والله في رجال خرفان عند زوجاتهم ومن ظمنهم اخوي والمشكله قلبته علينا وعلى امه وصار يغلط على امه ويصارخ عليها ومرته حبيبتي عمري تعالي لدرجه ان امه تنظف اوساخه و ااوساخ زوجته

انا عن نفسي دخلت واعتبرتها امي وخوانه وخواته اعتبرتهم اخواني وخواتي وقدمتهم على اهلي وخدمتهم وحبيتهم ولكن للاسف مايستاهلون واللي يعيش حالتي يعرف وما اقول غير حسبي الله عليهم

لو العمات يعاملون نسوان أولادهم نفس المعاملة ما بتصير مشاكل

عن نفسي كنت ازعل منه لي يهاوش امه مع انها ماكانت تشتهيني بالمرة لاهي ولابناتها ... كل يوم تسوي لها سالفة مسوةيني خدامه عندهم بناتها متزوجات وكل يوم يجون , تدخل بكل اموري وكله كان اتردد علي لاتحملين , تشوشوه مايودينب عند اهلي الا بشهر مرة وساعتين بس ويرجعني ,حتى حجرتي تدخل علي بدون اذن هو يصارخ عليها وانه اتهاوش وياه اقول ليه موزين هذي امك حرام , وبالاخير خلته يرميني بالشارع ويطلقني ولمن راحو اهلي ليهم طردوهم وطلعت وراهم تكسر قدو وتدعي علي ,

جم عمرش بخطبش

ولله الحمد صحيح ان في بعض المشاكل بيني و بين عمتي لكن زوجي ولله الحمد بار بامه و لو انه قصر عليها بشي و حسيتها متضايقة حتى لو اني كنت مقهورة منها فيوم من الايام الا اني اقول اله لا تخلي امك ولا تزعلها و عساني اقصر ع نفسي و لا تقصر عليها... و الحمدلله

رحمك الله يا عمتي

عمتي طيبة وتوفت الله يرحمها

سوسة عمية اتخرب كل شيء حتى على حبل الغسيل سوت بلوة ناقصة عقل ودين

والله اني من رايي خلو الام في حالها والزوجة في حالها ولا تتشكى الام ان زوجة ولدها قاطعتنها ادا بتضايقها وبتعكر مزاجها يكفي الحياة ومتاعبها ومو مجبورة الزوجة تكلف على نفسها وتفرض على روحها شي ماتحبه وولدها ادا تبيه خله تاخده احسن فكة

تصفيق صح كلامك

مو في كل الاوقات تكون الزوجة هي السوسة .. احيانا العمة تكون السوسة والي تشوش ولدها على زوجته وتتدخل في حياتهم
والله هالدنيا مقلوبة ساعات تجوف عمة مسكينة في حالها و زوجة ولدها قشرة وساعات بنية جاهلة ومسكينة وفي حالها وتطيح عند عمة شيطانة وغيورة ومتسلطة

الحل هو ان الرجل يكون وسط

سوسه اضربها فليييت

عندي اخت الله يهديها غيرت زوجها على أمه وخواته اليتامه من بعد متوفى عمها لعبت في حسبتهم حسبه حتى تتفاخر قدامنا وش سوت فيهم وهم نايمين كتت عليهم ماي مساكين وبعدين اشيش زوجها عليهم خرب علاقاته مع إخوانه لدرجة الحين يازعم ادور ليها بيت على الرغم كانو قبل عمتها تفضلها على بناتها وأمي من بدل ماتنصح في اختي تتقي الله تسكت عن الموضوع على الرغم اختي غلطانه ساعات تسب أمه قدامه وهو باسم الحب يحبها عنده عادي هو اصلا مو ساكت لله اكيد صايده عليه شي ويخاف افضحه استغفرالله

هذي مو سوسة.. عقرب وحية
والله بينتقم منها، وبيراويها في اولادها
ومثلما تدين تدان
بروا آبائكم يبركم أبنائكم

اي فعلا بالدليل عيالها اسووون لها مثل ماتسوى قبل ماتتزوج أمي بعد أتخاف منها ولا عاد يوم اشتغلت قامت تتعنتر علي وعطتني كف في حزة الفطور قدام زوجي .

هذه السوسة يوم من الأيام ستكون أم.
في نفس الوقت الزوج يجب عليه التحكم بالحكمة، يعني مو يتهور ويطلع عشان أمه مو عاجبتنها شكل الزوجة و في نفس الوقت مايخلي زوجته تعفس عليه حياته العائلية (مع والداه)، موفقين أجمعين والله يصلح الأمور.

الحمدالله متزوج ثنتين وثنتينهم ما يقصرون وي امي ولا امي تقصر عليهم ..(صلو على النبي)

تبارك الله، الحمد لله انا متزوج اربع ووحدة باليد ولا في مشاكل ولا ووسوسة ويحبون امي وهي تحبهم والامور طيبة .

عليك بالعافية تحمل فيهم

وأنا متزوج أربع ... والحمدلله خادمين أمي وبدون مشاكل، ...

شكرا الوسط على المواضيع المهمة .. انا طلقت والسبب مشاكل زوجتي مع امي .. وحاليا مرتاح .. امي جنة لا استطيع ان اراها حزينة بسبب " سوسة "

اذا الزوجة سوسة البيت لا يهدأ من المشاكل ....

اسوأ الصفات في الزوجة افتعال المشاكل ووضع سيناريوهات من الخيال و تخطط للتخريب و تفرح اذا شافت زوجها وقف معها و انحاز لموقفها و نسى الام و الاخوات و الاخوان و يوجد الكثير من الأمثال الشعبية البحرينية في هذا المجال ...

ان كيدهن عظيم. اجوفهم اشكره عقارب والام لا حول ولا قوة. لكن كله من الزوج الخروف يصدق زوجته بأسم الحب

والله الاصيل لا بتغيره زوجه ولا غير زوجه .. هذي امك جنتك ونارك والله لو ويش يصير المفروض ماتتغير عليها ، زوجي الحمدلله يحب امه واجد وحتى لو اني خبيثه فرضا وبحاول اغيره عليها لااايمكن يتغير!

للأسف أخواني كلهم نسو امهم و ابوهم و نسونه بسبب زوجاتهم الي تربو في بيوت الحقد و المشاكل

المراءة تتمادى على اهل زوجها اذا كان الزوج عطاها الضوء الاخضر
الزوج الرجل الاصيل الي يحب اهله هو الي يحط الخط الاحمر لتطاول الزوجه وما يصير خروف وخيخه بيدها
وانا اقول احترام الزوجه لاهل زوجها تابع لاحترام الزوج لاهله
واحيانا يكون الزوج عاق بوالديه وزوجته ارحم واحن منه وهي اقرب لاهله منه
يعني الزبدة الرجل اذا عاق ما يحتاج سوسه تشوشه اهو اساسا سوسه

نعم الطلاق الحل الأوسط ان لم ترجع الزوجة عن ما تفعله من تخريب ، للأسف في وقتنا هذا اغلب الزوجات سوسة في مل أمور الحياة ، بالنسبة لي شخصياً مطلق و السبب نفسه التخريب و المشاكل ، استعجب من زوجة هدفها التخريب و التشويش بدل من تتابع واجباتها و أمورها الأسرية ،،، يا مكثرهم زوجات السوؤ ها الأيام !! و الحمدالله رب العالمين أعيش حالياً اعزب و اعتني بوالدتي الله يطول في عمرها إن شاء الله ....

الى الله المشتكى في الشدة والرخاء
الله يهديش ياام ركبه سووووده

من قلة الادب و الاحترام ان تخرب الزوجة بين الابن و امه ف فالوقت الحالي تتعقد بعض النساء بأن معاداتهم لاهل الزوج و الدخول بين علاقة زوجها مع اهله حل لها و لكن لا تعلم بأن هذا يعكس عليها ويهدم زواجها .. فأن حبها لزوجها يعني احترامها وحبها لامه .. و كره الزوج على الزوجة بسبب قلة احترامها و حب امه . و الذي يبيع اهله عشان زوجته مؤسف تعب السنين عليه و تربيته و مؤسف على كل امراة لا تعرف الاحترام .. ف احترام المرأة لام زوجها يعكس من اخلاقها و رقي تربيتها ف بالنهاية ام زوجها تكون امرأة اكبر من عمرها

في ناس معترضين على الموضوع ليش؟ في من هالنماذج وايدة بالمجتمع والغلط كله يكون على الزوج لانه يسمع لزوجته بالغلط بالنسبة لي ياما مشاكل صارت بيني وبين ام زوجي اهي تراها نص سوسة بس انه عمري ما حرضت ولدها عليها او قلت له قاطعها صارت مشاكل انه اهو صار يقاطع امه وما يروح يزورها بس انه وأعوذ باله من كلمة انه ما ارضى بهالشي عيالي لين كبروا بيسوون فيني نفس الشي واقول له حتى لو امك غلطانه هذي امك ولازم تروح لها انه مو لازم بس انت محتاج رضاها. المهم بالاخير الله يهدي الكل ان شاء الله

في ناس معترضين على الموضوع ليش؟ في من هالنماذج وايدة بالمجتمع والغلط كله يكون على الزوج لانه يسمع لزوجته بالغلط بالنسبة لي ياما مشاكل صارت بيني وبين ام زوجي اهي تراها نص سوسة بس انه عمري ما حرضت ولدها عليها او قلت له قاطعها صارت مشاكل انه اهو صار يقاطع امه وما يروح يزورها بس انه وأعوذ باله من كلمة انه ما ارضى بهالشي عيالي لين كبروا بيسوون فيني نفس الشي واقول له حتى لو امك غلطانه هذي امك ولازم تروح لها انه مو لازم بس انت محتاج رضاها. المهم بالاخير الله يهدي الكل ان شاء الله

النصح ثم النصح

على الزوج نصح زوجته بالحسنى واذا هي تحبه تتقبل النصح الحياة مو كامله فيها اغلاط وفيها مشاكل بس الإنسان العاقل يعالجها بحكمة مو بغلط ...

ماتزوجت بس حسيت بقيمة الام لما امي مرضت وفعلا ماتتعوض اكيد هللتجربة خلتني اقدر اكثر

زوجتي السابقة حاولت تخرب علاقتي بأمي الله يحفظها وفي الاخير خليتها تقعد في حضن امها لا بارك الله فيها

أمي خط احمر كبييييير بحياتي .. ماتقدر لا زوجتي ولا حتى اكبر مخلوق بالدنيا يغيرني عليها
رغم محاولات زوجتي في تقلل زياراتي لأمي وحتى الجمعه المخصص للغدا وي الوالده حاولت تمنعني ب عده طرق
الا ان وقفت لها وقفه صريحه وقدام اهلها .. قلت لها تبين تشوفيني مستانس ؟! وتكون حياتش سعيده ؟ بشوفه امي بس
واذا حاولتين لمجرد المحاوله تقللين شوفتي لها .. فما بكون اي خير لي ولش ب زواجنا ومن يومها وهي تمشي معاي مسطره
الزوجه ممكن تتغير وتلقى الاحسن .. لكن أمك من بديلها ؟؟! ولا اعظم مخلوق بالكون يكون محلها

زين اتسوي

اوافقك الراي

أني بنية في زوجات متسلطات واصحاب مشاكل ويفرقون بين الام وولدها وفي العكس بس عن نفسي اهل زوجي يتدخلون في كل شي حتى اللبس يحرضون أخوهم علي وعن امي تحب زوجات اولادها بس هم نكارين الجميل وامي تطبخ الغدا ليهم بعد

والله الرجال مفروض يكون حكيم يدفدف من صوب الزوجة لإرضاء أمه طبعا تاج راسه.اعرف شخص في حزازيات من صوب الأم حق زوجته صار الرجال ذكي يعني ما يرضى لا على زوجته ولا أمه صار يمدح زوجته قدام أمه ومن ناحية الزوجه بعد تسمع كلام زوجها انه تكون همزة وصل على الرغم في عمات ينحطون على الجرح وفي زوجات فعلا يحبون المشاكل أساسا الزوج ساكت. .وفي رجال يادافع البلا أخلاقه سيئة قبل ولما أخذ الزوجه يتعنتر عليهم عسا ماكان زب دخله ولا ياخروفي قودني

6

ليش اللوم على الجريدة هذا شي واقعي

زوجي يعتبر أكثر واحد من أولادها اللي يبرون بها
وهذا أكبر سبب خلاني أوافق عليه
وهو يبديها عليي في كل شي واني راضية
وإذا قصر عليها أني ما أرضى
يقصر على غيرها مو مشكلة
إلا هي ما أحب يقصر عليها
تستاهل عمتي

الزوجه تغار من الام و الاخوات

بس ماتفكر ان زوجها ربته هالام وهالاخوات شالوه ولعبوا معاه و اكلوا وشربوا ولهم ذكريات مع بعض و اهي اخذته بعد ما كبر يعني ما عندها مخزون الذكريات اللي اهم عندهم معاه هذا غير انهم لحمه و دمه

المضحك في التعليقات ان حتى السوسه تستنكر فعلها وتدم فيه

ما يحسون على روحهم
ودائما يتمسكنون عشان الناس تتعاطف وياهم

بويش اداويها حتي تبر ربيت وتعبت وضحيت وزوجت وحتي زوجتهة عطيتها سياره ودهب عاملتها حالها بنتي حفرة لي حفيره كبيره كرهت ولدي الوحيد في لحد ماقال لي انت صرت زوعه بحلقي ولاطبين لولادي فوق ويوم دارة الليام عليها ومثل ماعمل في رجع عليها وقلت لها الحفره دي بطبين فيها رجعت سامحيني وتبكي ولدي ماقدر اطالع بوجه من كلمته لي انت زوعه ظحيت كثير عشانهم وصبرت الحمد لله بعد ماقدر بعد قمت البي طلباتها وطلبات اولادها بعيد عن عيون ابني لان مقهوره عليه يارب ساعدني ع هالامتحان الصعب

ممكن تتكلمين عربي لو سمحتي .. كلامج كلمات متقاطعه ,, كانج تقولين لغز

هههههههه كلمات ماش لهجه غير ههههههه

يطلق الزوجة

ما في احد يخرب أحد الأم مكانه محفوظ الاى اذا هو ما عنده شخصية هذا شي ثاني

الحمدلله رب العالمين
انا بخير واجد والله يهدي الجميع ما شاء الله ما شاء الله عيني عليهم باردة الموظفات اللي وياي انا وزميلي ما يتكلمون عن عمتهم الا كله ........ يعني مشخال بيت الزوج في العمل ههههههههههه ولا مشاعرهم عن عماتهم ما يطلعونها الا عند النسوان ... ما أقول الا الله يعين اللي امن عليها سره و حياته بصراحة ما تستاهل ...

أتمنى من جريدة الوسط لاتطرح مثل هالمواضيع لان تسبب مشاحنات بين القلوب وبتصير الجريدة بكبرها سوسة

ولد زويد

يجب طرح هاي المواضيع ونشكر صحيفة الوسط البحرينية على ذلك ولي مو عاجبه الموضوع أو الي يشك انه سكان في يد زوجتة لا يعلق

الهروب عن الواقع ليس حلا للمشكلة

زائر

والله ساعات الأم هي سيب المشاكل لزوجة الولد وهي عايشة مظلومة بين الأم والزوج ومسوينها خدامة للعمة ويهاوشونها ويهدرون عليها وهي ساكته وتخدمها من أعيونها ولا يحسون فيها لا العمة ولا بناتها ولي مرضت الزوجة ما يسألون عنها ولا عن اعيالها ولا يخدمونها يودونها بيت ابوها

الحمد لله الذي بنعمته تتم الصالحات

عشت بغرفه بيت عمي الفريزر علي باب غرفتي من الضيق استعنت بالله وصبرت وصرت لعمتي بنت قبل أكون زوجه لولدها وربي وفقني بدراستي وعملي واولادي ولله الحمد من نجاح لنجاح ماشاء الله ولاتنسون العاقبة للمتقين اللي يتقي الله في حرماته وعباده يجعله في اعلي عليين اياكم وظلم القربي والصبر علي الاذي ياحريم وتكسبو النتيجه

حتى لا تكون سوسه
ما ان فرغنا من عقد قران ابنتي حتى جلست معها و لقنتها الوصايا العشر لتلك الاعرابيه التي تقول احداها, ابنتي انكي فارقتي بيتك الذي منه خرجتي و عشك الذي فيه درجتي الى رجلا لم تعرفيه و قرينا لم تألفيه فكوني له امة يكن لكي عبدا

لن نركع الا لله

تشوشني على أمي ؟!

اللي يعق أمه علشان زوجته أقول ليه أمك ما جابت رجال ، الام يجب أن توضع وسط العين ولا يفي حقها و أما عن الزوجة اللي تشوش انا لو تشوش بيني وبين امي بيكون عندها خيارين أما يكون آخر يوم ليها في بيتي أو آخر يوم ليها في الدنياو القرار حسب الموقف

الحمد لله ام زوجي امي الثانيه

امي وعمتي تاج راسي لا استبدلها بالملايين مصروفها الشهري وهديتها وكل حركه وكل حاجه لامي هي بنفس الشي لافرق بينهما ابدا الله يخليهم لي ويحفظها وعكس زوجي يشتري كل شي لامه ولايذكر امي حتي بعود كبريت بس مو مهم اهم شي أحب أهل عيالي وربي يطول لي عمر الغاليات امهاتي ثنتينهم ( بكره عيالي تكبر وتصير حريم عيالي مثلي ان شالله )

اووووو يا كثررررهم

الرجال الي يتابع زوجه على امه هذا مورجال مهما تبلغ الزوجه تبقى زوجه اما الام لالالا الكل يوقف هذه ريحه الجنه في تراب ارجولها انا صراحه اتخاصم ويا زوجتي ايام وشهر لكن الام لا لالا انامره امي عصبتني وماحجتني رحت ديك اليله ونمت في حضنها وصحت وضحكت قالت بس خلاص روح نام وي زوجتك سامحتك ونمت الى الصبح الله النوم ويها غير كلحين اتغطيني وتقول علا البرد فيني موفيك امهما تبلغ الزوجه تبقى الام مقدسه الله يرحمها

اللي تشوش زوجها (ولد) على امه تحفر لروحها حفرة وهي اللي بتطيح فيها
احبش عمة يا أمي وأم زوجي وام اولادي الله يطول بعمرش يام السادة يابركة البيت ونوره

عجيب
احيانا تكون العمة والحموات اللي يشوشون الزوج
ويزنون عليه ويخربون بيت المرة
مو العكس... هم يبونها الشغالة مالتهم واذا ما قبلت تكون موزينة ... يقبلون على بنات الناس ولا يقبلونه على بناتهم
الله يسامح الجميع على اللي سووه فيني

شكرا الوسط على هذا الموضوع ، رأينا اشكال كثيرة لهالاوادم الي تنجر ورا آراء زوجاتهم بدون عقل وتفكير ويكون عاق لوالدته او والده ، والسبب يمكن خيابة الزوجة ، الام تبي ولدها يتزوج حق يستقل ، تجيك الزوجة تقعد من النوم الظهر ولا تشيل ماعون ، همها زحير وهياتة ، واذا تكلمت الام عن هالموضوع صارت الام مو زينه ، والزوج تشوشه مرته ويهاوش امه الي ربته وتعبت عليه وتوصل المواصيل للخصومة ، الام ما تتعوض ، الزوجة لها احترامها اذا ما تعدت خطوطها الحمراء بالتهجم على الام

اسمع الزوجة مو مكلفة في أمك عليها بس تخدمك ما تخدم أمك انت ألي مسؤول عن أمك مو زوجتك

صح كلامك بس الام العاقلة المفروض ما تدخل في حياة ولدها بطريقة سلبية وتحريضية زوجته خايبة الى نفسها هي الخسرانة ليش اتحجى واسبب مشاكل وحزازيات بعدين حتى احفادي يحطون في خاطرهم علي ويقاطعوني

احيانا تكون الزوجة سوسة و احيانا ام الزوج سوسة ....

المشكلة في هذا الزمن الطيب و اللي اخلاقه عاليه و راقيه مع الناس تروح عليه و تدمر حياته ... لان هناك اشرار و لا يتمنون الخير و السعادة للغير نعم هناك نساء خبيثات جدا مع اهل الزوج و هو شخصيته ضعيفه تهمه الزوجة بالدرجة الاولى و ينسى الاهل و الام التي ربته و لا يزورها او يسأل عنها و هناك زوجات تعامل العمة مثل امها و اكثر و هناك عمات و حموات دمروا زوجات و اوصلوهن للطلاق بسبب الحسد و الغيرة و الحقد و الأمراض النفسية و الزوجة من رأيي لا تسكن مع اهل زوجها بل تسكن لوحدها في شقة افضل لها و ل صحتها ..

كل المرة والمرة وام الزوج ملااك منزل سمعوا قصص الناس وبتعرفون من السوسه في الموضوع حتى الا كافين خيرهم من شرهم مو سالمين من أذى ام الزوج

أحب عمتي

احب عمتي من حبي لزوجي والله اعاملها مثل أمي...وينقص لساني لو أقوم وأخرب علاقته بإمة عندي ولد وأخاف يسووي ليي بعدين مثل ماسويت...الله يطول بعمرها ويخليها كفاية عطتني أكبر هدية وهو زوجي

بعض الردود القوية تبين عدم قدرة الناس على مواجهة عيوبها وتصحيحها. وهذا دليل على ظلم الناس بعضهم لبعض. عحبت لمن يطلب اﻹصلاح في الخارج ولا يقبل إصلاح نفسه.!!!

أمك
أمك
أختك
أمك
وأني ما لي حق عندك
الحق موجود
لكن الغلطة كبيرة
والعاطفة هي اللي خلت الغلط يستمر
يمكن تصير مع الوقت زينة كلام فاضي
الأعوج أعوج
سوء الظن
الحسد
المقارنه
الشك
والقائمة تطول
والمحنة مستمرة
والحلول معدومة

وإذا كان العكس أم الزوج هي السوسة على الزوجة لتحريض ولدها على زوجته

اهي سوسه

وهو شنو
شرابة خرك لو شسالفه
وش هالمواضيع وكله ضد الزوجه
ليش ما تتكلمون عن الزوج السوسه لي يخرب علاقة زوجته بأهلها ويخليها تقاطعهم والا يطلقها ويرميها هي بجهالها
أو السوسه المنافق الطماع البخيل لي ياخد فلوس زوجته ويتحكم براتبها
في نماذج واجد للأزواج السوس
شمعنه المره يعني في كل مواضيعكم
مره ما تحب أم زوجها
أم ماتحب مصلحة بتها
زوجه تسوق وتشتغل وشغل المره ولين كتبتون عن الرجال قلتون مثنى وثلاثة وهم منتفين
أنزين لو الزوج مريض وعقيم وحالته حاله وش تسوي الزوجه تصبر لو تتطلق

فعلاً لاحظت هذا الشي
مواضيعهم مافيها "عدل"
دائماً هجوم على المرأه ، من كل النواحي

اي والله معاك حق أوافقك الرأي وأعز صديقاتي كانت ضحية زوج انتهازي ووصولي وبخيل وطماع أخذ فلوسها وبنى بيت باسمه واستغلها اسواء استغلال أهية تتعب وتربي وأهوه يكمل دراسته لين ما كمل وحسن وضعه راح تزوج عليها . هذي قصة وحدة وياما في قصص غيرها .. خلفكم منصفين في طرح مواضيعكم ..

اكثر الزوجات سوسه او سوسات ما ادري ليش يحبون يخربون بين الزوج وامه يحبون يشوشون ويختلقون مشاكل

*
بعض الاحيان المراه ما تشوش الزوج على امه ولكن امه عقربه تدخل بكل شي وتسبب مشاكل فالمراه بتسكت مره مرتين ثلاث لمتى اخرتها بتقطع كلام ما يعجب الام و شوي شوي راح تبعتد الزوجه وتبعد عيالها عن هالام وبالتالي الزوج دايركت بيبتعد

تبي زواجك اصير زواجك ناجح خل علاقة زوجتك بامك أفضل ما يكون بتحس براحه نفسيه مو طبيعيه

كل المسئولية تنبع من الزوج , حيث من البداية الزوج يكرم عائلته وعدم الرضا عن اي أذية من البداية وتوقيف الزوجة عن التمادي , الا اذا الزوجة حقا سوسة .

نفسه اهو عاق لا تقطونها على المره. والافضل ان تكون لكل مرأه بيتها الخاص وتاخذ راحتها في الطبخ والتنظيف وتربية ابنائها واستقبال ضيوفها ويحق ليها تفرش بيتها مثل ماتبي لانها طول عمرها فيه......اكبر غلط البنيه تسكن مع اهل زوجها،، هم بناتهم مايتحملونهم الا الغريبه بيتحملونها

مو دايم الرجال يقولون المرأه ناقصه عقل اذا هي ناقصه عقل ليش يمشي وراها من فيهم الي ناقص عقله???

زائر ١١ اتفق معاك

الرجال اللي بسهوله يتشوش و يهاوش امه و خواته علشان زوجته هذا ناقص عقل وخروف

اساساً كل النسوان سوس بشكل او بآخر

هي سوسة وهو خروف
عجل يخلي وحدة لاراحت ولاجت تخرب علاقته مع أمه وخواته وأهله؟
طلقها لابوها لابو اللي جابها غيرها ألف

ويش هالالفاظ
السوقية.... عجيب روح اتأذب بعدين علق

....انا عندي أخو أسلوبه وقح معانا وبالاخير حصل له زوجه مثل أسلوبه وينقل حجي وبالتالي سوا فتن بينا وبين زوجته بسبب تنقل الحجي الحين في هالزمن صاروا الرجال السوسه يدخل في شي ما يخصه

انه رجل بس ماعمري سمعت بزوجة تخرب علاقة زوجهه بوالدته يالوسط يعني هالموضوع يسبب مشاكل من لاشيء

ولد زويد

كل من له رائي
هذا واقع نحن نعيشة ويجب القضاء علية مو لازم تقرء صحيفة الوسط لين مو عاجبك

عمرك ما سمعت!!!

زوجة اخوي اذا اتشوف عندنا في البيت لمة اهل و فرح تتضايق ولازم تشوشه و يجينا البيت و يصارخ و لو الود وده يمكفخ الاولي والتالي و يقاطع امه مايزورها بالشهور

كما تدين تدان

الحل هو ....
ان على الزوج ينصح زوجته إن التصرف بهده الطريقه ﻻ يرضي الله سبحانه ..ﻷنه ظلم الناس او ام الزوج لها في المستقبل عواقب وخيمة وسوف تعامل من أوﻻدها بنفس المعامله وبيظلمونها لظلمها للآخرين باﻻضافه لعقاب اﻵخره فالظلم له عاقبه وعقاب وحتى ﻻ تندم حيث ﻻ ينفع الندم.

وبعض الأمهات مايخلون سوالفهم وهذا احنا صابرين وساكتين .... تقولين لولدها ليش شيسوي في النهايه امه
يعني مالج الا الصبر .... ولين حظج حلو تتوفقين في امه ????

الله يرحمها عمتي
من تزوجت وام زوجي متوفيه حتى زوجي ما شافها لانها اتوفت وهو صغير
رحمه الله عليها

يالوسط فالحين في التشويش. من الملاحظ ان أغلب المواضيع التي تثار فيها فتنة بين الزوج وزوجتة. ما ندري شنو الهدف من اثاراة الزوج وام الزوج بهالمواضيع التافهة. قيل وقال.

واقعيه

مواضيع نعيشها ونشوفها وليش زعلانه يمكن الموضوع يعنيش يعني ههههههه الظاهر منهم انتين

صح كلامك , هناك مواضيع حقا علينا أن نجد لها حلا مهمة بحياتنا .

والله واهو الصاج

ليش الفتنة ...
انا شخصيا قمت احط بالي في هالمواضيع وادقق فيها بحياتي
رغم زوجتي مخلصة لكن ابليس!!!

ولد زويد

هذا ليس تشويش هذا واقع مر نعيشة بسبب لرجال الي صاير سكان في يد زوجتة .
وإذا مو عاجبك ...ما تجبرك على قراءة الأخبار دور لك على...من النوع الي تتطبل

هي سوسه وهو شنو !!!

ليش ماعنده عقل ولا تفكير يوقفها عند حدها وإذا ما فاد فيها النصح والكلام يرجعها بيت ابوها تتربى من جديد

ما عنده عقل

انا كان الرجل لا رجوله له فانه لا عقل له

معيار قبول اعمال الرجل هو رِضا امهِ عنه
و معيار قبول اعمال المرآة رِضا زوجها عنها فلا صلاة و لا صوم لمن تؤذي زوجها ، و اذا كانت تعمل على ان يعقَ الزوج امه ، فهي بهذهِ الطريقه سحبت زوجها معها في النار و بئس المصير

احترام العمه من احترام وحب الزوج بمعنى اخر لو فعلا اتقدس واتحب الزوج انجان احترمت والدته

احيانا التحريض مو بس على الام احيانا الام و الخوات وكل العائلة تسلخه من جلد وتخلي عائلتها هي عائلته وبس
علاقة خالي بأمي جدا طيبة وخالي على طول يزورنا ويسأل عنا فجأة قطعنا وما قام يزورنا بعدين عرفنا ان زوجته مانعته ليش ما ندري اساسا هي لحد الان تكلمنا طبيعي وتأخذنا بالاحضان كل ما شافتنا يعني تحرض خالنا علينا من تحت الى تحت ليش ماني فاهمة

بالنسبة ليي عمتي ماقصرت عليها في شي واحترمتها واحترمت حمواتي وحتى كانو انامون في شقتي في اول زواجي ومايخلون غرض مايستخدمونه حتة اغراضي الشخصية اقعد من النوم مااعرف اتحرك متسدحين ليي في الصالة وغير اكياس لجباس والحب الشمسي وغيره مفلت حتى مايشيلونه اطبخ ليهم واحط الغدا ولاوحدة تساعدني يعني بذمتكم وحدة توها 10 ايام من زواجها وفي شقة بعيد عن بيت عمها بس في نفس المنطقة وهذي حالتها ويوم تكلمت كلهم قطعوني الام والحموات والحميان حتى نسوانهم حتى بيتهم طردوني منه وولدهم واقف اياهم ضدي.

ولد زويد

الحل بسيط جدا
يشوت زوجتة خارج البيت ويخليها معلقة بسبب هذا التصرف الغير أخلاقي .
عجل تبي تفرق بينه وبين أمة هاذي عقربة مو مرة وعقب تطليقها يجب التشهير بها عبر مواقع التواصل الإجتماعي لتكن عبره لغيرها من البنات هاذي نبع الحنان الي ظفرها يسواش ويسوى طوايف اهلش

البساطة
نحتاج لورش عمل قبل الزواج تعلم كلا الطرفين أهمية توطيد العلاقة مع أهل الزوج وأهمها العمة وكيفية التعامل معها فهم نوعان أم عمة محبة وأما عمة صعبة ، وتلك لايمكن تغييرها لكن زوجة الولد عليها مدارتها وتحملها ، للزوج دور كبير في احتواء المشاكل إذا كان ذو شخصية حازمة .

يعني الزوجة لو آذت امها واهلها وصديقاتها عادي؟ أهم شي تعبد زوجها؟!

رجاءً العدل بين المراة والرجل ومانبي مواضيع هدامة اكثر من تكون مصلحة بسكم بدشون النار والسبة هالبلبلة كل يوم على المراة وحتى ان كان على الرجل بليز نطالب بمواضيع هادفة