فرحتي بالعيد بصلاة وزيارة الأهل أما الأطفال بلس الجديد وقبض العيدية الي ما عنده الكثير يفرح الأطفال بأقل من القليل دون حرج أو إحراج

اللي شغله نوبات ما يحس بشي اسمه عيد يسمع عنه و ما نشوفه

بأي حال عدت ياعيد . اللهم صل على محمد وآل محمد , لله الحمد والشكر .

ما عندي مكان ارووحه ..قبل أروح بيت زوجتي السنه انفصلنا يعني بقعد ف البيت

زائرة

مثل كل سنة .. اسهر للصبح واتريق ونوم لين تتكسر العافية ويبدأ الملل الي مايخلص لازيارة اهل لا ربع لاطلعات ولا روحات ولاجيات .. الله كريم يهونها علينا

بل بل المطاعم الزحمة كانه طول السنة ماحد طب مطعم انتظار وبعدين الاكل بارد ومسخن حتى مايناكل

عيد البحرين زحمه بالشوارع والمجمعات وبالعيد يصير غزو من بعض الناس ع العموم مسافر الليله وعيدكم مبارك

انا بالنسبة ليي العيد زيارات عائلية اول يوم زيارات عائلية وثانية نفس الشي نتونس ويه الاهل وين تروح والشوارع كلها زحمة وحالة ثالث يوم نطلع نتغدى والليل يعتمد يا نطلع يا نقعد بالبيت وخلاص خلص العيد ادعوا ليي بالزوج الصالح والذرية الصالحة انا احب العيد وايامه بس تمنيت السنة يكون مليان بزوج واطفال ياالله الحمد لله كل شي رزق ونصيب ادعوا حقي بتيسير وتسهيل الامور

ولعل الذي أبطئ عني هو خير لي ،الله يرزقش بالزوج الصالح ويصير العيد عيدين ويفرح قلبش.

عيدكم مبارك ان شاء الله والحمد لله على تمام شهر رمضان
العيد لم يعد كما كان ولكن نحاول ان نجعل له طابع العيد
فاطفالنا مازالوا يصحون مبكرين ويلبسون الملابس الجديدة ويعايدون على الاهل والجيران ويافرحتهم بالعايدي..نجهز الفطور وكالعادة كل عام لايخلو من البيض المسلوق واللقيمات.يذهب الرجال لصلاة العيد ونجهز القدوع للزائرين من الاهل والمعارف ولم يعد كما كان ونجهز الغدة وبعد الغدة ندكها نومة راحة ساعة العصر نزور الاهل والبعض يطلع حدائق بحر مجمع مع العائلة والليل عشى في مطعم او ساحل وعايدين سعيدين

شباب اخذو نسوانكم وجهالكم وسافرو جم يوم ترى هل المسكينه كسر ضهرها الفطور 30 يوم تردح في المطبخ حرام ااتخليها بحجه افلاس انا كل سنه ارتب السفر في العيد اشتغل عمل حر في العصر اذ على المعاش مابناكل شي انا ادخل المطبخ واساعدها واشوف بعيوني مسكينه اشلون تتعب واخر شي اخليها اتعيد في البحرين مايصير ام الساده اعتبرها روحي

حلو حلو

ياريت زوجي يفكر مثلك

ف وين يعني ...ف الشغل طبعا مو حال الناس احنا

زائر 87

العيد اتسدح وتبطح

الحمد لله لايزال التجمع قائم يوم العيد في البيت العود على وجبة الغداء و كثير من الاهل اللي ما نشوفه طول السنة يوم العيد يحضر. و لكن تصيير وحشة في الليل بعتبار اعتدنا على اجواء رمضان. و ما فيه مكان ينراح لان زحمه

-

في العيد خوآتي يجون البيت مع أولادهم متأخرين ، ياكلون غدا العيد و يصير اغماء جماعي الا وقت العصر! لدرجة مرّة يطالعون قراندايزر ف سبيستون!! و اني احن خلنا نطلع محّد عاطيني وجه.. لين احد راح يزور - ما يجتمعون فِ الزوارة! لااا كل وحدة وقت و كل وحدة بروحها! تجي الليل و طبعاً كل وحدة تروح بيتهم- هل يطلعون بروحهم مع ازواجهم لو فقط مع اولادهم ما يندراا! لكنّي اصغر وحدة و ما ينتابني طلعه للأسف.. عيدكُم مُببارك مقدماً.

أكثر الناس إهتماما بالتباهي بأملاكهم وأموالهم هم حدثاء العهد بالنعمة ممن عاشوا فقرا في طفولتهم. والمضحك حول هؤلاء أنه حينما يأتي العيد ترى هؤلاء يدفنون وجوههم تحت الرمال مثل النعام بخلا وشحا فيتحولون إلى مساكين فيختبؤون من الناس كي لا يرزقوا الأطفال مما آتاهم الله من رزقه ولذلك تراهم ينقطعون عن أهليهم في أيام العيد بالخصوص! سبحان بالله! فعلا إنه ومن يوق شح نفسه فأولائك هم المفلحون! ولكنهم من جانب آخر يرسلون أطفالهم للناس الفقيره كي يجمعوا الأموال منهم! فعلا إنها دنيا عجيبه!

قراء الوسط شكله الصيام ماثر عليهم - السوال كيف تقضي وقتك في العيد - وليس كيف تشعر يوم العيد - العيد هو الفرح للصغار بالعيدية والملابس الجديدة وللكبار فرحة الافطار بعد صيام شهر رمضان ويوم العيد له من الشان والثواب لما له فضل عظيم . تقبل الله صيامنا واعاده علينا وعلى جميع المؤمنين والمؤمننات والمسلمين والمسلمات .

في السابق العيد كان ممزوجا بالفرح والألوان الزاهية والآن وبعد أن فارقنه ( خيمة البيت ) ( أبي) لم أعد أستشعر بأي حلاوة فيه أي عيد وأبي تحت التراب ؟!
عيدك في الجنة أجمل !!
رحمك الله وأسكنك فسيح جناته..
لابد ان نستشعر بالنقص في كل الأوقات والمناسبات ..

اول شي كل عام أنتم بخير ..
احنه اول ايام العيد نسوي غدى جماعي من ايام صغر متعودين في بيت صاحبنه العزيز والدته ماتقصر تطبخ لنه سنوين ونتجمع وقعدات ونجيب طاري ايام الدكريات ايام صغر والليل نطلع مع مع مدام او مع صبيان بالدراجات انلطف الجو على حسب المود المرا او الربع يا سينما يا باك يا مع الربع ... والسلام عليكم ..

محد يفرح بالعيد قد الاطفال الي يحصلون كم بيزة ويناططون من الوناسة.
وبالنسبة ليي احلى شي الأكل والماي في نهار العيد

العيد ليس في القاموس

أكثر من 45 سنه والعيد ليس في قاموسي ؛؛؛ لا ثياب عيد ولا حلاقه ولا ( تقبيل ) ومن 30 سنه تقريبا دائما أهرب قبل العيد بيوم أو يومين و أسافر والسنه مصختها اشويه سافرت قبل العيد بستة أيام وها أنا في ديرة غربه ،، عليكم بالعافيه ويا العيد.

اش عنده سلوم بو تيله - والحجي كم عمرة الحين اكثر من 50

اذا كان الهدف نبيلا فعليك بالعافية.اما اذا كان مرضا نفسانيا كحال بعض الافراد يحبون العزلة ولا يميلون الى الالفة ويوم العيد كغيره من الايام فاسال الله لنا ولكم الشفاء

افا ليش عاد يا خوي ترى العيد فرح وحب العيد وناسة بوجودك مع الاهل والفرح وياهم اي كان السبب الله يساعدك وعيدك مبارك مقدما

تفائلوا،، وكل عام وأنتم بألف خير ،، الله يعوديكم جميع ،، ويقضي حاجة كل محتاج

سابقاً كان العيد عيد نجتمع في بيت الجد نحن البنات والاولاد ونذهب كل حين (للعيد) الذي هو عبارة عن ساحة يتواجد فيها باعة يبيعون ألعاب بسيطة وجميلة وبمبالغ زهيدة جداً، نفرح بالمئة فلس والخمس مائة والكل مستأنس وفي سرور ونتغدى واحياناً نذهب للرحلات
واليوم انصك بيت الجد وماصرنا نجتمع ومحد يبي خمس ربيات عيدية ونص البيت مو موجود
نتظاهر بالفرح من اجل اولادنا لا غير
رحم الله الماضيين واطال الله في عمر الباقين وحسبي الله ونعم الوكيل والله يعوده علينا وعليكم بخير وعافية

في البيت مختبأً

عيدكم مبارك وكل عام وانتو بخير ونصيحة عدلو نومكم قبل العيد عشان لا يصيدكم الخمول والتعب في هاليوم العظيم اللي الله فرضه على المسلمين

كباقي الأيام ، بالبيت .

لا عيد مفرح بعد ان فقدت امي وأبوي الله يرحمهم اشياء روتينيه ولكن بالقلب غصه ومرت اخوي عمليه دعواتكم لها

إلى أم محمود المزورة .. اكتب يا أخي عشر تعليقات في اليوم و لكن لا تلصق كلماتك الماصخة و التي بدون معنى في شخصي أو تنسبها لي فهذا يسمى الكذب و البهتان و هو مكروه و محرم و انت محاسب عليه ..

مكروه و محرم ؟
من وين جايبه هالكلام يا مكروه يا حرام مافيه شي اسمه مكروه و محرم لو لصيام مأثر عليش

عيد الفطر هو في صلة الرحم و التزاور و التواصل الإيجابي و التسامح و الصفح عمن أساء إليك و نسيان العداوة.. بالنسبة ل الأزواج المتوحشين العيد هو مناسبة ل اهداء الزوجة كلمات جميلة أو هدية بسيطة أو الالتفات إليها و هو أيضا لمساعدة الفقراء ♡♡

الله يخلي التلفزيون :)
لا يمكن اطلع بالزحمه

بالعباده

ما أحب أطلع في العيد...كل مكان زحمة وتلوع شبدي من الغفصة .أحب أفش مكاني في بيت اهلي أو أهل زوجي وسلامتكم

العيد قبل غير نقضيه والحين غير يا ريت نرجع أطفال ونقضيه بالمعايد على الاهل و الناس ونستانس اذا احد يعطينا خمس لو دينار .. الحين نوم للظهر وساعه نتغدى في بيت الاهل ونطلع كل مكان زحمة نتطر نرجع البيت

ادواره على المجالس الغداء مع الاهل الخروج مع الزوجة والاولاد

مافي شي محدد وعموما العيد ممل بسبب قلة اماكن الترفيه لكن الحلو في العيد انه إجازة تريح فيه من غفصة الشغل

في النهار زيارات عائلية والليل طلعة وَيَا الربع

الحمد لله في الدوام و ارجع البيت بعد سبوع من العيد
بلا زحمة شوارع ولا مشاوير ترفع الضغط

الحمدلله بالدوام شفتات ولا ندري عن عيد ولا اجازات ولا شي .. مانعرف ولا ندري بالاجازات كلش

نفس كل عام قبل اليوم اسافر تايلند

عليكم بالعافية بتايلاند وسفر ممتع يارب لكن غضوا أبصاركم عما مالايحل النظر له .

أضم صوتي لزائر 72

تعليقات ممتعه اليوم بصراحة

فرحة العيد مو مثل قبل ؛ عن نفسي اقعد بعباتي من يشوف ملابسي والاهل ملتزمين ؛ وفوق هذا الي قاعدين كلهم يا من زوج يا من عيال يا من جيران يا من أهالينا ...! والبعض رايح عمره والبعض يتغذى ويشرد

ماسوي شي.. كالعادة اقعد بروحي أكل وتلفزيون وأحاول اصلح نومي والحمدلله رب العالمين... واصلا خلاص أمس عيدت ^_^ وتصبحون على خير

ممكن توضح

يعني شنو أمس عيدت ؟
جفت الهلال من كوكب المريخ ؟

ادا انت بنت بتفهم

عيب عاد

شنو امس عيدتين

الوسط

عجبني سؤالكم اليوم
سؤال حلو ذكرني بأيام المدرسه في زمن الطيبين كانوا يعطونه مواضيع إنشاء عن فرحة العيد

نوووووووم للمغرب

العيد عندي كسائر الأيام السابقة وطبعا لازم كليوم جديد يكون في شي جديد لكسر الروتين.
بــأختصار كليوم عندي عيد.
والوضع افلاس ندور برنامج مايطلب فلوس.

أختلي للدعاء والإستغفار والمناجاة

صدقتش ....

صدق ناس مرضى نفسيا وليش ما تصدقها يعني عبالكم كل الناس طايرة ومطيورة كثير من الناس ما عندها مثلا اب او ام او حرمت الذرية او لاي سبب كان بتتوجه بالدعاء ومناجاة الله ويش تقعد تسوي بس تبغيها تقزرها من قناة لقناة للهرار قال ويش صدقتش الحمد لله والشكر ترى هي ما حطت اسمها ولا احد يعرفها يعني ما له داعي تجدب

مع الاهل من الصبح الي الليل نطلع نتعشي في مطعم

اكره شي العشاء ايام العيد ، زحمة الناس في المطاعم تخليك ما تتهنى في الاكل هذا اذا حصلت طاولة

كالعادة عند النبي عليه وعلى اله افظل الصلاة والسلام

قلدناكم الدعاء والزيارة

سلام عليكم
شكله محد انتبه للاخت ال قالت مااشترت ثياب الجديد للعيد ببسب قلة معاش زوجها، اش رايكم ا ندخل الفرحة عليها؟

ياريت بس شلون .. اذا في طريقه راح اكون من المساهمين .. وعيدكم مبارك

نقدر نطلب منها عشان تشوف طریقه نتواصل معها.
یلا یا جماعة الخير فزعة

العيد فله ، الصبح عقب صلاة العيد نتريق ونجهز و نطلع نزور ام ابوي الله يحفظها وبيت عمي ، و أزور عماتي بعد ، و أزور أهل زوجتي ونسلم عليهم ، عقب أهد زوجتي ف بيت أبوها العود مع امها و ابوها ، و أرجع الديرة للصلاة ، عقب نتجمع في بيت أبوي العود الله يرحمه مع اولاد خالتنا و خيلانا و خالاتنا ، و عقب غدى العيد نشغل البليستيشن و نلعب دوريات مع خيلاني و اولاد خالاتي للمغرب ، شي عجيب.
بالليل نطلب لينا عشى من برى او ناكل خفايف و و الدوريات متواصلة ليما كل واحد يجوف درب بيتهم :)

مافيه أي شي جديد نتغذي غذاء العيد ولعصر حالات إغماء جماعيه الكل نايم ولليل ملل مافي أي برنامج

هههتههههههه

هههههههههه

مرحبا

مشكلتي بعد الغداء كيف اكسر الروتين اليومي لشهر رمضان المبارك صراحة من اتعس ايام السنه يوم العيد العصر

الصبح
صلاة وزيارات
العصر
غداء وسوالف والبحر
الليل
مجمعات وسينما وكوفي شوب وآخر الليل دسكو
وسلامتكم

هههههه

صريح جدا

كانت عندي ام تجمعنا تتسال عنا الصغير قبل الكبير هي عيدنا هي فرحتنا واليوم تحت التراب اي عيد هذا

..

الله يرحمها برحمته ويجعل أعيادكم كلها فرح وسرور آمين

نفس الشعور ،، الله يرحم امهاتنا ويجعل مثواهم الجنة

الحمدلله على كل حال.
احب تجمع العيد بس كثيرا ما اعتذر عن هالتجمع والسبب انحرج الكل يوزع فلوس وانا زوجي معشاه ما يسمح اني اوزع شي محد يعرف شنو الضروف الماديه الي يمر فيها الطرف الاخر لدرجه اني ما شتريت لي لا ثياب ولا حتى نعال عزكم الله او بوك جديد

ولد زويد
الله يفرجها لكم بحق الصلاة والسلام على خير الأنام محمد وآله الطيبين الطاهرين الكرام .

الله يصلح الحال

ويرزقكم من خيره رزق كثير يارب

نفس الحال
الله كريم
غسلت لي الثياب اللي بلبسهم يوم العيد

اريد ان اساعدك اختي الرجاء إيجاد طريقة سريعة للتواصل ..

الرجاء أختي تزويدنا ببريدك الإلكتروني للضرورة

عن نفسي ما احب العيد لان زوجي يجبرني تعالي تغدي عند اهله و اهلي يتجمعون عشا العيد ما يرضى يروح ولا يوديني

حالج من حالي

واتمنى زوجي يكون في الزام عشان ما اروح واروح بيت اهلي
لانه اذ ما رحت ليت ابوه يزعل ويغضب 60 سنه على ما يرضى

نفس حالتش
بس السنة ماني رايحه
لأن السنة ماعندي عيييد
العيد برجعة الغالي سالم معافى غير جدي مافي عيد عندي

هذي أنانية ، قولي اذا ما توديني بطلقك

عيدكم مبارك.... طبعا متزوجه اروح بيت اهلي من الصبح الی اليل ونرجع البيت نتعشی ونام وسلامتكم ملل العيد بنسبه لي .

ليش ؟

سمعي راديو علي الاقل عن الملل

عادي

الصبح مااقدر اقوم من السهر فيصير كأن شهررمضان نقعد متأخر ناخد غدا جاهز نتغدا عادي ونرتاح بعد الغدا المغرب اروح لإمي وارد ارجع البيت استقبل اخواني او اي احد وتعب في تعب ولافي عيد ولا شي

انا من الاشخاص الي يكرهون تجمعات العيد والمجاملات والنفاق ، انا اقضيه بعيدا عن الكل بالسفر مع ربعي ، واذا ما سافرت اكون نص اليوم نايم ونص الثاني برة البيت ، السنة بنهج لاندنوسيا باذن الله

نسألكم الدعاء في (اندنوسيا)

زائر 25

دبحتني من الضحك
هههههههههههههههههههته
ههههههههههههه

قلدناك الدعوة والزيارة
اربط لينا خيط عاد

يقولون اندونيسيا فاشلة سياحيا

sabah al fardan
بعد تجهيز الغداء و قبل وصول الاهل ادخل غرفتي لأتهندم و احرص على اختيار المكياج لأني على علم بأن صديقاتي و زميلاتي المدرسات و احيانا مديرة المدرسه تزورني في العيد لنجلس و نتجاذب اطراف الحديث و نتذكر المواقف التي تحصل لنا في المدرسه

خفي علينااا

.

ليش المكياج لصديقاتج مو لينا ؟!

كالعادة

زيارة مجالس غدى نوم او فترة العصر المملة .. والليل يزعم طلعة وانصم في الزحمة ..

sabah al fardan
كا العاده,يوقضوني خدمي مبكرا لأصلي و ابداء في الاشراف عليهم في تجهيز صالات الفله و المجلس,ثم اوصي على زوجي قبل ذهابه للمقصب ان لا ينسى ان تكون الذبيحه تيس عربي سمين,بعد حضوره ابداء مع الطباخين لتجهيز غداء العيد و انتظر الاهل في الفله

عيدكم حلو

صرت آشتم ريحة الطباخ
عليكم بالعافيه وعيدكم مبارك

هرااار في هراررر

طاح السقف

يسمونها فيلا
مو فله
حبكيها عدل مرة ثانية

ياجماعة هذا الا يكتب باسم ام محمود واحد يمبه ينكت مو أم محمود الحقيقية وأحيانا يكتب ويرد على روحه

في الصباح مع الاهل والعصر في النوم والمساء اطلع مع زوجتي وبناتي

متقاعد

أصلي فقط و لا اشارك أحد في فرحت العيد بعد ما فقدت ابني الوحيد في هذه الحياة أصبحت الدنيا بلا طعم ولا فرحت بل هذه المناسبات تألمني عندما انظر الى الأولاد من هم في سن ابني ونحن صابرين محتسبين.

رب العالمين يجبر بخاطرك و يعوضك خير انشأالله…يا بوك كل نفس ذائقة الموت .. ما الدايم الا وجهه سبحانه… . جزيري متقاعد ايضا

طبعا اول شي لازم اصلي صلاة العيد وبعدها اروح البيت واجيب حلوى العيد والمكسرات وغيرها طبعا اذا مو انا اي واحد من اخواني بجيب وفي حدود الساعه 9 او 10 نروح نزور الاهل مثل بيت اعمامي وخيلاني وبيوت الجيران طبعا ..وبعدها اقعد في مجلسنا واصلي الظهر واتغدى وانام ..اما اذا كنت على الزام الله المستعان بعد ويش نسوي

عيدكم مبارك

وتقبل الله منكم صالح الأعمال
ويعينك علي الدوام

روتين.. الصبح اتجهز .. الظهر اروح بيت جدي اتغذى.. و بعدها اهل جداي يجون يعايدون و نبقى في صمت حتى المغرب .. ارجع يا زعم شقتي حتى اطلع ويا زوجي و الجهال ، بس كالعادة ندخل في غيبوبة الى الصباح التالي .. و عيدكم مبارك ????

هههههههه

ههههههههههه
عندج روح دعابه حلوة