من كلام الناس... يحتار الكثير من الناس قبل شرائهم سيارة جديدة بطبيعة الحال نظراً لكثرة الأنواع والموديلات، ومنهم من يقوم باستشارة أصدقائه أو أحد أفراد عائلته مثل الزوجة ليحسم أمره، والبعض الآخر يبحث عن مواصفات تناسب وضعه المادي.
لو أردت شراء سيارة جديدة... ما هي الخطوات التي ستقوم بها؟
انا اشتريت لاندكروزر ٢٠١٦ عقب ما فكرت و اشتريتها على اساس انها تكفي اولادي الخمسة و ما شاء الله السيارة في قمة الجودة و الرقي و الفخامة و السيارة آمنة للابناء
اروح اجرب السيارة حتى اتأكد انها مناسبة
الوضع في هل بلد ماتصلح سيارة جديدة من البترول غالي وكلشي غالي .. خذ لك تيرسل وله صني بتعيش هني
ماذا أفعل قبل
اسوي طبيلة واخذ قرض 7 سنين
ماذا افعل بعد
افلاااس
ماذا افعل بعد 7 سنين
ابيعها ب 2000
النتيجة: برجع لسيارة قديمة
كوني بنت ما عرف للسيارات ولكن والدي له خبره طويله وكبيره بهالسوالف فاعتمد على الوالد وعلى خبرته
خذو مني هلجم نصيحة - اشتر سيارة
اقتصادية - كاميرا خلف وأمام - قطع غيار متوفرة - صيانة سريعة وبسعر مناسب - تتحمل الحرارة - اللون أبيض
عشان لا يمتص الحرارة وتصير لك تنور في نفس الوقت الأبيض سهل حق الصباغة لا قدر الله لين صادك حادث
وفي شي مهم الناس مو متبهين له اشتر سيارة فتحة الخزان يمين ما تلاحظون اغلب السيارات في محطة البترول
الفتحة يسار من جذي لما تروح المحطة تلاقي ازدحام والسيد ضارب حده يسار وتتعطل لين يوصل دورك أما الي
خزانه يمين مكانه خالي ويوصل عقبك بوقت ويخلص وانت للحن تنتظر
ملاحظات مفيدة وممتازة بعكس التعليقات التافهة على السؤال اللي ما تودي ولا تجيب و على قولتهم خذ وخل ؛ شعب تعباااان ????
عجل اشترى لك مرسيدس فتحة الخزان يمين
الفقير ما يقدر يشتري سيارة مستعملة و لا جديدة
جود على مجنونك
جان زين عندي فلوس چان اشتري لي مرسيدس اكشخ فيها و أستانس و فرح قلبي
لكن العين بصيرة و اللي في يدنا حق أمور اساسية
و غلاء في كل شي عشرة دينار تنصرف دقيقة وحدة في يوم
احنا زين نقدر ندفع فلوس بترول السيارة
مد رجولك على قد لحافك
لحافنا ما يوصل للمرسيدس :(
إكسر عليها بيض عن العيون واذبح خروف يسيل دمه على السيارة عن دفع البلا
توجد كتالوجات في محلات عرض و بيع السيارات او تدخل الانترنت و تشوف الصور و كل ما يختص بالسيارة ... عندما اشتريت سيارتي قبل سنوات بعد ٣ اشهر وصلت ..
اعرف ناس قبل شراء السيارة يقوم ب اعداد الكراج الجيد لها لان وقوفها في الشمس و المطر يجعلها تخترب و يركض يشتري لها كفر و للمقاعد كفرسيت و لكن المشكلة اذا اشتري جيب كبير مثل يوكن ما يدخل في دواعيس بعض القرى و الشوارع الضيقة
اشتريت
اليوم دفعت قيمتها ... دوختني القديمة ولأن الميزانية على قد الحال ومشغول دراسة وبني درت خمس أو ست وكالات والكل يقول الزود عندي ونصايح الناس يتيبك يمين ويسار آخرتها استخرت الله وأخذت جديدة رخيصة وتوكلنا على الله بعد السيارة من يصير مخاسيرها أزيد غيرها وسيارات اليوم مي الأمسية رغم أن في صعود استغربت منه للكوري لكن يبقى الياباني أولا والشكرات يجذبونك شهر رمضان عروض وديك تقدم سيرفس مجاني وهذا يعطيك فوجرات بترول وهلون مجرا
أغلب الناس ما عندهم ميزانية لشراء الجديد من اﻻمور فضلا عن شراء سيارة جديدة بسعر أقل شئ خلنا نقول 4000 دينار و (لووواوبشن) السيارة الجديدة تهز الميزانية هز اقتصاد الفرد ما يشجع ضعيف ومستضعف وحالته حاله واللي وضعه اﻻقتصادي تحت المتوسط أو تحت الفقر ما بيقدر اقاوم اشوف كل الناس قاعدين يمشون جدد وهو على العتيقة ﻻزم بقلد أو يتحلم ولو اشترى جديدة عليه مصاريف تهزه هز مع القروض وجان زين قروض شرعية، الثري اللي مايخمس المبالغ الشرعية وغيرا بيشتري حق ولده BMW وبته بياخذ ليها مرسيدس سبورت موديل 2018
الحمدلله على كل حال خلنا نقدر نصلح حديدتنا عشان نشتري جديدة الله كريم
السلام عليكم
\nلشراء السيارة المناسبة عليك بالاجابة على الأسئلة التالية:
\nهل قطع الغيار متوفرة وسعرها معقول؟
\nهل الصيانة سعرها معقول؟
\nهل المكيف ذو جودة ممتازة؟
\n انصميت واخذت سيارة محترمة بس للأسف وكلاء يعتمد عليهم
\nقطع غيار غير متوفر وسعر الصيانة مكلف
تويوتا و بس و الباقي خس.
كغيري
أذهب الى البنك واطلب قرض مثلي مثل اي مواطن اصلي واعيش باقي حياتي ادفع اقساط والبترول وإيجار بيت وقسط الحضانة وفاتورة كهرباء وهاتف الى ان يأتي اليوم الذي انعم فيه بقبر
لو شوارعنا ومرتفعاتنا مالت اوادم جان الواحد يفكر يشتري جديدة , لكن أعور قلبي ليش
أشتري مستعملة 3-4 سنوات واريح روحي , هم فيها شدة وهم سعرها ينقدر عليه وما تعور القلب
اذا صادها شمخ . أهم شي عندي سيارة ما تأذيني في الكراجات ومن زود طلعاتي البعيدة
انا بشتري سياره لفيت الوكالات كلها مالقيت احسن من الباثفايندر .. وقطع الغيار كل السيارات قطع غيارها غاليه.. صح قسطها واايد وبيستقطع جزء كبير من الراتب بس ولا سياره عقار
وغير بترولها
زائر 23
زائر 23 أترك عنك التهور ما بتنجح في المهمه أبدا ؛؛ لا صيني ولا كوري ولا غيره (إذا أنت على كد حالك خللك ويا الياباني وبس) وإذا كلش معزم تتهور ويا الصيني لازم تتفاهم ويا إثنين عمال يوميا من الصبح حق (الدكه ) كل يوم بتوقف عليك واسمع الكلام وبدون تهور.
اهم شيء في السيارة الكاميرا التي تكشف لك الخلف بوضوح حين الرجوع ريوس خاصة ان الاطفال الصغار لا تكشفهم المرآة و ثانيا وجود الكمبيوتر الذي يعطيك الخرائط و الارشادات و يتحدث معك و يوجهك
واللة ماكن رايح لي سيارة معينة افتريت على معظم الوكالات لين رسيت على سيارة معينة او لازالت السيارة استخدمة من 11 سنة بس القهر ابريك في فية او بل احرى فية بس وايد أضعيف او بسبب الخلل سويت حادثين فية طبعاً اشتكيت على الوكالة بسبب الخلل بس عمك أصمخخخ.
آخذ 5 أوراق أكتب فيهم مازراتي / لمبورجيني / فراري / بنتلي / رولزرويس بعدين أكفسهم بعدين أخلي زوجتي تغمض وتختار ورقة وحدة منهم بعدين آخذ الورقة اللي اختارتها أم العيال وعلى طول على معرض السيارات أشتري كيا أو جيلي.
الحمد لله طلعت سياره يديده وكاله من عرق جبيني نعم والحمد لله ولا منه احد لا اخو ولا اخت واللي يقول الحريم ما يستاهلون يشرب بحرررررررر
اقدح من رأسك يالبحراني
انا ما اسئل احد لان السيارات اليه اطلعهم بياكب الى شغلي لاكن قبل شهرين سئلت عن اكثر سيارة اتناسب البنات وفعلا اشتريت السياره والبيت مايدرون خليتها مفجئا لاغلى الناس عندي ام جهالي اما انا غير البيكب مااركب احنا الرجال كل شي يمشي
الشعب دايخ وانتون تقولون سيارات ... نمبي مواضيع كله عن الزواج
فعلت نريد مواضيع عن الزواج لان التعليقات تكون ساخنة و مولعة .... و نارية من النساء في هجومها على الرجال .. ادعوا لي ان اشتري سيارة ٢٠١٧ فل اوبشن لون ماروني من المعرض الذي بقرب سترة عرفتوه معرض GMC ....
نعم التعليقات على مواضيع الزواج تكون ساخنة و حارة و مولعة و اكثر و أغلب و معظم القراء يشاركون و يكتبون و يعلقون و يتفاعلون و يتحمسون
تبون مواضيع عن الزواج حتى يصير الهواش
شالفايدة اذا كانت المواضيع ما تعلمكم وتحسن من حياتكم الزوجية
مع الهواش هناك نصائح و تجارب و خبرات و تجاذبات و أفكار كثيرة يا ذكي ...
اقترح موضوع الغد يكون عن مقابلات الزواج وتدخل الأهل من النساء في اختيار شريكة حياة الإبن والعكس طبعًا ، خلونا نستفيد وخل الاهل يتعلمون ان مو هم الا بيتزوجون وريح.
الحريم مايستاهلون تشتري ليهم سيارة جديدة لأنهم ..لا يعرفون يستخدمون السيارة عدل ولايفهمون شي في طريقة الاستخدام الصحيح أو صيانة السيارة كل همهم سيارة جديدة نفس صديقتها لأنهي موأقل من صديقتها يعني فشار وبس . مالت عليكم يالحريم الخايبين
الموضوع عن السيارات مو عن النسوان
الله يشافيك
...........قول جايتنغك الغيرة من الا يشتري لزوجته سيارة جديدة لان ما تقدر تشتري او ملوص ماتبي تشتري
اشببها.. مثلكم عارف لا اله الا الله عيون ما صلت على النبي تضرب سلف تنكسر المكينة و هو واقف يطالعك : سلامات خوك . انت تباعد و كلشي بصير زين
لا للجديد..
خلنا على العقاره الي عندنا ارحم مافينا شدة اقساط والبترول هلكنا وينا ووين السيارات الجدد
من وين يا حسرة
ما فينا شدة القروض
دايخين
الله يعين
أختار السيارة المرغوبة بين الناس وبسعر معقول حسب امكانياتي المادية وبشرط أسعار قطع غيارها الأرخص بين باقي الموديلات ، أما أني سيارة عشان الفخفخة كلش مو صوبي
العالم الآن يتجه نحو الاقتصاد في المعيشة .. نظرا للوضع العام السيارة الإقتصادية هي الأنسب
اولا : تكون جديدة من الوكالة
ثانيا: ما يكون قسطها يستنزف الراتب
ثالثا: ما يهم النوع : سيارة الكيا وسيارة اللكزس ثنتينهم يوصلونك للمكان اللي تبيه
آآآآآ
أبرز لفلوس أول
في الوقت الراهن اهم شي اقتصادية وتكون رخيصة وقوية
البترول فلّسنه
ههههه
اول خطوه بنقدم ع قرض او انشوف التسهيلات حق بعدين نطلع بسياره عدله والجيب ما فيه دينار وهذا الواقع
خل يصير عندنا المبلغ اول بعدين نفكر بالسياره .. الحمد لله بعد الراتب بعشر دقائق لا يوجد في المخبئ شي .????
كوني سيده اهتم بالامور المهمة اولا تكون متوسطة وتكفي افراد اسرتي ثانيا تكون 4سلندر لتوفير البترول ثالثا مايكون الكراسي جلد خصوصاً جو الخليج حار مع الجلد تزيد الحرارة وماافضل المكينة كروس انجن ورطة لو احتاج الامر تنزيل مكينة وما احب السياره النازله واخر نصيحة للي يبي يشتري سيارة ياخد من الوكلة اللي فيهم دعمات بسيطة ويحاول يصلحهم توجد ماركات زينة ومديلات جديدة
اكيد القراء بيستغربون كوني عندي معرفة بأمور فى السيارات لان زوجي يبيع ويشتري فى السيارات
شاطرة
هذا تلويص
دعمات بسيطة .... يعني الواحد كم مرة يشتري سيارة في عمره عشان ياخذ مدعومة دعمات بسيطة .... وهالدعمات البسيطة ماليها اثر ثانية بشكل عام على السيارة .... خوش خبرة والله اخذ لي سيكل افتر به احسن ....
هناك عدة نقاط يجب اخذها في الحسبان ..اولا من المهم سؤال الاقارب و الاصدقاء لمعرفه تجاربهم في السيارات ..وخصوصا اذا كانوا يعملون بوكالات السيارات لمعرفه المشاكل التي من الممكن ان تتعرض لها بعض الموديلات ..ثانيا اخذ لفه شامله على الوكالات للمقارنه بين المواصفات و العروض وما يتناسب مع الميزانيه ..و الشي اللي اغلب الناس تنظر اليه مستوى عمر السيارة على المدى البعيد في حين التفكير في بيعها ..هل ستعود بمردود مادي مفيد ام انها غير مطلوبه في السوق فسينخفض سعرها
انا بنسبة لي أصلي الصلاة الاستخارة .
ابرز كيلو بيض افقشه عليها عن. الحسد
انتشر فيديو قبل سنوات يقول ان كسر البيض يجلب الجن و لا علاقة بين هذه العادة الغير حضارية و الحسد و الافضل تعليق اية الكرسي و المعوذات ووضع القرآن الكريم في السيارة للحفظ ...
اخذ قرض عشان اشتري السيارة ????
اختبار سياقة السيارة ثم البحث في اسعار قطع غيار السيارة وتوافرها محليا وفي السعودية بوفرة ثم البحث في الانترنت عن الجهات التي قامت باختبار السيارة ومعرفة عيوبها ثم اتخاذ القرار المناسب تباعا
آشمهه
إذا كانت ريحتها سيارة جديدة أو مستعمل
وبعدين آجرب سياقته بأقصي سرعة لإختبار مكينتها وبعدين آحاول آضربها بالطوفه لإختبار السيفتي (عناصر الأمان ) فيها
السيارات الصينيه.
انا مقرر اشتري سياره جديده BAIC صنع صيني اتوقعها رخيصه وقويه . سعرها مناسب وفيها كل المواصفات الحديثه. لكن متخوف. أريد نصيحتكم ياجماعه. وشكرا لكم.
من تجربه سيارتنا BYD صينيه الصنع فيها مواصفات تكنلوجيه واجد بس في المقابل كل يوم تطلع فيها مشكله