رجاء إلى جريدة الوسط ، كتبوا عن معاناتنا في جامعة البحرين ، الجامعة وضعت قوانين جديدة راح تدمر مستقبلنا .

مساكين والله هالناس اللي مصطفين يكسرون الخاطر وكأنهم اللي ينتظرون المعونة من الأمم المتحدة - اعنبو وش دعوة كله هذا علشان تلفون وبعد بيدفعون فيه على الأقل 200 دينار؟ والله حاله يعني هالتلفون اللي بتشترونه يوصل المكالمات وتلفوني أبو ربيتين ما يوصل؟ الإثنين يكي يكي ما فيه فرق.

مزهوووووق
حتى لو عندي فلوووس ومقتدر وانا كذلك الحمد لله والفضل له
لكن ما اركض مثل المجنون وراء كل ناعق ..
الشركات تبي فلوس
والا شالفرق بينه كجديد وبين ٦+
تغييرات تكاد ما تشعر فيها
وناس تقول خفيف وناس سريع وناس كيمرته افضل
وناس تدافع عن ابل وناس سامسونق وكانهم ملاك للشركتين
رأيي الشخصي واحترم كل الاراء المخالفه

اي والله صادق يضحكون الا يستميتون في الدفاع عن كل شركة ويش موقعهم من الاعراب ههههههههه

إذا مات تلفوني أو ما يشغل الميزات والبرامج الجديدة استبدله

اكيد اقتني الجديد وفي الحال وليش انتظر الجديد رزه ومقام وفخامه واهم شي بكم يعني 300 دينار ولا شي المهم وناستي وراحتي وشراء الجديد والغالي متعه ونعمه محرومين منها الكثير الله يعطيهم واسد عيونهم انا واللي عنده يشتري ويتمتع واللي معندوش مايلزموش

الله يعينك على روحك ههههههه ضحكتني صراحة

ضدهم
مشاركتي كانت انتظر لحين انخفاض السعر مو يعني كل ماينزل تلفون جديد انتظر ينزل سعره واروح اشتريه
مواصفات التلفون رخيص وقوي و المميزات الأساسية فيه واتس اب كاميرا تويتر فيس وكم شغلانة وخلاص ولازم اطلع روح التلفون الين مايقول بححححححح واطلع قيمته وزيادة واذا عندي كم ربية اوفرها الى أشياء اكثر أهمية
اذا التلفون الجديد بحلب من وراه فلوس هني يتخلف الامر ههههه اما التلفون بيحلبني فمشكل الامر

بال كل الردود مح ياخذ تلفون جديد الشعب عايش حياة تقشف

أنا عن نفسي ما عندي الا تلفون أبو ليت وصار له ألحين 5 سنوات ولا أفكر أبدله أو أبيعه أو أستغني عنه لا كيمره ولا واتساب ولا حتى سفن أب وأنا مرتاح وكلما أشوف الناس اللي امبققه اعيونها في التلفونات أضحك وأستحمد ربي أن أنا مو واحد منهم وكل عام وأنتم بخير وشكراً.

انتظر كم شهر لأن في اكثر من تلفون ينزل و اشوف الافضل بينهم ك سعر و جودة علاوة ان سعر التلفون ينزل بعد شهر أو اكثر .. خصوصاً ان في تلفونات تطلع فيها مشاكل بعد كذا اسبوع من الاستخدام بالتالي انتظر الفيد باك من الزبائن الي اشتروه

و ليش اغير التلفون بمجرد ان طلع تلفون جديد؟
ما ابدل التلفون الا اذا اخترب التلفون اللي عندي

بدل ما اخذ تليفون ادفع فيها قرض بيتي و الحمد لله.

زايدة بيساتي من يطلع تلفون اشتريه لين صار عليه غبار اشتريه فسق في ناس بس

اني اقدر اشتري حتى لو كل شهر بس اولا خسارة مو زين اسراف ثانيا اني اغراضي شي مقدس عندي يعني كل تلفون اشتريته ماابيعه بس اكدسهم بالبيت عشان جذي مااشتري تلفون جديد الا لما تدوب جبدته واذا غيرته اخليه للجهال يلعبون فيه بدل ماابيعه اكو عندي كذا تلفون قدم مخليتنهم عندي هههههه ويش اسوي طبع

خلصت البلاوي الي ادفع عليها جان افكر اخذ تلفون !! خساير

الزواج احسن ليك

تعدد الزوجات احلا شي في الدنيا مو بس التلفونات الله يرزقنا نفس مارزقك انشاء الله عقب مايطلع بيت الاسكان والفقر مو عيب البنات الي يبون الستر واجد

اسمح لي إن اعترضت على كلامك .. أحلى ما في الدنياء أن يعيش الرجل مع زوجة قد وهبها قلبه النابض ملكا لها , و هي في المقابل وهبته حبها و كيانها و كل ما تملك من مشاعر عطية ما منها جزيه .. ولد النبيه صالح

استريح اقول هدا ادا انت متزوج اصلا شكلك ع باب الله وتسمع اغاني كاظم الساهر واجد اشقال زوجتي
صدق ابو الجواتي . الحين احد يفوت موبايل جديد الا المجنون اقول دور احد يعطيني ويعطيك نشتري

يعني عقب ما تنتظر الفقيرة بيت الاسكان! من يطلع بارز مبرز للجديدة؟ عقول خايسه

هذا قبل ما اتزوج

من اتزوجت الثانيه وصار عندي بيتين وحده في بيت الوالد والثانيه في شقه اجار ونا مانا قادر اوفر شي من الراتب حق الكماليات لكن الحمد لله علا كل حال

تستاهل الله لا يخفف عليك

أنا و أوعوذ بالله من هذه الكلمه من ألنوع ألذي يحافظ على مقتنياته سواء اكانت قديمة أم جديده,تلفوني من النوع القديم يفي بالغرض,كل يوم أنظفه و أمسحه بقطعة قماش ناعمه,للتو إشتريت لزوجتي جلكسي نوت 5 كهدية بعد أن نزل سعره الى 170 دينار,ما الضير إن انتظرت حتى يرخص ثمنه لأشتريه

المشكلة صار قديم والتحديثات شبه وقفت والدعم انتهى

لا والله لاني على قد حالي او جهازي أمأدي القرض او زود؟

الله يعطيني تلفون كامل فيه 32 GB
و وياه ممري 128 GB مجان
و 4G
والصورة FULL HD
والفيديو 4K
والسعر اقل من 100 دينار خخخخخخخ

من يونيو 2012 الى اليوم عندي ايفون 4S وللحين شغال والأمور كلها تمام وعال العال .. وحقيقةً انا شريت قبل كم يوم تلفون هواوي بسبب العرض المعلن عنه ..

انا عن نفسي لين تلفوني ودع ابدله مو من الناس اليي ينتظرون اي جهاز جديد يركضون ليه غير مهتم بتقنية او ميزة اهم شي يؤدي عمله تمام خلاص.

اني تلفوني من 2010 عندي ولا غيرته للحين صاحي الصلاة على النبي يعني اخذ تلفون جديد لاويش هذا فيه واتس اب والجديد فيه واتس اب وكامير وسناب وكلشي وبروحه ماعندي بيزات لاويش الفشخره ههههههه

عن نفسي .. اني انتظر لين ينطح تلفوني و يودع تالي اشتري جديد هههه الحمدلله ما عندي هالهوس

في رايي اذا التلفون يعمل ويؤدي الغرض فلا داعي لاستبداله لانه هدر للمال

لا أبادر لإقتنائها ولا انتظر إنخفاض سعرها
مجنونه هههههههههههه
في أولويات اهم خلنه نضمن بيت العمر انجان نركض وراء هالهرار..

ايام النوكيا كان هذا وضع الناس ههه
الحين اهم شي هاتف ذكي يشغل برامج التواصل الاجتماعي

مرحبا

انتظر وأصبحت عندي خبرة بانة اي بضاعة جديدة قابلة لنزول حتي تنتهي الضجة الإعلامية ولا أبالغ في الشراء جهاز جديد كل عام بل استخدم الهاتف في حدود ثلاث إلى أربع سنوات وخاصة لايوجد اي جديد يخدمني في الهاتف الجديد

مرض العصر للتو كانت لي زياره ف احدى شركات الاتصال وما ان جلست واذ بشخص يسأل عن الاصدار الجديد للآيفون ويريد شرائه ..
فرد عليه الموظف مو موجود !!! والموظفه كانت قد علقت لزبون آخر ان خلص نهائيا ف الفرع الآخر !!!
تلفون اقول آلو ليش لما ينزل تلفون اصير السباق ف اقتنائه !!!
وفوق هذا بلأقساط !!! لا لشي سوى ( الفشار)
عجبي ..

انا واعوذ بالله من انا لا اقتي الجديد الابعد هلاك القديم

رحيل
أربع سنوات واني على هذا التلفون انكسرت شاشته وراحت ألوانه واني مو قادره اشتري واحد حتى ب 10 دينار

الله كريم :)