يعد "السناب شات" أكثر برامج شبكة التواصل الاجتماعي جذبا لمستخدمي الهواتف الذكية، والأطفال منهم تحديدا، خوصا مع التحديثات الجديدة التي يشهدها هذا البرنامج باستمرار، لا سيما فيما يتعلق بالوجوه التعبيرية.
ونظراً لأن نسبة كبيرة من أطفالنا الآن يحملون هواتف محمولة، فقد بات يقلق الآباء حول استخدام أبنائهم لمثل هذه الشبكات الاجتماعية، فقد يقوم الأطفال بمشاركة الناس لأخبارهم وصورهم ومعلوماتهم الشخصية، مما يعد انتهاكا للخصوصية، فالبيوت أصبحت ليس لها أسرار، وذلك بسبب استخدام الأطفال لأدق التفاصيل ومشاركتها مع المتابعين.
برأيك، هل تؤيد استخدام الأطفال لتطبيق "السناب شات"، أو غيره من برامج التواصل الاجتماعي؟!
اطلاقاً
قبل كنا ننزل لمستوى الاطفال
نساير ألعابهم و افكارهم و اهتماماتهم
الحين صرنا نسحبهم لعالم الكبار
الانستقرام و تويتر و سناب شات و الواتساب
أكيد في فرق ، أكيد في خلل
من منظوري الشخصي احنا نغتال طفولتهم بهالطريقة
مكان الطفل بالفعاليات الخارجيه و الداخليه اللي يتشارك فيها مع اطفال (أو بالغين بروح الطفوله ، بعقلية طفل)
لا طبعا
لا
لان الاطفال يصورون وبس وحتى الانستغرام يحطون صورة ووراهم ناس قاعدين ومكشفين بلا حجاب
شنو هالخصوصية اللي ينتهكها البرنامج، يعني ما تبون الناس يعرفون ويش غداكم، الجهال الحين يعرفون الخصوصية يعني ما بيصور امه و لا خواته و ينشر، لأنه اهله معلمينه
من قال لش حبيبتي
صار عيدميلاد احد الاطفال وقاموا يصورون الكيكة وينشرونها
الاطفال يصورون وبس
الخلفية خالاتهم قاعدين بلا حجاب !
شدراني الاطفال يصورون وبس ما يحاسبون على البلوقرز وحدة منهم كانت حاطة ان ولدي يصور وبس مااشوفه الا حاط سناب وفيه كل اي شي
واجد خصوصيات ينتهك لكن مو البرنامج الناس انتهكت خصوصيتها بروحها بعد اذا جاهل ما عليه حجر اذا رجال وبنت ويش كبرهم الي تحط بيتها والي تحط حجرة نومها والا تحط ثيابها ..... احنه نستخدمه باعتدال مو جنون
هو كبار و هم يصورون كل شي مو بعد جهال
وحده صورتني في سناب في يوم عرسي و نشرته بدون اذني !
للأسف هذه البرامج تنشر اسرار العوائل
وفظائح حتى الوتساب احيانا تكون بلاوي
لا هذا خطر كبير في أيد الأطفال
لا أؤيد استخدامه من قبل الكبار
فما بالك بالصغار ؟؟
لأنه يفقدنا الكثير من الخصوصية
البال مرتاح لا اشوف احد
ولا احد يشوفني .
الاطفال حتى تلفون ما اعطيهم... راحت ايام اول كنه في الثانوية وللحين ما عندنه شي وكنه مرتاحين.. هالزمن Ipod وهرار وكلام فاضي وعيالنه الله يحفظهم وره هالسوالف
الحين الي يعلقون ويقولون لا ومعرف ويش أكثر اطفالهم يستخدمون سناب شات بس نفاق البشر ماتدري ويش يقولون
انا عندي اولاد لكن حتى تلفون ما عندهم صحيح عندهم ايباد بس انا قلت لهم انستجرام وسناب ما بنزل ليكم وطبعا عطيت بس الولد الكبير الباقي لا ومو شرط اني انا ما اوافق على الي يصير يعني ما ابي البرنامج ، البرنامج كلش حليوو وونيس بس الناس هي الي اساءت استخدامه انا قعدت مع اولادي وقلت ليهم ترى التصوير مو اي وقت وحاسبوا للتصوير وترى مو اي احد تصورونه حتى خالاتكم ما تدري وين هالصور تروح وشرحت ليهم امور واجد نحاول نصحح امور المجتمع يحاول يخلينه نؤمن انها صح حلو البرنامج لكن كثير من الاشخاص هتكت خصوصيتهم
بلكل نهي
لا صغار ولا كبار برنامج تافه
لا
انا لا اؤيد ابدا ابدا ،،، بسبب عدم الخصوصيه البيوت ومثل ما نقول البيوت اسرار ،،، او بجي الطفل يصور امه بدون ما تدري او مولابسه مشمر او حجاب والناس اتشوف ووووالخ
لا لابد من تعليم الطفل على الاشياء الخاصة وليس مايجري في المنزل يعرض على عامة الناس
مو بس الأطفال
حتى الكبار اللي عقولهم تظل صغيرة والنسوان بالأخص اللي تصور كل لحظات حياتها
وين راحت وشنو اكلت وأي لباس اختارت
مسخرة والمصيبة ان كل وحدة تنافس الثانية من باب الغيرة
اقصد المصيبة
النساء هن سبب البلاء انظروا الى الانستغرام و الصور العارية كل وحده لبست المايوه و تفصخت و صورت نفسها و نشرت الصور و اصبحت رخيصة و مبتذلة و السناب شات ما نزلته لان ما يعجبني لان في ناس تصور لترويج الدعارة و قلة الادب و العرى الماجن ..
لا. تطبيق تافه ومضيع للوقت وينتهك الخصوصية بشكل كبير.
لافرق بين الكبيروالصغير( بعض الصغار أأهله للرئاسه والقياده) لفطنته وذكائه وورعه عن محارم الله)