكل في ترجيع مستحقات الناس.

ناس طبايع يتسلفون ويتناسون ارجعون فلوس الناس ؟!!! يعني بوقه عيني عينك
عاده كلش كريهه
مره من المرات سوبر ماركت معروف ف ديرتي كان اسلف راح طق بيت بيت ولما لم يشاهد نتيجة وده دفتر السلفيات المحكمه وعطوه حقوقه خصوصا ان المبالغ ليست بالقليله آلافات الدنانير
وناس قوييين عيون يمشون تحت الي يتسلفون من عنده ولا كانه مسوييين شي

بوق عيني عينك

الفضح، أهو لا يخجل و لايستحي، لازم مفضوح قدام الجميع حتى لا يترط معاه شخص ثاني

عدم تسليفهم

عدم إعطاءهم أي فرصة للتحايل والسرقة والحذر في التعامل معهم

ايي والله في ناس مصخينها.. كل جم يوم يتسلف ولا ايرجع وله ويه بعد .. واذا قلت له ايخفس ويه .. احسن شي انك اتقول ما عندك لان ما عندهم احساس ولا مسوليئه .. اذا اجمع السلف اللي ماخذينه من عندي والله اخذ سياره من الوكاله .. لا هالناس يستحون ولا انا اتعلم

الحل موجود بالقران.

السلف تلف

كل واحد وضميره

اعتبره صدقة.
لو جاك مرة ثانية قول له في البطيخ.

اني سلفت زوجي مبلغ علشان يبني شقة للايجار ويوم أجر الشقة مارضا يعطيني فلوسي وإذا اقول عن فلوسي يهاوشني

الحساب يوم الحساب