حدوث اختلاف بين الزوجين أمر وارد ولا يفرض الخصام ولكن يجب على الطرفين مناقشة الأمر والوصول لحل مناسب عندما تهدى النفوس

خاطرة
يقول امير الموحدين سلام الله عليه
واختر قرينك واصطفيه تفاخرا
إن القرين إلى المقارن ينسب
واحرص على حفظ القلوب من الاذى
فروجوعها بعد التنافر يصعب
إن القلوب اذا تنافر ودها
شبه الزجاجة كسرها لا يشعب

الموضوع شيق ودي اتكلم فيه بس لاحظت من الردود التفارب في العمر بين الزوجين ومشكلتي اساسا اني تزوجت واني 20 وزوجي على اعتاب ال40 طبعا اي مشكله تصير يرجعها لصغر سني ولازم هو كلمته وفكرته ورايه اللي يمشي وذلك لخبرته وعقله الكبير ومع صغري سني حرمني من اخد مشورته وتحقيق رغباتي واني اللي اخاصم لانه مايسمع لي ويترك البيت ويرجع ولو بعدي زعلانه ما يبالي والله يصبرني

للأسف انا احب احل المشاكل اول بأول بس ريلي ما يحب يقبض الباب ويطلع وساعات عقب هالطلعه بعد ما يبي يتفاهم بيأكلها لبكره و البي بعدوو وانا بطبعي ما احب اخاصم ولا اطول بالزعله

اني رجلي دلوعة لو اعطس بدون ما اقوليه زعل و طنقر

عند الزعل والخصام اصاب بحزن واكتئاب يخيم الصمت القاتل والنفس الخايسة لاهو طايق يشوفني ولاني طايقة اشوفة حل ......
مااتحمل اتثاقل واحمل نفسي واتخطى خطوات ثقيلة حتى اقبل عليه وامسك يدة واراضية ولو كان غلطان دائما انا من يعتذر
اموت اذا يخاصمني فالعشرة عزيزة

احبه و أموت عليع ما اقدر ازعل منه .. و حتى لو زعلت بس يطالعني أرضى
هو يخاصم بس قلييل جداٍ ???? خاطري اصير نفسه

لامحبة ولااحترام ولامعاملة عدلة ويش مااسوي. اخر شي اطلع انا الغلطان. ان كيدهم عطيم

اعطيها فرصة مره مرتين ولو شفتها في كل مره طالعه فيها ومعاندة تفتعل المشاكل والخصام (( امش بوزي منها ولا اراضيها وبتزوج عليها فلبينيه منقطع وبقزرها وياها بالحلال )) احسن حل حق الي تطلع فيها مع العلم هالشي تم تطبيقه حاليا

هالفلبينية فخر لك يعني؟
ما قلت بتتزوج وحدة محترمة مستورة منقطع .. بتتزوج وحدة بتتعرف عليها بمكان غلط ومشهورة بالزنا؟
هذا حل لخصام؟ لو بتزيد الطين بلة؟

زائر 112

ليش ماخذها منقطع
مسكينه الوفيييه
ضحكتني اتقول حلال
لا وفلبينيه صراحه اختيارك وفي واخترت وفيه
أهم شي لا يصيدك الإيدز
لو رجال خذها شرعي
ولا مفتكره فيك مرتك اصلا

انا مشكلتي حتى لو منقهره حدي ومعصبه اذا هو ضحك اضحك وتخترب السالفه

مثلي هههههههه سيدة اضحك واتروح هيبة الزعل خخخخخ وبعدين انقهرررر هههههههه

ههههه

تمثيل هو؟

لا مو تمثيل بس طبيعتي جذي مو بس وياه مع الكل ازعل واعصب بس اذا ضحك اضحك وتخترب السالفه

جدحفص
اذا تهاوشنا وصارت مشادات كلاميه زوجي ما يوصل لحل دايما يهرب يطلع بره البيت يقول اذا قعدت منج كلمه ومني كلمه وكل واحد بجرح الثاني وما بنوصل لحل لكن المشكله لين هدأنا ورجع تعال نتناقش بالموضوع يقول صكي الموضوع فمستحيل نوصل لحل وهالشي جعل بينا مسافه

احاول اراضيه واذا ما رضى اصيح هههههه فيراضيني هو

محرقي بحريني
انه اتفقت مع زوجتي من اول يوم زواج ان مانام واحنه متخاصمين لو مها يحدث من خلاف بينا والحمدلله ماعمرنا نمنا واحنه متخاصمين صحيح انه يابس اشوي في المبادره من ناحيتي بس هي من اتكلميني على طول انفذ وعدي ونتكلم مع بعض ويطيح الحطب
ام العيال صعب الواحد يزعلها

والله زوجي عنيف واذا نتهاوش هو ما يتنازل بسهولة اني أراضيه بس هذا السبب خلاني أكرهه

نفس حالتي من 35 سنة يزعل بالأشهر على اشياء تافهه ولازم انا اتنازل واراضيه والي يقهر انه ملتزم ومتدين يا زعم حسبي الله ونعم الوكيل

دها بيت اهلها اسبوع - و بعدين روح خذها - تغيير جو و تخفيف حدة المشكلة - بعض المشاكل الاسرية ممكن تنحل بالاهداءات

على سبب تافه ....خاصمني والحين قريب يكمل السنتين من الخصام ...من جهتي عادي ولااحمل في قلبي واتمنى يعاملني طبيعي لكن الرجال قلبه حقود ويبي يبعد عشان مااطلب حقي الشرعي ...حسبي الله وكفى

خصام سنتين !!

ثقي في وحدة بدالج حبيبتي..

وكلي أمرك لله .. نامي مظلومه دامعة العين واطلبي حقك من الله لا من البشر
آجركِ الله على صبرك اختي

زائر 94

افتكت منه
سو وت
أهم شي يصررف

best thing about it..

ترجع الامور طبيعية

اني اسكت و هو بدوره يسكت و يصير الخصام
اسكت لاني مو من طبعي اصارخ و اطلع اللي في قلبي،لانه ما يتقبل مني شي و مجرد ترتفع نبرة صوتي اتقوم القيامة،اعتدت السكوت و الكتمان،و لكن هذا يتراكم داخل النفس و يسبب البعد.

بااااال مال اول ..

غبي انت؟

بداية الزواج كنت واجد أخاصمها وما أسامحها بسهولة اذا سوت غلط بس الحين عقب الجهال ما أخاصمها عشان جهالي يتربون ويعيشون في جو صحي ومستقر بعيد عن المشاكل والتوترات اللي تنعكس على شخصية الطفل بشكل مباشر وحتى لو أكون مقهور أتصبر عشان أولادي

ادا تهاوشنا ﻻ ابها تعتدرليي وﻻ ابي اعتدر ليها خليني ازعل كم ساعة وهي بعد ونصالح بعد كم ساعة افضل علشان هي ماتحس غلطانة وﻻ انا غلطان وهدي سنة الحياه الزعل والتصالح مافي بيت يخلى من المشاكل اهم شئ عدم المبالغ في لهواش وعدم السماح للآخرين التدخل في اابحياه الزوجية

النسوان بدون الدراما ما يرتاحون، لازم زعل

نتزاعل بس مانتخاصم واذا اتخاصمنا نتراضى في الليل..

نظام 24 ساعة

اذا صار زعل بيني وبين زوجتي، أحاول أتكلم طبيعي معاها، في الثﻻث ساعات اﻷولى، فإذا ما نجح، أتغير عليها 180 درجة، وﻻ أتكلم، وباين علي الزعل الشديد، كنها هي الغلطانة، وأكثر من الخروجات، وآكل برا، وأستمر على هذا المنوال 24 الى 48 ساعة، حسب حجم المشكلة.
وفجأة، أتغير، وأرجع طبيعي، وأتكلم مثل قبل. وهي تكون هدأت وطابت نفسها، وتستمر الحياة.

حالتك صعبة

الحياة لا تخلوا من الشد و الجذب واعتبر ان هذا حلاوة الحياة فبعد الخصام تسامح وود, على ان لا تكون المشكلة كبيرة وهذا ان دل انما يدل على ان المشاكل الصغيرة لم يتم حلها فتتراكم وتصبح كبيرة.
تعلموا على "خذ وخل" لحد يحط في قلبه شئ ولا يحط في خاطره واذا عنده شئ خله يصارح شريكه مافي احسن من الصراحة وان حس اي طرف ان الاخر سوف يزعل اما يبادر ان يمسح اثار الزعل او يتركه لبرهه حتى تهدأ الامور
لحد يحط في خاطره ويكتم لان هذا يجيب وجع القلب وهالدنيا ما تسوى

اخاصمة ... بس ما يجي يراضيني ولا يعطني وجهة هههخهه
في نهاية اتكلم وياه غصبا عليي ..

قال عقال قال

والله واني بت ابوي لو تسوي جديه لي او لاختي جان ربطك ونتفتك بالعقال نفسه ....عبالك لعبه السالفه

.. خلي بالك من الرجال و لا تنظرين من منظور زوجك

للاسف اي ورغم انه طبع شين بس مايتغير

احبه ما اقدر اخاصمه حتى لو هو غلطان، والخصام المتكرر يسبب شقوق ويبني جدار بينهم لذلك ابداً ما احاول انه ابني هالجدار.

متى اعرس ؟

متى ما الله أراد

غشيم وبتندم خلك من العرس ابرك واحسن

ما احب الخصام .. وما احب تطول المشكلة ..
افضل شي لما تهدأ نفس الطرفين شوي شوي وبنفس اليوم اهم شي .. يبتدون يحلون المشكلة اللي بينهم بنقاش وبود وتفاهم وخلاص يتراضون ويرجعون احلى من قبل
واني بطبعي بعد تجيني الضحكة بسرعة حتى لو معصبة ..

زوجي مايعرف يراضيني ابداااا بس من جهتي اتنازل لان هذا الانسان بيتم وياي طول عمري ليش اخلي الخلاف يكبر واني وياه مردنا لبعض وهو مايقصر معاي ويحترمني ويقدرني ليش ما اقدم له شي بسيط مثل التنازل عن هوشة حتى لو هو غلطان بالمقابل نعيش سعداء مع بعض وننسى هالهموم

تحياتي لعقلك

ونعم الزوجة الصالحة العاقلة

هههههه .

لا تخافوا لن يحصل اي شيء الا بمشيئة الله سبحانه وتعالى

الاول من تصير هوشة حتى لوغلطان اركض اراضيه واترجاه ودموعي تخر عن يزعل واذا مارضى اركض اجيب ورد"خيبة السعوه"وما اخليه الا لين يرضى،لكن للاسف هالشي خلاه يتمادى ويدوسني ويبهدلني ويذلني وهو مايقدر يعيش بدوني بس يدري لاني فقيره وين بروح فيستغل هالشي،بس اللحين لا عرفت ليه من اشوفه مبرطم جنه العيد عندي احقره اعيش حياتي واروح واجي ويا اولادي نتشرى ونتعشى بره وهوه مسمار محلي في طوف عندي،لين ينبط بروحه ويجي يتحبحب ويتلزق..!

يا الله! .. في بينكم مودة ورحمة مهما كان
وش شعورش لما يشوفش تقولين چدي عنه واهو ابو اولادش!
الله يهدي النفوس

اني ما ازعل ولا الم عليه الاهل ولا اطلع من البيت،عالاقل بس يقول خير ان شاء الله انا غلطان وانسي الامر،مو يخاصمني واني اترجى وساعات اضرب روحي بس لا تخاصمني ولين يهد اعصابي يرضى، جدي يرضيك يعني! ،ماطلبت منه يترجاني ولا يقول اسف ولا يصيح ابدا ولا ارضاها ليه بس اطلب يقدرني ويحترمني ويحس بمشاعري واني اللحين اللي سويته بس اني صرت اسكت واخليه في حاله يرضى بروحه عشان يفهم لغة التفاهم والمودة والاعتذار ومو بشرط تلفظ كلمة الاعتذار واذا اني غلطانه للحين اعتذر لكن ليس بالحاح ثم اترك له الامر.

زوجة المسمار المحلي

حتى وان كنت متزاعله مع زوجك، ﻻبد من اﻹستئذان منه عند خروجك.

زائر ه 33

تعجبيني
وتشبيهاتش اتهببل

ما أقدر على خصام زوجتي نتهاوش و لكن دائماً الرجال العاقل الي يبي يحافظ على أسرته هو من يبادر بالمصالحة حتى لو ما كان غلطان لأن عقل المرأة صغير و تحكمها العاطفة لا العقل

اي نتخاصم يوم او يومين بالكثير ثلاث ايام

سيم سيم
بس حاجتي عندها لازم اصالحها ????????????

ماعرف اخاصمه تجيني الضحكة ماتمر ساعتين بالكثير الا تحاجينا ههههههههه

زين تسوون

الله يخليكم لبعض و يسعدكم.

اي اخاصمه ويخاصمني ، ويستمر اسبوع او اثنين ويقول افتكيت من حنتك فتره ، لكن اني ما احب هالفترة، حتى لو هو الغلطان
بالعربي كل واحد يغاور عن الثاني فتره للين ما تهدئ النفوس ، وفي النهاية لازم نتنازل عشان تستمر الحياه
الله كريم

الفترة طويلة

لما تكونون على صلح اتفقوا على طريقة الخصام ومدتها.

مسكينه زوجتي من اول شهور الزواج لما نتهاوش كانت تراددني وترد علي اخاصمها واحقرها واخليها تتام بدموعها ولا كنت اهتم او افكر اني اعتذر مع اني اغلب الاحيان اكون غلطان وتقعد ثاني يوم ولا كأن صاير شي حتى انا كنت استغرب منها بعد الزف ولصراخ وكسر الخاطر والدموع تتودد لي وتقابلني بلأبتسامه ولليوم نفس الحال

مستانس على روحك يعني حضرت سي السيد
والا مفكرنها رجولة
ترى لكل فعل ردة فعل مساوي له في القوة ومضاد له في الاتجاه
اذا ما جتك ضربة من صوبها فالدنيا تراويك المصايب في شغلك او غيرك، ومثل ما تنكد عيشها وما تعتذر، بيجيك من يصير لك غصة في بلاعيمك وبتعرف شلون تحس في مشاعر الاخرين
صدق اوادم ما عدها احساس

هذا يدل على كبر عقلها بس انت دام تعترف انها مسكينة وانك الغلطان اغلب الأحيان.. بادر بالاعتذار ما فيها شي .. تترك اثر
واااااجد حلو بنفسها وبتحبك اكثر لانك قدرتها
الله يوفقكم يا رب

احتضنها واحتويها
بهالزمن مافي مثلها
ولا بيجي يوم وتندم عليها
والله يخليكم لبعض

اتق الله يا رجل. رفقا بالقوارير

عيب عليك وتفتخر بعد
تحسب فعلك بطولة او رجولة
ما تخاف من عقاب رب العالمين نصير الضعفاء
الله بيعاقبك في الدنيا قبل الآخرة لظلمك

الحتنكور
حرام عليك أتق الله فيها مو زين تخليها تنام بدموعها و زعلانة ترى هذي مش رجولة ولا شيمة رجال . وشكرا

كنت نفسها .. اصيح واني ساكتة وساعات ادعي عليه في قلبي يجيه مغص..
لين ماجا يوم قلت ماينفع السكوت وصرت ارادد ههههه
لا تستانس على روحك

انا كنت نفسك ايام الخطوبة بسبب المصاريف الخطوبة وتجمع لديون عليي صرت اكرها يمكن انا السبب الانه ماحبيت اردها بس على حسابنه ومستقبلنه وبعد سنين طوال تخلصت من لديون وتزوجنا وصار عندي ولاد صرت اتغاطة عن المشاكل ومااحب الزعلها حتى لو صارت هوشة وياها اعتذر منها انا بنظري سبب المشاكل الزوجية هي الماده

كنت مثل زوجتك قبل بس بعد ما توفه الوالد الله يرحمة حسيت ان ماعندي سند صرت ما خاف شو بخسر اكثر الحين ادا فيه خير يزعلني ولله ارد له الصاع عش

قاطع الرحم

أعرف واحد خمسيني ما ضل واحد اﻻ خاصمه، حتى أقرب المقربين، زوجته، أوﻻده، بناته، أبوه، عمه، أخوانه، خواته، خاﻻته، عماته، أبناء عمومته، على أتفه اﻷسباب، وبعضهم ماتوا ولم يكلمهم قرابة الثﻻثين سنة.
وهو شخصية معروفة، ولكن مع اﻷغراب سمن على عسل، والغريب انه يحافظ على صﻻة الجماعة.
عجبي!!

..

باين عليه أناني، ويحب نفسه، وترى هو الخسران، ..

ياخي شدخل صلاة
تبغي اجيب لك واحد حرامي بس ٢٤ ساعة في مسجد
الصلاة له مو لنا

صدق الصلاة اليه بس الصلاة تنهي عن الفحشاء والمنكر تنهى فما بالك بتوافه الامور والمشاكل تقول شخص يروح يصلي في المسجد هادي صلاته خربوطة ادري بتقول الله اعلم بس هو ميزان موضوع توزن عليه بعض الامور الدنيوية سال الامام الصادق كيف أعرف هل صلاتي مقبولة أم لا)
ففي الخبر المروي عن الإمام الصادق عليه السلام , أنه إذا أراد أحدكم معرفة قبول صلاته من عدمها , فلينظر هل صلاته أبعدته عن الفحشاء والمنكر أم لا فإن أبعدته عن الفحشاء والمنكر فقد قبلت صلاته , وإن لم تنهاه عن الفحشاء فلم تقبل

طبيعة العمل تحكم

الظاهر طبيعة عمله ويا مكاين مو مع بشر، من جذيه ما يعرف يتصرف وقت الخﻻفات.

يعني انت الغلطان وهوشه وهديه هذا اسلوب تستخدمه مع الاطفال مع الكبار اذا غلطت وجبت هديه ما تنمسح الغلطه تظل مكانها بس مغطيه وتستخدم في الهوشه الي بعدها

الله يخلي نانسي عجرم ( أخاصمك آه )

أخاصمك آه اسيبك لا
كلمات قويه تغني عن كل التعليقات
هههههههههه

انا كزوج لا اخاصم , المشكلة اذا ام الزوجة خاصمت راح تنقل العدوه لبنتها وبعدين تزيد المشاكل وصير فراق . يبيلكم تطرحون يالوسط هذا السؤال : هل الرجل متزوج من ام البت او البنت لكي يتستمر الحياة

ما من هوشة مهما كانت علاقة القرب بين أطرافها لا تترك أصداء في نفس المتنازعين و إن تكن آثارا سطحية ِ فلا يخلو الأمر من بعض الوقت لمحو ظلال الاختلاف و سحب الخالف ِ ِ لكن بقدر ما يكون التجاوب العاطفي بين الشريكين قويا و فياضا تكون مدة التمنع وجيزة قصيرة ِ فهكذا علاقة لا تقبل من الفرقة و الجفاء إلا بمقدار ما يشعل نار الوصال من جديد ِ و اجمل وصال يجب ما قبله من غيوم هو وصال محنوم للجسدين يذرفان به أمطار الندامة و سيول التوبة ِ

عذرا تصويب في السطر الأخير : وصال محموم ....

ما ابدعك يازائر 15 على هذا الاسلوب الراقي من التعبير.الذي يفيض جمالا ورقة في الابداع.وما دام كذلك فلا بد لهذه الانامل التي ينساب منها العاطفة الرقراقة ان تتعامل مع المراة بقدر ماخط قلمها وسقى بجداول العشق عطشها ...

هذا علامة على ذوق لك باذخ و نظر لك شامخ . هي لغتنا الجميلة شربنا من نبعها الصافي ِ فلن نغتال جمالها كما يصنع بها كثىرون.

انا عمري مخاصمت زوجتي اكثر 3 ساعة من اتخاصم او اتهاوش ويها اروح على طول اشتر ي هدية و اهيديها واحبها على رسها وجبينها وخلاص ننسى المشاكل انا عن نفسي مااقدر اخاصمها امووووووت فيها

عليك بالعافية

الله يخليكم لبعض ولا يغير عليكم ..

حلاتك ياليت كل الرجال مثلك .. كان صارت البيوت جنة

عملة نادرة ????

الله يرزقني رجال جديه يحبني ويموت عليي الله كريم الطيبون للطيبات

مو تستانس انهم مدحوك عشان مبادرتك النبيلة والاخلاق الحميدة بل طبعا بالهدية
هههههههههههههههه
الويل لكن

الخصام حرام في الإسلام
يعتمد على الهوشة إذا كانت خفيفة أو عنيفة ولكن كانت الموضة في تلك السنوات أن الزوجة تهجر زوجها في السرير كنوع من العقاب بالنسبة لنا الهجر استمر طول العمر ..

يعني اسم بس متزوجين

الله يصلح اموركم و يهديكم مع بعض

عن نفسي صرت اسكت عنه اوردي صار لايعني لي شيئا لذلك لاتهمني ردود فعله والشكوى لله وحسبي الله ونعم الوكيل????

خب انتون كل مايعني لكم شيء

يتم الخصام أكثر من شهر

اففففف شهر عاد شلون عايشين مع بعض

و الله احنا خصامنا ما يتعدى الساعات و مرات قليلة اذا كان الشي جايد حدنا يوم او يومين و هي مرات قليلة قليلة جدا الى وصلنا فيها لهذا المستوى خلال 12 سنة زواج

مو بس ايخاصمني الا يسفل فيني و غير انواع الشتم والسب اللي اتجيني منه والقهر ان هو الغلطان وهو اللي مفروض يستسمح لكن وش ايقول الواحد الله فوق وموجود وهالنوعية ممسوحة من خانة الرجال والله ينتقم من كل رجال مأذي بنية

أخاصمه اشوي

الأول كنت اخاصمه

الحين نتهاوش من صوب ونتصالح من صوب ثاني ونروح السينما بعد خخخخخ
ليش الخصام ماله داعي
احسبوه اختلاف في وجهات نظر
احسبوه زعل ابو دقيقة وينتهي
ايا كانت المشكلة الخصام يزيدها وينفر القلوب وما يأدب او يرضخ اي طرف للثاني
ماعلى الهدوء والسلام ومحاولة تجنب الإختلاف ومحاولة التقرب من الطرف الآخر لأن القوة والسعادة تكون بالتفكير العقلاني
قد تكون المشكلة چايدة وعويصة وتحتاج الى بُعد من الطرفين وقت الشرارة ولكن ليس الخصام
دمتم بحفظ الله ورعايته

أفضل حل

ما ليها الا العقال يقطع ظهرها لين ما تصير آدمية

بل بل بل . وحش كاسر انت ام حيوان فاجر ؟؟؟؟ الزواج نعمة رحمة ِ و سكن تخلع غبه كل مشاعر النقمة و الحيوانية و الهمجية ِ

هههههههه يا متوحش ههههههههه انزين وبعد العقال ولمتى العقال اذا بتظل عايش بالعقال يعني لا انت ولا هيه مرتاحين انفصلوا افضل اذا وصلت للضرب العنيف الحل الافضل الانفصال

ماهي رجوله ترفع العقال على زوجتك الجوله والحكمه عند زائر 14 الله يهينهم اقر تعليقه

هيه يبي ليها عقال اذا خاصمتك وانت وش يبي ليك اذا خاصمتها ؟يا سجن يادار المجانيين ..

انته من النوع اللي يزمط قدام الناس .. عقال وهوز ووووو .. واذا جيناك فالصدق ..وهي تكفخك بس تبرد حرتك فالكلام هني

لا أبد والله إلا الخصام أغلط تغلط ممكن لكن ما توصل للخصام واعتقد الا توصل وياهم للخصام ويش يصلح الحال حتى لو انتهى الخصام يبقى في النفس شي

يعني هونتها انت الحين اغلط وتعلط بس ما نتخاصم لو متخاصمين ساعه وساكتين عن بعض افضل من الخصام احياناً السكوت من ذهب

بالعكس الخصام والسكوت عن بعض لمده افضل من الغلط لان الغلط هو الي يخلي في النفس شيء مو الخصام الخصام عباره عن تهدئة

اي اخاصم لين اموت

الخصام ملح الحياة ، نعود بعدها مثل عرسان جدد

..تمرد النساء على الرجال سببه الحكومة الي سمحت للمراة ان تعمل وتسوق سيارة وان تخرج من المنزل من غير محرم..اتمنى من الحكومة اصدار قانون يرجع لرجل هيبتة بسحب جميع رخص السياقة من النساء واستبدال وظائفهم النساء برجال ومنع خروج المراة بدون محرم وخاصتا المجمعات والمطاعم

كل الي تبيه بنسويه مو مشكله ههههه , تقدر تصرف علينا وتدلعنا وماتخلي علينا قاصر؟
هذا احنا بنقعد في البيت وبنطبخ لك

حقود

ليش حﻻل عليك وحرام ع المرأة

هههههههههههه..شكرا على الضحكة الصباحية ..

انت في كل موضةع كتبت هالشي كوبس بيست يبو هيبة ، في بيتك لا تخلي مرتك تسوق وخلها تغلك دريول تودي وتجيب واصرف عليها في كل امور حياتها من الالف للياء عشان هيبتك ما تروح يا رجال

تقدر تروح السعودية و خذ راحتك هناك انت بمحرمك باقتراحاتك الكشخة!!!!

قال سحب الرخص

ههههههه روح عيش في السعودية اخر زمن ومن متى البحرين صار فيها من هالاشكال ولدوني وتربيت من الصغر للكبر ما عندنا نفس هالتفكير ومن متى صار عندنا ناس بهالتفكير

ما شاء الله
للحين في ناس متخلفه .. عبالي خلصوا
...

احنا بعد النسوان نبي نقعد في بيتنا معززين مكرمين.. بس عطونا مصروف 400 لو 500 دينار بنقابلكم طول اليوم والبسمة على وجهنا..وحط لينا سايق يا الهيبة

اي اخاصمه ما اسوي له غدا ولا ريوق بعد انأم في غرفة وهو في غرفه ولا اغسل ثيابه مردة يبيني هو الي محتاج اني مو انا ولا اني قاصرني شي..عشان يتادب

حرام عليش بيموت من الجوع لا لا لا يا شريره بقول ليش شي واحد وحطيه حلقه في اذنش وركزي كرجال واعرف تفكير الرجال كل الي ذكرتينه عادي ولا بيفتكر فيهم ..

محتاجنش في ويش و انتين مو محتاجتنه ترى كل واحد محتاج للثاني وبكره لين تزوج عليش ضربي على راسش وقولي هو المحتاج مو أني

و الله لو انا مكان زوجك ضعيف الشخصيه جان الم كشك و اصطارات على راسك لين اوصلك بيت ابوك و ايودك و اخذفك ليهم من الباب و لا تشوفيني ثانيه .. لا تفكرين ان مل الرجال مثل زوجك الخيخه .. المغاسل موجوده المطاعم موجوده الفنادق موجوده للنوم او المبيت .. مالت على ها الريال اللي متزوجنك

إذا بردت قلبي ليش اخاصمه بعد !!

اقول ليه كلشيي في خاطري بس احاسب ما اجرحه حتى ما اندم وبعدين خلاص ما احتاج للخصام هو يسكت جم ساعه ويرجع

رد على الزائر 64
هههههههه.... احلى وقت للتصالح

البساطة
في بداية الزواج يكثر الخصام ، بعد10 سنوات وأكثر يتعلم الطرفان طباع بعضهما ، والفطين فيهما من يتجنب مايثير غضب الآخر ، وعلى كل منهما الاحتفاظ بالهدوء وقت المشكلة ، و الخصام ليس بحل ، الحل هو بعد أن تهدأ النفوس ، يناقشان الموضوع ويعتذران للبعضهما.

الصراحة احبه حتى لو هو الغلطان واذا زعل مني تسود الدنيا وما فيها بس احب هو اللي لازم يبادر لي ويسامحني