بصراحه انا مصدومه بطريقة تقديم وتحديث البيانات انزين احنا قدمنا وحدثنا بس الحين احنا مسافرين شلون الطريقة وندق عليهم جم مره علشان التحديث ما يردون واذا ردو كل وحد يدزنا على مكان انا كويتيه وزوجي بحريني وايد انصدمت وخايفه حيل على الطلب اخاف يروح عنا ما في امان وتقديمنا في سنة 2009 شلون متى يطلع البيت وانشالله يكون البيت مستواه عدل واحنا بالكويت اللي يقدم الطلب عندنا خلاص مره وحده

إن الله مع الصابرين

اتصلت وما يردون وش انسوي حنا اله في الشغل ما يمدينا انروح كلشي بالنت اللحين بس هالديره فالحين حق عوار الرأس

حسبنا الله ونعم الوكيل ... وزارة متسببة وراعية مشاكل .. الحين متورطين ومو عارفين شلون يتصلون في المواطنين ؟؟

الان ببساطه اجعلوا قناة الكترونيه والكل يحدث بيانات وارقام اتصاله يحدثها بلمسة زر دون الاتصال بكم او التقاطر على ابواب الوزارة من مكتب الى مكتب وكأننا طرارة او همج رعاع تذلونه ويعطل الكل اعماله ويروح لكم ...

من كم يوم اتصلت احدث الارقام يمكن صار لي نصف ساعة اتصل ويوم ردوا علي قامت كل موظفه تفلعني على الثانية طفروني

انا الصراحة كل ما اتصل للاستفسار عن الطلب يقولون لي انك على القائمة وعندما ذهبت شخصين للاستفسار قالوا وينك وين يبلك بعد كم سنة احنا للحين ماخلصنا مال التسعينات

نفس الحالة ههههههه الطلب مالي بس من 15 سنة هههههه

والله مشكلة أنا توني محدث بياناتي علشان علاوة السكن يعني كل البيانات موجودة..بعد روح وتعال واتصل
ديرة ضايعة

الحين ذلين حاطين رقم البدالة المركزي (الهوت لاين) نقعد بس رقع اتصالات ولا احد يشيله واذا تتصل عل رقم الوزاره المباشر تضيع في الطوشة ازيد، كل واحد يحولك على الثاني....

ذالين الاوادم حق وي كل المعلومات عندكم وفي ناس ماعندها وقت تروح وتوقف في الزحمه وتحدث بياناتها انا واحد عن نفسي مانه رايح وهالبيت ...ما ابيه اقعد في بيت ابوي معزز مكرم ولوفيها حليب حلبت.. وبياناتي تعرفونها مايحتاج اروح انقع في الوزارة كاني ..... عيب عليكم واتطورو شوي فشلتووونا

شحوال

يوم صار الدعم الكل تحدثت بياناته. وطبعا المستحقين للاسكان هم مستحقين للغلاء. واكيد ارقام هواتفهم مسجله بسمهم تقدرون تاخدونها من شركات الاتصالات

اين التطور

نحن فى زمن التطور جميع المعلومات اللى تبغونها تقدرون تحصلونها عبر البوابه الحكوميه ولا يوجد شئ يخفى على الحكومه الموقره

كل ما نتصل يقطع الخط ما ندري شنو المشكلة

لماذا الإصرار على الحضور الشخصي وأنتم تعلمون إلكترونياً هل الشخص مقيم في البحرين أم لا عن طريق حركة الدخول والخروج سواءً عبر الجسر أو المطار، وبالتالي يمكن تحديث البيانات بكل سهولة إلكترونياً بدلاً من البهدلة والحصول على مخالفات مرورية وأنت تبحث عن ملاذ آمن لسيارتك لكي تتمكن من زيارة الوزارة!!!

الكل لازم يحدث ؟

او بس اللي غير ارقامه ؟

تقريبا 10 دقايق على الخط ولا احد يرد

يا وزارة الاسكان الى متى السير على الطريقة القديمة الدول وصلت القمر وانتون الى الحين اتصلو حدثو ويش صاير افتحو موقع اكتروني وفيه مواعيد الناس يعني كل واحد يدخل الموقع ويشوف متى موعدها ولا تقولون ان في احد مايعرف لان يوم صار دعم اللحم الكل حدث بس عاد تعبتون الناس وكل هذة الطحنه على بيت استغفر الله صندوق مو بيت لا ومال سترة يعطونهم في الشمالية ومال الشمالية يعطونهم في سترة يعني عكس اعكاس

فيه الكتروني

فيه في موقع وزراة الاسكان تحديث الطلب

معقولة راح تحدثون 57 ألف طلب خلال شهرين بس!! زين ولي ما أتصلتون له علشان يحدث بياناته تلغون طلبه يعني؟؟شي يحير صراحة!!!!!!!!!!!!!

سؤال محير

ليش لازم يبون حضور الزوجة

الجواب

أشوفون اذا كان العقد صحيح او لا

جميع الخطوط مشغولة

ليش ما يتطورون ويصير إلكتروني

الله لينا

صار لينا اسبوع واحنا نتصل للوزارة ولا في رد علما بان بياناتنا صارة ليها سنة من تم تحديثها ولا اتصلوا لينا ولا شئ

لا بحدث ولا شيء

من الصبح احاول الاتصال ولكن لا رد ياترى معقولة كل هالموظفين مافي احد فاضي يرد ؟؟

مو بس إلكتروني

مو بس إلكتروني لكن الناس المغتربين في شغل او دراسة شلون يحدثون بياناتهم بهذا الموعد؟ ارجو من صحيفة الوسط نقل هذه النقطة !!

انا حصلت على وحدة سكنية ولم يتم استداعي لتوقيع العقد وللعلم ان الا وياي كلهم استلمو المفاتيح مع اني أسبوعيا اراجعهم ويقولون ليلي بعده فوق

اتمن ىتخبرونا عن قروض الاسكان ..كل مرة ما تمهل وتطلع… والحين ع حظنا وقفو لا حس ولا خبر