مرة في واحده مليونيرة نعرفها كانت رايحه اوربا جابت لينا صوغه دشاديش استغربنا منهم . لأن شكلها مو جايبتنهم من اوربا واحنا مانلبس هالنوع من الدشاديش . فراويناهم ناس قالو هادلين يبيعونهم في مكه على دينار حق اللي يجون السعوديه من جيبوتي والصومال . يعني. مادري وش كانت تقصد المرة من هالهديه. اهانه مثلا. المهم الدشاديش حطيناهم في الحاويه مال الثياب المستعمله

الصوغة موجودة من زمن الطيبين و كان أفضلها صوغة الحجاج .. العاب مميزة و مشامر و قطع قماش زاهية الالوان

الى زائر 77 المليونيرة اللي تتكلم عنها مريضة بمرض اسمه البخل يعاني منه الكثير من الاثرياء اكيد لن تشتري جلابيات غالية و انما ستبحث عن الرخيص جدا في السوق الشعبي مثلا 20 جلابية ب عشرين دينار

الصوغه ممكن تكون شي بسيط او رمزي فقط مولازم تشلخ روحك اذا ماتقدر و السلام

الصوغة ... بداية كانت الصوغة عبارة عن هدية للأحباب بعد الرجوع من السفر وهي قطعة قماش او حلوى او اي تحفه تدل على البلد الذي قصدته لتعبر عن سعادتك وحبك لهذا المكان واعجابك به ولان في ذلك الوقت يكون السفر صعب من حيث المصرف والوقت ... اما اليوم فأصبحت الناس جميعا تستطيع السفر في العام مرة أو مرتين ويمكنهم الاطلاع على معالم هذه الدول كما انا افعل ولهذا لم تعد الهدية او الصوغة مجدية او ذا قيمه ... وكانت يعبر ايضا عن عدم نسيان الصديق او القريب في سفرنا وننسى محبة لمجرد بعدنا بالمسافة عنه ...

تقصد هدايا تذكارية souvenirs

نعم كانت هدايا تذكارية اما اليوم اصبحت هديا للفشخرة امام اهل ... يعني انا رحت وجبت لكم بأغلى الاثمان أخس البضاعة في هذاك البلد ... ولكن تبقى القيمة الأكبر عند ما تذهب للحج أو زيارة الائمة وترجع معك بركة من تلك المقامات وأن كان قيمة هذا الشيء زهيد الا أنه ثمين بمضمونه وهي البركة ...

ولد زويد
الصوغة ليست واجب وهي عادة سيئة يجب تركها خصوصا أصحاب الدخل المحدود واذا كان لابد حق الأب والأم الزوجة وأم وأب الزوج وكفى أنا مو رايح زيارة دينية على شان ارجع ومحمل معاي صوغات وخرابيط من يريد أن يزورني حياه الله ومن لا يريد دفعت مدري والهواء شرقي

الحين كلكم طلعتون تسااافرون وتروحون وتجووون
والموضوع مال الراتب تتحلطمون على القروض
والله ناس ما ينعرف ليكم

ولد زويد
خوك شكلك تستخدم صنف ممتاز
أولا أنت داخل عرض وحاشر نفسك في موضع غير هذا الموضوع يتكلم عن الصوغة والموضع الي تتكلم عنة في ( كلام الناس ) روح هناك وعندك روحك وسالفة قروض أنا لم اتحلطم قرض انا اخذتة اتحمله

هههههههههههه ليش عصبت عليه هو لا يقصدك و لكن يقصد الكثير من كتبوا التعليقات و قالوا إنهم يسافرون دائما و في الموضوع الثاني يشتكون قلة الراتب شيء محير فعلا لأنه تناقض ..

كلامك صحيح 100% و انا اؤيدك .. يعني السفر اما يكون ب ادخار اجزاء من الراتب او عن طريق الجمعيات او القروض من البنوك ...

ينبغي في جميع الأحوال ان تكون الهدية بحسب المهدي لا بحسب المهدى له

هذا رايي تاخذ للاقارب المقربين والي نفعوك كرد جميل لهم كاصدقاء ومعارف والباقي يزورونك تقدم لهم حلويات وكلوجه ملوجه وماشابه من بلاد الي سافرنه هم تتذوقهم وهم كبديل عن الصوغه وتسلمون من الاسراف

اذا بشتري لازم للكل لاني عانينا من هالسالفه كل الاطفال عندهم الا اني وخواتي ينكسر خاطرنا فالمفروض الي بيوزع يوزع على الكل ولا يكسر بخاطر احد او لا يوزعون ويفكونا مابي اولادي يصير ليهم مثلي

اصلا السفرة ما تحلى إلا بالتسوق والصوغات والي يقول النسوان غربال راجع حساباتك قبل ما أتحط اللوم على النسوان رتب أمورك وازن كلامك

انا عطيت اختي مبلغ مالي في سفرتهم ولا ابالغ الوحيد الي اعطاها ليس منه بل واجب
ويوم رجعوا من سفر اهدت الجميع من اطفال اخوتي الى اولادي حطيت بخاطري وصرت كل ماتسافر اختي لا اعطيها شي

راجع نفسك وتذكر حب أبا الفضل العباس عليه السلام لسيدة زينب عليها السلام
فربما اختك لم تتعمد ذلك

ما عليك من زائر 78 لا تعط اختك شي

صراحة المسافر ينحرج ماياخذ لاقاربه حتى لو رايح بمبلغ حد الحد
هو احراج وهو حب للاكرام والاهداء
فاذا بتعطي شخص بتعطي الباقي كلهم

اعتقد شراء الهدايا في السفر تطور كثيرا و يكون عن طريق ارسال صور بالواتس اب ل الاشياء المراد شراءها و يتم اختيار الالوان و النوعيات و هذا افضل من شراء شيء لا يعجب الاخ او الاخت ...

انا من الناس اللي ما احب المتطلبين اللي يحرجون الواحد واللي يصرون انهم يخربون سفرتك كل شوي يتصلون حصلتوا اللي قلنا عنه؟انزين انا رايحة اسافر عشان نفسي او عشانكم اهد مخططي عشان افتر من سوق لسوق عشان بطنات او عشان شي اصلا موجود في البحرين او ناس توصيك بأدوية معينة بدون وصفة؟ناس توصيك بكميات كبيرة صناديق صناديق انزين ما تعرفون ظروفي يا مجتمع متخلف بالنهاية ما نقول الا ناس مو شايفة خير بصراحة ويبون البلاش بأي طريقة

من الخطأ وصف المجتمع بالمتخلف ...

الله يعينكم خيو على هالعائلة

التسوق جزء من اجزاء السياحه في اي بلد و الصوغه للاشخاص المقربين الاخوات و الام حلوه .. و لا تصيرون مصفعين ،،

التسوق لإصحاب الشأن يعتبر سياحة.. مو و انتون قاعدين في البيت حاطين رجول ع رجول و الي مسافر تحملونه عبء كفاية جايب فلوس السفرة بالعافية

بالفعل في ناس مصفعين ... اصلا كل سنة يفتح معرض الخريف و نشتري البضاعة السورية و المصرية و افضل حلوى ساهون و افضل مكسرات ايرانية موجودة في المعرض و افضل ملابس و مفارش من دول العالم الحمدلله شايفين خير ..

بصراحه انا احب اسافر بس سالفة الصوغه تخليني انجف مو سالفة بخل بس سالفة ما تعرف ويش تشتري خاصة للحريم احيانا تكره اليوم اللي سافرت فيه بسبة هالسالفه.

انا عندي عبأ بس اني من زمان كنسلتها لان الفلوس صدق اطير ع الي يعزون ع الواحد بس هذا مايمنع لو شي بسيط ،، ناس تشره وناس عادي عندها والي تشره ماتشوف منها شي والفلوس ف السفر بسرعه اطير بدون مبالغه والاغراض الي شريتها مايجون ١٠٠ دينار لو شريتها من البحرين ومن اشوفون خليجيه يستجنون يعطونه سعر اضعاف مضاعفه من الزبون الي من نفس البلد

اختي من قبل أسبوع راحت سيرلانكا جابت لنا كلنا الخوات فقط يتميزون فيه الشأي الأحمر والأخضر الخالص بس اتقول لأن السواح عندهم واجد من جدي مزيدين السعر واجد لأنه 1000روبيس تعتبر دينارين و600وكلهم شكله متفقين كلشي 1000 عبالهم هم تجار فقلت لها سنه الجاية بس روحي استانسي لا اجيبين صوغة بس اتقول على عمري تتنغص عليها خاطرها أجيب لخواتها

النسوان في كل شي غربال... مطالع وهذيك جابت وهذي لا وهذيك وهذيك ... سوي اللي عليش والباقي على الله لو ما في شي لله ...

يعني فيه ازواج مطيعين!!!!
شلون زوجتك ماترحم
يعني ماتعرف تقول لا

الصوغه عند النسوان غسيل اموال ههههه كل وحده تجمع هدايا من نسوان الفريق وتوزعهمم مره ثانيةبالنسبه ليي اجيب للجهال العاب اةلاد اخواني يستانسون فيهم اما مني ومناك ماااخذ الواحد لو يتابع الناس والتشره ما بيكمل

انا عندي مبدأ ..يا كله يا خله ...خاصه بين الاخوات ومثلا الحموات ..والحين الناس واجد تسافر مو مثل اول زهقه ..بصراحه ..انا الحين مبدأي تطور الى ..طنش تعش تنتعش ..

تهادوا تحابوا بدون مبالغة

الصوغة بالنسبة ليي مضيعة للوقت و للاموال،لانه اتضيع سفرتنا انحاتي فلان و علان نشتري ليهم
قانوني اني استمتع بالسفرة اولا،وقتي و اموالي لراحتي
و اذا حصل دشيت سوق اشتري للمقربين جدا،امي و ام زوجي فقط،و انفرح الجهال بشي بسيط جدا

نعرف ناس في السنة يسافرون ٦ او ٧ مرات و في كل مره يشترون هدايا و يملئون عشر حقائب و ما يخلون حلوى او مكسرات من ايران الا يشترونها اكثر من ٤٠ او ٥٠ علبة و يعملون عملياات تجميل في ايران و اذا كلمتهم قالوا مفلسين !!

و ازيدكم من الشعر بيت ايضا المسافرين يشترون من السوق الحرة في المطار بشكل خيالي عطورات و ساعات غالية مثلا العطر ب ٦٠ دينار و هواتف و بعد يقولون مفلسين ..

كلام عدل

لان في ناس وقحين من يشووفون واحد يشتري شغلات عدلة لروحه بققوا عيونهم عليه وعلى فلوسه نفسك مثلا اشتر لينا واشتر لينا استحوا وتطوروا وخلوا الناس لحالها من جذي الواحد يضطر يتعامل مع هالبليتة بهالطريقة بعد فلوسه وكيفه بيسوي عملية تجميل ان شاء الله يشتري برج خليفة انت شكو فلوسه وكيفه

صح اغلب الناس وليس الكل على طول السنه رايح جاي مسافر وكله يقول ماعنده ومفلس ويبي يسلفونه فلوس وبعدين تشوفه يسافر ومن يرجع
يقول مفلس ويتسلف ويرد نفس العمليه

والله انا اسافر و لا ادلي السوق وين ، او اشترط على اله برافقني في سفري ما يطلب مني اروح وياه لا سوق و لا موق ، الواحد رايح لزياره لو رايح يتكشت

بعض النساء الله يهديهن تقوم ب إعطاء الصوغة ل خادمتها و أثناء التزاور تشوف الأخت هديتها مثل الدشداشة أو الشيله على الخادمة و يكون هنا الزعل و العتاب ..

هههههههه

ليست واجب وحمل على المسافر ان استطاع واحب شرائها لاباس انماهي ليست واجب ملزم بادائه بسبب عبئها على المسافر ماديا ووقتيا من حيث البحث
عنها لشرائها ونقلها في المطارات وهي عاده ليس ملزم بها

اني عائلة زوجي كبيرة . يعني يوم سافرت جبت هدايا حق تقريبا 30 واحد . يعني كل واحد بأولاده. ومايصير ما اجيب ليهم لان اخاف زوجي يحط في حاطره. لان بجيب لخواتي بعد . فهني مشكله ان سافرت وجبت ابتلشت وان ماجبت بعد ابتلشت. واحنا مانعرف نجيب اي شي رخوصي لازم شي محترم على الاقل. فتروح نص بيزات السفرة على الصوغه. بس قررت اذا هالمرة سافرت خلاص ما اجيب لأي احد

نويدري.. احس كل التعليقات في الصميم.. وماقصروا الجماعه ماخلوا شي.. وكل من حركات النسوان مع احترامي الشديد وفي النهاية تجيب حق ناس وتنسى ناس واحنا على قدنا.. انا اسافر علشان ارتاح مو اروح اتسوق لغيري ويضيع وقت الاستمتاع بالرحله في مصاريف مالها داعي

بالضبط

بدع... أنا اقول الواحد اذا يقدر يجيب هدية يجيب شي عدل والواحد يستفيد منه، أما إذا بجيب شي يفشل، أنا أقول يخلي فلوسه في جيبه احسن.
لأن مصير هالهدية ( الزبالة )

هههههههه

وهذا اللي يخلينا نتردد نعطي البعيدين
الخوات بتعرف ويش تعطيهم لكن الابعد يمكن يومونه نفس ماتفضلت لان الذوق مو واحد
اخذ شي ستاندردد للكل جاي، زعفران، حلاوة، مشامر صلاة
وللبنات كريمات وحمر شفاه، للاطفال لعوب من البحرين
او حسب مكان السفر ميداليات نظارات شمسية شنط

أفضل أنواع الصوغات سجادة صلاة مسباح كتاب الله تربة و قماش أخضر .. لأن جربت صوغة زوجي من الحج بعض التمور لا تستطيع أن تأكلها و الحقائب والجلابيات التي اشتراها لا تزال في الخزانة لا أستطيع استخدامها

الرجال ما عندهم هالسالفه الصوغه الحريم مركزين عليها اكثر اذا سافرت آخذ كم هديه للاطفال واذا واحد من الشباب طلب شي معين وخفيف اجيبه واذا شي ثقيل ويملل اقول ليه الحقها وارجع اعشيه هههههههه

عادة كسيفه. ... أسافر عشان استانس لو بس افتر ادور صوغه لفلان وعلان؟ تركوا عنكم هالعادات اللي تكلف أزيد من قيمة التذاكر والسكن

ياريت يفهمون

بعد التجربة شفتها مو مهمة عندي لانه في ناس ما تستاهل تقدير عدا الوالدين و الاخوة في الاطار الاسري الضيق و اصدقاء اثنين من المخلصين وكل هذا ان امكن وعلى حسب الظروف. والمحبة والتقدير تعرف في وقت الشدائد لا بالمجاملات الزائفة

أني غنيه و أحب الهديه .. انطلاقا من هذا المثل المتواضع أرى إن الصوغه حتى و إن كانت بسيطه إلا انها تدخل الفرحة و الهجة و السرور الى القلب خصوصا الأطفال الذين يفضلونها العابا… ولد النبيه صالح

إشلون إنتين غنية وتقولين انّش ولد !!! ؟؟
ياولد النبيه صالح

قال لك هذا مثل يالحبيب!!

هذا مثل غالبا ما يردده النساء لحبهم للهدايا و العطايا .. لذالك يكتب بصيغة المؤنت و ليس المذكر .. ولد النبيه صالح

انا برأيي المسافر يشتري صوغة عدله أو لا يشتري يفشل روحه ثانيا الأخوات أو الصديقات يشترون حق ناس و يتركون ناس يعني اختي أعلم أنها اشترت أفضل الهدايا لاختي الثانية و لم تشتري لي ..

الصراحة هم الصوغة
العايلة كبيرة وان نسيتي احد مشكلة
وكل ايام السفر يضيع على ويش اشتري ومن نسيته
هم ونص

احد اقرباء زوجي يسافر الى لندن في كل اجازة مع زوجته لمدة عشر سنوات و يترك مفاتيح الفيلا مع زوجي ليهتم بها و بالزراعة و زوجي كل يوم يذهب اثناء سفرهم و ينظف و يكنس و لكن بعد رجوعهم يعطونه كاكاو شيكولاته من اخس الانواع ابو ربيتين من لندن ...

وليس ينظف صبي عندهم هذا ذل مو مساعده في فرق بين الطيبه والغشامة

عندنا خادمات و هذا القريب عنده خادمات و راتبه مرتفع جدا في وظيفة مرموقة و لكن زوجي يحب القيام بالعمل بنفسه .. لان حتى الهنود موجودين ....

هههههههههه

بدأت اقلل جظا من جلب الصوغة محد يستاهل استانس بفلوسي احسن

الصوغة التي يحضرونها لي المسافرين يكون مصيرها الزبالة و لا مره احتفظت ب الصوغة او هدايا السفر لانها اشياء لا تعجبني و الحلوى مال ايران بعد في الزبالة لانه احسه قديم و منتهي الصلاحية ..

كأني عرفتش من أسلوبش ليش هلغرور عاد ؟من تواضع لله رفعه والهدية بقيمتها المعنوية يعني مدام الشخص أهداني حتى لو شي بسيط فمعناته انه تذكرني وفكر فيي وهذا عندي كفاية

الواحد يسافر عشان يستانس ويضيع وقته في السفر عشان يشتري صوغه. وخصوصا اذا احد يطلب منك شي محدد لازم تدوير عليه. ليس بخل لا سمح الله ولكن يضيع وقتك وانت تدوير في السوق ويمكن يوم او يومين وانت تشتري ويمكن ماتدلي وين السوق. انا اتفق مع الاخوه والاخوات ان الهديه تجلب المحبه ولكن صعوبه الاختيار والوقت والبحث وخصوصا اذا السفره قصيره اربع اوخمس ايام وما تكفي.
ارضاء الناس غايه لاتدرك. وانا اكثر شي اشتري هدايه لوالدتي ووالدتة زوجتي وخواتي وخواتها. والباقي يعتمد على زوجتي اذا تبغي تشتري اخليها على راحتها

صباح الخير :من وجهة نظري الصوغة اصبحت عبء إضافي على المسافر وخاصة على اصحاب السفرات المتعددة في السنة، ويجب تركها او إقتصارهاعلى هدية رمزية لكل عائلة من الاقارب او الاصدقاء واذا واذا كان المسافر ميسور الحال ولا تؤثر الصوغة في ميزانيته فلا ظير في ذلك.

احيانا تكون عبئا ثقيلا على المسافر

الصوغة مضيعة للوقت أولا انت تسافر لتغير جو مع العائلة وتريح انا أسافر اقول إليهم من البداية صوغة ما راح نأخذ خلونا نستانس ونغير جو المسألة مو صرف فلوس احنا طالعين نغير ونطلع عن هم الدنيا مو نروح نشتري صوغة وهرار وكسار ظهر

متقاعد

الي يجيب ليه هدايا بعطيه هدايا مثل ما قدرني بقدره و نتواصل على سنة رسول الله صلى الله عليه وآله وسلم

النبي محمد ( ص ) قال : تهادوا تحابو ، اي معنى الهدية تجلب المحبة مو قال كلفوا روحكم شي بسيط يكفي

شيء ماليه أي معنى كنسلته من سنين . فقط بعض الحلويات لبيت الوالد و العم يعني شيء رمزي ما يكلف اي شيء

مثلي

تابع.
في احدى السفرات اختي اشترت انواع ممتازة من الحلويات وعطت كل عائلة بوكس وكلفها اكثر من مئة دينار
بنظرهم هدية بسيطة الا كاكوات
لكن كلفها مال وجهد ومكان بالشنط ووقت للشراء

مو واجب ولكن اذا الواحد بسافر وعنده استطاعه يجيب وياه شي بسيط لكل عائله مثل علبه تمر لا بأس بذلك هاي شي طيب ولكن اذا بسافر وبجيب لكل فرد في العائله صعب يبي ليه ميزانيه هني تكون عبء

هذه تقاليد بالية وعادات قديمة لابد من تركها...الواحد اول يسافر مرة او مرتين في العمر اما الحين الوضع مختلف فالسفرة التي تكلف 1000 اصبحت تكلف الفين او اكثر بسبب هذا الكرم المزيف الذي لا داعي له خصوصا لمن لديه كثير من المعارف

اني الحين مسافرة ولا شريت لاحد شي حتى عيالي لاني قبلةشهرين جايبة لهم كلهم مو شرط كل سفرة اشتري واخسر

المشكلة في النساء طمع عند الذهاب إلى السوق

اني اجيب لخواتي واخواني واصداقاى وخاصه الاطفال. ينتظرون رجعتش على على احر من الجمر يسألونش جبتين لينه الالعاب اني مره في سنه اسافر لازم اجيب الالعاب

عجبني مصطلح الكرم المزيّف لأني آنه بعد آستخدمه

اني دائما اسافر وكل مرة اسافراختي تطلب شئ واجيب ليها لكن يوم راحت ايران طلبت منها زعفران قالت لي اشتريت ليش لكن ضاع!!!!!!