انا بحريني عمري 29 سنة
منفصل من بعد زواج دام سنتين تقريبا
عندي وجهة نظر في هذا الموضوع ، الزواج سواء كان من بحرينية او غير بحرينية هو نفس الشى
اهم شى لما الانسان يفكر ان يتزوج يكون عارف شنو ماخذ من قرار و يكون عارف ان الشخص الي بيرتبط فيه يناسبه من جميع النواحي و اهم شغله التفاهم و الانسجام يجي بعدين
و اذا كنت رجال صح بتعرف شلون تتعامل باسلوب راقي و تفرض شخصيتك و المرأة الزينه تحترم زوجها و تقدره
و انا انشالله راح اتزوج مرة ثانية بحرينية قريب
الفشل لا يعني نهاية الطريق

مافي على بنت البلد نفس التمرة، اصل وفصل ومنك وفيك، غير تاخذ الاجنبية ما تدري عن اصلها وماتدري عن ماضيها او ان كانت تشتغل تكسي وماحصلت احد يلوف عليها اجي انت الهبيلة تنصم ابها، تلك اصلي وادفع ، لا يغرك الوردي بيطلع ليك اغلى من بيع السوق، صج البحرينية طاحونه تحن وتزن ، بس صبورة وتقدر الحياة الزوجية وتربي الاولاد احسن التربية. الاجنبية لين استملت شردت عاد قبض الفار شحمه.

السلام عليكم
المشكله في الموضوع هو التكاليف الكثيره للزواج من البحرينيه
وليس افضلية الاجنبيه وعزوف بعض الشباب من الزواج من البحرينيه نعم لالنسبه الى تكاليف الزواج من البحرينيه كبيره الى الزواج من اجنبيه ولكن هل هذا هو الزواج
رواتب البحرينيين وخصوصا الشباب في مقتبل العمر ضعيفه ويحتاج سنوات حتى يستطيع ان يجمع هذه التكاليف ولا اعتقد بان الاجنبيه افضل وحتى لوكانت مسلمه

ليش تتتحلطمون اذا جنست اللحكومة وانتو كاعدين ادجنسون عبر الزواج

من حلاوة الزواج ببحرينية تمرمر عيشتك وماتوصل 50 سنه الاتمشي بسطل حبوب .. مهرها قيمه يخت وكل ما عندها ثياب والكبت لو تبطله تدور جاكيتك ماتحصلة من كثر ثيابها ... الاجنبية احسن واذا قالوا عنها كافره على الاقل تقدر النعمه مو الديناصور الي في البيت تحسسني انك فقمه صوبه من كثر اللعية

بنت البلد و بس

والباقي خس، اللي ياخذون اجنبيه محد يبغيهم في البلد

وساعات مافي مهر بالمرة !

نسيبتي ننتظر المهر ليلة العقد ، واللي يقول ليهم بعدين بجيبه ماعندي ، وليومكم هذا ماشافت مهرها شافت خيابته وسوء خلقه وعدم تدينه .

المهم

تخيروا لنطفكم فإن العرق دساس

ولكن ماذا عن العكس..

ولكن ماذا عن العكس..ماذا لوكان السؤال:
ماهو رأيكم في زواج البحرينية من أجنبي؟؟

ما بيقبلون بناتهم وخواتهم يأخذون غير ابن البلد او الخليجي لكن هم عادي يتزوجون الفلبينية والسورية والهندية واللبنانية

موضوع ممتاز
والله لو تلف الدنيا كلها ماتحصل مثل البحرينيه و الي يقول مشاكل و مصاريف ترا الحياه جذي يوم حلو و يوم مر لاتفكر انه انته عايش في الجنه .الاجنبيه ماوراها الا المصرف و عوار الرأس و لاتنسي بيعيرون اولادك بأنهم اولاد اجنبيه والي يتكلم عن الجمال ترا الجمال مو كل شي تحصل وحده جميله بس ماعندها اخلاق و تحصل العكس و الي يقول انه تصارخ عليه ياخي خلك شنب اذا شخصيتك ضعيفه لا تعمم الموضوع علي الكل البحرينيات ترا فيهم خواتكم و أمهاتكم

انا واحد متزوج بحرينية صار لي 15 سنة بس ضقت المر كله اصراخ علي و على اولادي وكلام وسخ بس تعرفت على اجنبية مسيحية وحبتني عططني شعور ماشفتة في زجتي وصلني الشعور الى الحب الحقيقي و الحين ابي اتزوجها ليش كله مناملت الزوجات البحرينيات

حبيتها

عاشرتها
عشت معاها م ت ع ة
المهم
انت اول واحد لو الف في قبلك وعقبك
روح مناك بس استريح

توكل على الله..

توكل على وتزوج المسيحية،وخل الأولى تدري بعد،وإذا موعاجبها،يا تنعدل ولا go

اكيد حاب ليك فلبينية

....

اللي ما يطول العنب حامض عنه يقول

محمد

انا رجال بس تفكير لرجال في الردود يضحك
خايف من مهر ومصروف وطحنه وحنه
لايكون متزوج تنام وتاكل وتشقح بس
قبل لاتجي تهر هني اول افهم الزواج
انته جاي تكون اسره شي طبيعي بتصرف وبتحصل مشاكل وبلاوي ثانياً دبحتون النسوان مهر ومهر
انا واحد دفعت 1700 مهر ومسكينه في تجهيز الشقه دفعته كله
وطلباتها شهرياً معقوله وحتئ لوبتزيد انا بعطيها قدر استطاعتي مو اكثر .
المشكله اذا تقعد ويا هالاشكال الاتذم في بنت البلد بعدين تكتشف تفكيره او مخه بس جنس مافيه مسؤولية ولاشي يبي بس يركب

.

صح لسانك

..

اتفق وياك ان فيه مبالغه في كلام الرجال بخصوص المهر وباقي المصاريف ولكن ليس الكل ولا تعمم وبعد فيه نسوان اتجيب القهر والضغط لرجالهم مع ان انا ضد الزواج من اجنبيه بحكم التجربه .. والحمدلله

ههههههه

اه يا بطني اقول لو انت رجال عرفت لها شلون تصرف معااها مو تخاف منها عطها العين الحمره

وليش تخطب لاخوك اخطب لروحك مشكل عدال ياللي لبسك مرتب وادمب وتربس جورجيو ارماني وديور هذا الي يقوم عمره ما تبخر تبخر وحترق وانصرم بعد سين سؤال اليبيتزوج اجنبية بكرة اذا جابت اليه بنت بتزوجها شنو اجنبي من جنسية زوجتك ههههههه مسخرة

اهاااا

اقول الأجنبية أسلوبها احسن من البحرينيه حتى طريقه لباسها بسيط ًحلووو بس البحرينيه كأنها ما شافت خير كله طلبات ولباسها معفووس ههههههه خذو أجانب احسن اني بخطب لاخويي اجنبيه

انتي شنو طريقة لبسج وشنو بتزوجين

ههههه

اي والله صدقتي انا قررت أتزوج غير بحريني لآني تعقدت

بحرينيه وتخب عليكم

ما اقول الا ياشين السرج ع شسمه

سلبيات الزواج من الأجنبيه كثيره واولها تربية الأولاد انا ابغي أولادي يتربون على أيد بحرانيه وعلى دين محمد وآله

سؤال

من اين تعرفت على زوجتك الاجنبيه ؟

سؤال

من اين تعرفت على زوجتك الاجنبيه ؟ فكر يا رجل

ماخذين بحرينية وش جفنه منها

لو ماخذ اجنبية احسن ليي ، كل يوم طلعة وهياته وكل ما كلمتها زعلت وراحت بيت ابوها، المواعين ما تغسلهم انا اغسلهم تقول يخربون الايد والثياب تقول ما تعرف واكل تشتري من السوبرماركت ب ٢٠ علشان تسوي باستا لاثنين، وحتى تنطيف البيت انا اكرف من الصبح شغل والعصر البيت !!! لو اجنبية جان ما كرفت هالقد ولا صرفت هالقد تذكرة ب ١٥٠ كل سنة وخلاص

سوء اختيارك لا يعني ان جميع البنات البحرانيات سيئات في كل مكان يوجد الصالح و يوجد الطالح عند الاجانب او عندنا فالأجانب ليسوا ملائكة و نحن لسنا شياطين الجميع بشر بنا مميزات و بنا نواقص على الرجل ان يتحمل نتيجة قراره و لا يلقي بفشل تجربته على عموم المجتمع.

بعد اذا اغراض الباستا غالية وتكلف ويش تسوي هي
مو هي الي حاطة الاسعار

من اين سوال

من اين تعرفت على زوجتك الاجنبيه ؟ فكر زين ؟؟ آخر كلام والله احبج يا صحيفه الوسط لأنه المواضيع ممتازه للشباب البحريني

انا بحريني وزوجتي روسيه مطلعه البله على جثتي كل اليوم تبي البس وتطلع ومطاعم ..البيت اوسخ منها وثيابي على طول في الدوبي وارجع البيت لا غذا ولا همك الله والله ميت قهر وحره الله المعين.

مسخرة

سويتون بنات بلدكم.. سلعة رخيصة.. تذكرو البنات خواتكم وأمهاتكم. . رجال ما عندها حس بالمسؤولية همها شلون تشبع نزواتها. .
وويش رايكم للبنات يأخذون أجانب. . إذا صار العزوف عن بت البلد.. يمكن يحصلون راحة مو موجودة في شباب البحرين عديمي المسؤولية. .

اي اجنبي مجنون بياخذهم
موتيني من الضحك

رد

نفس الأجنية المجنونة اللي بتاخذك

هههههههههه عدال ولد انجلينا جولي ابو عيون خضرة وبشرة بيضة ووسيم اما انت صدق مسخرة احين انت تبغي تقنعني ان خواتك وامك وعائلتك ما فوقهم فوق والبياض ضارب لك والله انتون مشكلة عويصة عند ك اعتراض اعترض على الله الي خلقنا سمر وركبهم سودة استغفر الله بعض الردود الله يعز القارئ تزوجوا الاجنبية وفكونا وع من زينكم عاد معظم الي اخدوا اجنبيان ومن برة فيهم عيوب ولا تقعدون تقولون ما فيهم شي الا ما رحم ربي الي اجلح وبيحسن النسل والي اعور والي شايب ويالله استلم مالت بس مالت قال ويش ركب سودة عدال ولد ميري

نتو ناس نكارة نعمة اغلب الي اعرفهم رجعو المهر لازواجهم والي مارجعته لان صرفته عل تجهيزات ولاطلبت منه مبلغ تجهيزات لكن جان زين بين في عيونهم اتزوج لبناني ولاعراقي احسن عالاقل نعدل النسل

مايصلح

انا مجرب الاجنبيه 95 الميه ماتصلح وانتو كيفكم الاجنبيه انا وياك جمال بس والله ماتصلح 95 الميه

بحرينيه مين ، نكد وضجر وحسره ، لو مثل نسوان الاول قلنا اوكي ، ستورات ، متعففات ، يشتغلون بالبيت ، طبخ وتربية ابناء ، واخلاق طيبة و ما ترفع عينها في عين زوجها وتعرف ان القوامة عند الرجال ، اما هالزمن ، ما يعرفون شي لا تربية ابناء ولا طبخ ولا طيبة نفس ، وقاصين عليهم بسالفة المساواة بين الرجل والمرأة وكل تعبانيين ولا يسوون حاجه وما يبون يجيبون جهال

يعني الاجنبية تتوافر فيها كل الصفات الزينة
بعدين لا تعم ترى مو كل البحرينيات مثل امك وخواتك ..
في بنات اصول ادب وكرم واخلاق وقناعة

حل المشكلة كله عند حماية المستهلك

بصراحة من تجربة لا تتزوجون اجنبية البحرينية وبس
خلاصة تجربة اضعها بين ايديكم لايغرنكم جمالهم وثقافتهم ترى بلاويهم وايد والحين انا جدا اتألم

السبب البحرينية غير واقعية، تبي واحد عنده فلوس لكن 82% من الناس يستلموا اقل من 800 بعد الاستقطاعات، الاجنبية تبدو كبديل خصوصا ان كانت من البسطاء لانها ستضطر لارضاء زوجها دائما لان الحياة معه افضل من الحياة بدونه

حلات الثوب رقعته منه وفيه يازين البحرينيات جمال واخلاق بس لو يخفون شوي من الطلبات والمصاريف يصيرون افضل بنات العالم

قرأت اغلب الردود تقريبا لاحظت ان اغلب النقاش عن الفلوس يعني المشكلة مادية في الدرجة الاولى طبعا هذي مشكلة كبيرة لكن المشكلة الأكبر ان البحرينيات ركبهم سودان .... ولا رياضة و اغلبهم متان و في حياتهم مافي ثقافة غير ثقافة الاسواق والموديلات ولين كلمتها قالت لك احمد ربك ماخد وحدة مثلي راضية فيك ولين طلقتها صاحت وطاحن في حظ اَهلها من أنتم أيها البحرينيات من اي كوكب اتيتم ؟! الأجنبية تخليك ماتشيب بمعنى الكلمة وللعلم أني مو متزوج لكن بحكم الي اشوفه

ههههههه مدام هذا تفكيرك الله لا يعطيك الا زوجة اجنبية
في حياتها الف واحد قبلك هذا قدرك ومستواك

ضدهم
وانت وش لك بركبهم؟ جت على الركبة يعني؟الله يهديك بس وش بتسوي في ركبتها بيضة لو سودة ؟ حلاة الثوب رقعته من وفيه حتى لو نفخة راس بس راحة بغض النظر عن كل شي يعني احنا الرجال اللي ملائكة ؟

عش الزوجية

مع بنت ديرتي حتى لو دفعنا الدنيا و الدين بس بعد افضل من الاجنبية الحمدلله نحافظ على عاداتنا و تقاليدنا و الاولاد ما يضيعون لو لا سمح الله ان يكون اختلاف والي يقول غير ذلك يعني الاجنبية ما تاكل ما تشرب ما تلبس ما تسافر انته بتاخذ ابنية و كلنا نعرف البنات و متطلباتهم

بخصوص ان البحرينة ما تخون مقابل فلوس تري في
و في ازواج يخونون

انا مع المثل اللي يقول "كل واحد ينام على الجنب اللي يريحه"
وكل شخص يتحمل نتيجه قراراته

امس كان عيد الام فتحية لأمهاتنا البحرينيات الصابرات المضحيات الام هي ايضا الزوجة الحنونة الصابرة المضحية فالف تحية للمرأة البحرينية

انا تزوجت لبنانية... صار لي سنة تقريبا... لو يعود فيني الزمن ما اسويها
لايعة حبدي ولو اقدر رجعتها بيت اهلها
بس وراي مؤخر الله يسامحهم ناخذهم رخيص يطلع علينا اغلى من بيع السوق

رجعها لاهلها واذا تبي تتطلق خلها تتنازل عن المؤخر العشرة مو بالغصب وتزوج بحرينية افضل لك

غير مهم الجنسيه المهم هو الاحترام المتبادل بين الزوجين و الاتفاق قبل العقد و التفاهم و شرط عدم السماح للاهل من الطرفين من التدخل في حياتهم وعدم إفشاء الأسرار و الخصوصيات
والتعاون بين الزوجين في المعيشه
و تحديد كيف إيجاد حل في حال و قوع مشكله بينهم
كل هذا قبل العقد و الزواج
ومن حق الزوج و الزوجه الاشتراط في الأشياء الصغيرة
التي نسمع عنها في حياتنا و التي توقع الطلاق بين الازواج
مثل الاهتمام بالملبس و السفر و السكن الخاص والطباخ و تربية الأبناء ( كل شي تتخوف منه )
و بدون شروط العائله

اعرف ناس تزوجو اجنبيات وبعدين تزوجو بحرينيات مردهم الى البحرينية لانها الافضل

!!

أكثر شيء يقهر في زواج الأجنبية لما يقرر ياخذ أجنبية ما يسأل عن أصلها وفصلها بس من تعجبه شكليا يسحبها ، وقبلها لما كان يبحث عن البحرينية يقعد ويبحث ويتقصى عنها واذا سمع عنها أقل شمخ رفضها

بعيدا عن الزواج من اجنبية وموقفي منه، ولكن الردود تتحدث عن المهر وانه فوق او تحت بينما أعتقد أن الموضوع ليس المهر فالمهر ألف دينار ولكن التكاليف المقصود بها هي الحفلات وما يتبعها وهي بس حق المفوشر وأني مو أقل من غيري (القيمة في الاخلاق والعزة والكرامة) مو في البيزات وإلا احنا مو اولاد مدرسة محمد بن عبدالله (ص)، ألم يكن يستطيع إقامة اكبر زواج عندكا كان زعيم الأمة لإسلامية لسيدو نساء العالمين الأولين والأخرين.... والله اللي تسوي في صالة أحسن من الزهراء بعد والعياذ بالله...

ويش هالحظ بس رضينا بالهم الحمد الله والشكر اذا عرسنا رضينا بواحد اشلح املح معاشه على قده و تشتغل بيبي ستر ليه و لاولاده وفوقها تصرف عليه و تتحمل شغل و مذلة و بالليل تدريس و لفاية على قولة ام تؤبرني
وغسالة وكل هذا ما يعجب و يقول لك البحرينية تتطلب تبغي حفلات و مهور اللي يقول اللحين معرسين على الملياردير خلنا ساكتين بس يا عمي روح الله يخلف بس

الاجنبيه او البحرينيه

كل واحد ياخذ بحرينية واجنبيه ايروح ياخذ ليه وفي حديث عن تعدد الزوجات وهو مستحب مؤكد عجل كل واحد ياخذ وحده ويحكم علا النسوان كامل احيو شرع الله وعددو الزوجات ترى فيها اجر عظيم موجب لدخول الجنه

اي

هذا الا هامنكم جمال وجنس مااتكلمت عن شرف الوحدة الا بتاخذها

السيارة

لو ياخذ ليه سيارة أغلى من مهرنا

انا عايش في اوروبا 15 سنة..و رجعت البلد حتى اتزوج لانه البحرانية كنز..و الاجنبية جمال خارجي..يزول..

اذا كانت بوسنيه او جورجية حمره وشقره ذاك الوقت الاجنبيه والنعم فيها والقصد الاجر لانهم فقراء ودولهم يضايقونهم في دينهم
اما اذا كانت هنديه او فلبينيه او من غير الشقر والحمر فالأفضل الواحد يختار بنت بلده احسن
الواحد يضحي على شئ يفتح النفس

تالي صيحوا تفضيل الاجنبي ع البحريني ههههه اذا انتوا مو طايقين بعض تبون الشركات تفضلكم ع الاجنبي ... إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

الوسط بليز موضوع باجر
جم كان مهرش وشلون استخدمتينه
عشان الي يتلغون علينا ويقولون ناخذ مهور غالية ونلعب فيها
يعرفون وين راحوا

خالي متزوج من اجنبيه وتخونه مع رجال غيره مقابل فلوس و تسوق وو وهو متمسك بهااقول أفيقوا يارجال بنت البلد بايرة ليش

اي والله

والله شفت في السوق واحد ماخذ ليه سورية امسوتنه خروف ويش قد مأخذه أغراض وهي يدفع لكن لو ماخذ بحرينية جان فلس أستكثرها عليها لكن مااقول الا مالت على البمبرة

المشكلة مو في البنية ساعات في اهلها لما ما يحترمون الخصوصية الزوجية وهني تصير مشاكل عائلية ... الاجانب عندهم احترام اكثر من العرب في موضوع الخصوصية ومايتدخلون في ما لايعنيهم ... انا ندمت يوم اخذت هالخطوة مو بسبب البنت بس بسبب اهلها الله يعطيهم طولة العمر ويهديهم ... لليوم احس لو صارت لي الفرصة اتزوج اجنبية راح اكون اسعد

عندك

عندك جاهل واحد ومعاشك ٧٠٠ دينار اكيد بتصير عليك مسكينة يالبحرينية معاشات ازواجهم ٢٥٠ وهي صابرة

التعدد

انا متزوج من بحرينيه واجنبيه
الزواج قسمه ونصيب ورزق من الله سبحانه
نعم انت تختار والحديث يقول تخيرو لنطفكم
لكن في النهايه ما تتزوج لا المكتوبه لك
تزوجة اجنبيه تقريبا التكلفه متشابهه
لان حسب ثقافة الاهل ومراعاتهم الى الحاله الماديه
ومعرفتهم ان الخير بالنهايه لزوجين
والتنوع مفيد جدا تعيش ثقافات وعادات مختلفه
وتعشق الحياة الزوجيه الذيذه جدا مع التعدد
الان من تزوجة الثانيه صار20 سنه والاولى 30 سنه اعيش بنفس البيت الحمد الله رب العالمين

الله يديم عليك المحبة

ويهنيك

كل شي باختيارك

سالفة الصرف و الطلبات و الاحترام،هذا كل شي بايدك تقدر اتسيطر عليه،اقعد مع زوجتك بالتفاهم و اشرح ليها قدرتك و ظروفك من البداية،و انك تحب الاحترام و التقدير من اساسياتك و .......
تاخذونهم مال سرعة و رغبة و ادلعونهم في البداية ،لين اتعودت خلاص
اللي اوله شرط،اخره نور

ترى اجنبية مو لازم فلبن

ترى في عرب سوريات لبنانيات مغربيات يتمنون بس الستر وفي روسيات مسلمات وبوسنيات وفي وفي ولو أعدد ما بخلص

سلام
الزوجة كانت اجنبية او بحرينية لن تكون ملاك ابداء
في عيوب في كل منهم
بس من ناحية البحرينية اصلا و فصل و طلبات الزواج تختلف من بنت الي اخري و لكن البنت البحرينية في هدي الزمن ما تحب تساعد في البيت في البيت لان تقول من واجبها في نفس الوقت عندما الرجل لا يستطيع توفير شي من طلباتها حق حفلات او شي ما تحب تسمع الريال يقول ما اقدر هو الميزانيه ما تسمح هذي الشهر .
عند نحسب الزواج من ناحية التكاليف زوجه بحرينية و علاقات اشتماعيه بيصير مصروفات شهريا اجنبية ما عندها علاقات في البلد توفر

حلات الثوب رققعتها منها وفيها
هذا رأيي الشخصي : مهما أختلف الزوجان البحرينيان مع بعضهم البعض و هذه سنة الحياة فالنهاية كلمة حلوة من الزوج أو الزوجة ينتهي كل شئ فالمراة البحرينية أكيد وبدون أي شك افضل وعلى راسي أم عيالي والحياة مشتركة مع بعض .

مافي احلا من بنت بلدي

يا جماعة هذ الموضوع ما يحتاج اليه نقاش بنت البلد حسن تعرف العادات وتقاليد حسن من الجانب

حجتهم المهر

ويش هالمهر اللي دابحين روحكم عليه،الف دينار و بعدين يرد ياخذها في تجهيز الشقة

ههههههههه صدقتين
المهر نشوفه بس مكتوب في العقد

هههههههه شدراني دبحونا في هالمهر اللي ما جفنا منه شي
بس في العقد تجوفينه وبعدين تفلتينه في الشقة
خلف الله علينا ماتسوى علينا هالجم بيزة

1000 دينار كم بيزة يخرب بيتك ههههههههههههههههههههه ألف دينار تجيب سيارتين

إذا بتحسبها جديه يعني قصدك زوجتك قيمتها سيارتين قرمبع موديل 98؟

اني وحده ماخذيت مهر

لا ورممت مكاني واثثته ولحين اصرف
وبعد مو عااااجب
كل فلس تدفعه يرجع ليك دبل
لوعتون جبدنا عاااد
مهر ومهر
1000 دينار وترجع ليك

الزوجات الأسيويات عبارة عن حصان طروادة، غمض عين فتح عين الا وتم احتلال الديرة بعد كم سنة بأسم الزواج وأول ما يموت الزوج لسبب تلاقيها تزوجة واحد منها وفيها وتحلم تذكر زوجها الميت وكأنها بالعيد، يعنى محتاجة تمكنت وبعدها طلعت على حقيقة اصلها الأسيوية بالذات وليس الأجانب الا ثقافتهم تكون مختلفة تماما ولا تقارن مع الآسيويات.

واولاد البحريني يتربون على اصلها

الحين ادا واحد راح بيخطب يدور وحدة جذور امها وابوها صالحه وسمعتها بيظة مثل لكلينس ويتحجج على كلشي. واذا بغى يخطب اجنبية لاسؤال ولا شي خذوه فغلوه كل هذا عشان ببلاش . انا عندي ادفع مهر لوحده تناسبني وتناسب عاداتي ومذهبي ولا وحدة لو تزاعلت وياها مادري وين الاقيها ولا الاقي اولادي والقصص واجد عن اللي يعيلون من اجانب ولايدرون باي داهية طسو عنهم

صح اعرف واحد زوجته خطفت اولاده وسافرت ابهم اكثر من خمسة عشر سنة ما شافهم ولا يدري عنهم

بكل صراحة البحرينية اللي تنبغى صارت نادرة الوجود
المجتمعات الغربية عندهم ثقافة الإهتمام بالزوج ومعاملته أحسن معاملة احترامه وتقديرة وكل هذا ماتطيح كلمتها او تذل روحها .. ليها كلمتها ومشاركتها في البيت موجوده ، مو كل شي يحمله الرجال
وفوق هذا كله جميلة وتهتم في روحها
اما البحرينية ، تبي تتزوج علشان تطلع من بيت ابوها اللي حارمنها من اشيا ويقول ليها لما تتزوجين سوي وسوي وطلعي !
البحرينية تبي تاخذ بدون ماتعطي " الا مارحم ربي " ، ومانعمم طبعاً ، في البعض فيهم مواصفات الاجنبية ويستاهلون كل خير

في اي عالم عايش؟
اي ثقافة غربية الي تعلمهم احترام الزوج؟

العيب مو في البحرينية، العيب في الرجال نفسه لما يجوف اجنبية اسلوبه ولسانه يتغير وياها، عشان جذي يجوفها شحلاته وياها.ياما اجوف واحد شايب كبر جدي يمشي ويه وحدة جينز مفصل جسمها وتي شيرت شقصره واشماز عدل. خلصو بنات الديرة دورت لك هذي؟ في كل موضوع في الوسط تنذم المرة من كل صوب ما رجال فيكم حمد وشكر وقال زوجتي تشتغل تعاونني وتصرف من جيبها. كلكك تتحلطمون تشتغل وعندها عيال ومقصرة بحقي ، لو عندها رجال عدل جان دور له اي شغلة اضافية يزيد فلوسه ويعيشها حياة كريمة بدل نكران الجميل والتفلفس.

الثوب

حلاة الثوب رقعته منه و فيه .. شالفايدة من الاجانب تاخذك لحم ووترميك عظم ياخذون الرجال اذا امتلئ جيبه و بس يفضى الجيب تركوه و لو عندهم درزن عيال فلتوا عيالهم و هجوا بلادهم بلا ذمة و لا ضمير و مسوين الرجال بنك لأهلهم و كل سنة برزت الشنطة و حمولة الهدايا للأهل و الرجال كلما حط فلوس مو ملحق لكن بنت بلادك تقدر ظروفك و تحن على عيالها ..

مهور غالية طلبات خيالية عدم احترام امساك تلفون طووول اليوم عدم اهتمام ولاعناية بزوج ولا اطفال ولاشيء !!!! مستحيل من يبيكم !!!! عدلوا أوضاعكم بناتنا بكل احترام انتون صرتون شيء مايقاس بغيره تبون تكشخون تتعدلون من عيوننه لكن انتون ماتهدون التلفون ماتهتمون بعائلتكم ماتهتمون بازواجكم !!!! خلللوووا الباقي كللله ماتدرسون شي ولاتتطلعون !!!!! اكتبوا ليننه وش تسوون كل يوم وقتكم مقسم على شنو تقرون ويش عرفتون علم ويش !!!! شايلين مسؤولية ويش عن أزواجكم قارنوا أنفسكم بالمصريات المغربيات !!!شواغيل والسوريات!!

المصيبة ان الزوج الي ما يهد التلفون مو المرة
لا تعمم رجاء ...اشكثر نسوان يشتكون اهمال نسوانهم و للاسف ثقافة زوجية و دينية ضعيفة عند الكثير من الرجال
ما يعرف غير حقوقه ...ما يدري ان عليه واجبات
اهتم فيها و شوفها شلون تصير حقك ..لا تلوم و تطلع انت المقصر حاسب نفسك اولا

في الزمن القديم نعم للبحرينية المحافضة الاصيله التي تنهك الزوج ولا تتطلب ولا تتدلع
في هذا الزمن نعم للأجنبيات لا مستوى الحريم في البلد انخفض ( اقصد في كل شي )
جايفين روحم بعتقدون انهم جميلات واهم كلا مكياج ،ما يعرفون يربون اولاد وكل يبون يهيمون في الاسواق ، اهم شي عدهم في الزمن الفلوس ، ما يعرفون يطبخون ، يبون يعيشون حياة غربيه في مجتمعنه المحافظ ، حتى في الليل مو ذاك الزود كل تعبانيين ، اذا يشتغلون راحت على الزوج لانهم ما فيهم شده كل تعبانين

استغرب والله العظيم اذا طافت عليي احدى الجنسيات (تؤبرني) مع زوجها البحريني وهي قمة التبهدل (ويزعم كشخة) والرييييييحة
ااااخ فطسة اقول معقولة ما يقول ليها ان ليها ريحة
اغلبهم ليهم ريحة ما اتهم الكل ما احط في ذمتي

البحرينية أسد ولا أحد بيحصل مثلها نعم تكاليف الزواج باهضة ولكن ما العمل مابيدنا حيلة !!! يقولون لما بتشتري حاجة كل شي بقيمته بتشتري حاجة صيني رخيصه ابو نص بتشتغل لك يوم يومين بتشتري حاجة الماني ولا ياباني إلى أخر العمر هههه لكن الحمد لله رب العالمين صنع في البحرين داااايم وياك الحمد لله رب العالمين ولا أحد يتكلم بالسوء على أخواتنه تكلموا عن بعضكم بالخير وشكرا

عجبني التشبيه????

عجيب الرد

الرخيص للرخيص

الحقيقة ان المشاكل المذكورة في موضوع زواج الأجانب, موجودة و بشكل اكبر بين المتزوجين البحرينيين، بس لان الزوج والزوجة بحرينيين الموضوع يتطرقون اليه على أساس انها مشاكل زوجية وليست مشاكل الزواج من البحرينيات، بس لان الزوجين مجبورين في العلاقة على أساس تقاليد و أهل الزوجة والزوج، و حقيقة ان الزوجة تحاول ان لا تكون مطلقة، و تواجة نضرة المجتمع اليها و صعوبة تدبير مصروف لها ولأبنائها اذا لم تكن تعمل، ولكن الأجنبية لديها خيارات اخرى أولها ان ترجع بلادها، و مجتمعها لا يحكم عليها على أساس حالة زواجها.

كل واحد يسوي الي يريحه الزواج من بحرينية ولا اجنبية
لكن لا يحطها حجة المصاريف قول بتزوج اجنبية انسب ليي لكن لا تقول بسبب التكاليف
بالحالتين انت بتوفر سكن مؤثث ولبس ومأكل ومشرب ومصروف شهري وسيارة ومصاريف الاولاد
يعني البحرينية تبخل عليها وتطلع روحها على هالفلس وللاجنبية حلو وبارد ؟
استح على نفسك وقدرها وعاملها بالحسنى وشوف تعاملها وياك
البحرينية مضغوطة على كل الي تسويه وتقدمه مافي لا حمدا ولا شكورا مافي الا انتقاد واتهام بالتقصير
وين تولي على عمرها
تحية لكل بحرينية

قدركم الأجانب

بلى هرير علينا عدنا نموذج ف البيت ولا احلى أخو زوجي ما خد تايلنديه تصرف صرف الجهد ما جلتها اتمول 10 ابيوت او لعبه مو طبيعيه قسم بالله ما اصرف الصرف الا تصرفه ع ويش يا حسره لا جمال ولا نظافه خلوها مستوره بس ما ياخدونهم الا الوسخين اشكالهم او تعال كل سنه تسافر بجم او لين اخدو الا منهم او فيهم ما تنوس تطلب ربيه الا صرخو بالويل والثبور او مسرفه ولا تقدر ما اقول الا مالت ع هيك تفكير

..

محتره من حماتش التايلنديه هههههههه الله يعينش

ما يبي يعطيها ولا فلس
او يعطيها بالمنة والاذية
وعقب يبيها تلبس له وتتكشخ له
وتطبخ احسن الطبخات
ترى الثياب والصالون يبي له بيزات
انت عطها وشوف
والطبخ وفر الاغراض مال البيت والاكل
عقب قول فلانة تطبخ وزوجتي لا
ولا ما فيكم الا بس الحجي والهرير

باختصار
راحت رجال ترفع الدروازة وجتنا رجال المطنزة والعازة
الرجال لأنهم مو قادرين يأمنون الأمور المادية للأسرة يبون وحدة تشتغل
وما يبون شغالة تخترق خصوصيتهم فالمرأة ترجع وتشتغل شغل البيت
وكسالى ولا يعرفون ولا يبون يدرسون فبعد تدرس الأولاد
وهايتين وهي تودي الأولاد المعاهد والمدارس وتلبي طلبات ومشتريات البيت
ويجيك آخر اليوم يقول ما عندها رومانسية وما تلبي حاجتي
ولين جى يأخذ البحرينية 100000 سؤال وياخذ الأجنبية ما يدري أصلها من فصلها ولا ويش ماضيها
اتقوا الله اتقوا الله اتقوه الله

كل من لديه رقيب عتيد
الي يكتب بس عشان يضحك غيره ترى انت محاسب
لانك اتهمت البحرينيات انهم مصنات ونكديات وبخيلات وما يساعدون وجاحدين وناكرات جميل وقاسيات
اذا اعزب شاف هالكلام ويش شعوره؟
بتسبب له سلبية ويظن ان كل بنات الناس بهالطريقة
قول شي عدل او اسكت
اذا نصيبك خل زوجتك تصير بهالطريقة ترى منك بعد لانك ماقدرت تعدلها
الحين امهاتكم ولا خواتكم او خالاتكم وعماتكم جذي؟
خايسين وما يطبخون وبس يبون بيزات؟
لا يكون البيزات لبيت ابوها
عشان تصرفها على بيتك

خوش رد

رأيي المتواضع، الى ياخد او الى تاخد اجنبي ينقسمون الى اقسام: الاول مفوشر على الربع او معايه، والثاني يمبي يكمل نص دينه و مافي بنية قابله ابه و العكس، والثالث الى ماعنده فلوس يصرف عليهه، الرابع الى يمبي يتزوج ثانيه ولا في غير الاجنبية قابله ابه، الخامس الى يدور عيوب.
اما القسم الاول مامنه فايده، و الثاني مجبور، والثالث لازم ينتظر ادا يقدر، و الرابع بعد ما منه فايده، مع العلم انه الاجنبية مايشترط فيه غير العربية وانما غير البحرينية، اخس نوع الخامس بما انه ينظر الى السلبيات مهما كانت الايجابيات.

واضح ان في نظرة سلبية للزواج و خصوصا من وجهة نظر الرجال. لازم البنات يعدلون من عقليتاهم و تصرفاتهم في الزواج.

اذا كانوا يحبون بعض ومناسبين لبعض في كل النواحي ويش المانع
بس الي يقول هرب من التكاليف لا يقص على روحه
يطلع عليه اغلى من بيع السوق عقب واسال مجرب ولا تسال طبيب
شايفة حالات مقربة مني
والي حجته بس التكاليف
حط في بالك باجر اولادك هل هالام تناسبهم او لا
وتناسب مجتمعهم والتربية والدين والاخلاق و و و و

ما يحك ضهيرك إلا ضفيرك وسلامتكم اللي يفهم يفهم

البحرينية

امكم الا عرس عليها ابوكم ة فضلها على الفلبينية والتايلندية والروسية والهندية....لرخاص الا لايفين عليهم وحاطينهم تحت ذراعكم وتهايلون فيهم في المجمعات.استحوا على ويوهكم وشوفوا وين الخطأ فيكم وعيبكم قبل لا ترمون اغلاطكم على غيركم.

التعميم خاطئ

مو كل بحرينية متطلبة.في منهم قنوعات ويبون الستر بس انتو الا اازم توصلون لهم.جم متوسط مهر البحرينية ١٥ الف طايح ومهر.وين في الخليج مهر نفسه؟تسكن في حجرة وحمام؟وتببها تفرخ لك ٥و تبتسم لك وهي تشتغل وتربي وتدرس

عذر اقبح من ذنب

الواحد فيكم عند اختياره لشريكة الحياة لازم يختار وحدة من ثوبه ومستواه الفكري والمادي والاجتماعي اذا بتتقدم لوحدة اعلى منك في واحد من دلين توقع يغلب جانب في طلباتها.
انت الا تروح لوحدة تبي وتبي
وانت الا تروح لوحدة تبي على قدك لانها من تفصيلك

الزواج زواج .

تزوجت بنت البلد او تزوجت اجنبيه المشاكل مثل الشي . كل واحد حر يتزوج اللي اختاره .انا وصل عمري 37 ومازلت عزابي ولا ابي بحرينيه ولا ابي اجنبيه .

انا متزوج بريطانيه من ٢٥ سنه وعندي ٣ اولاد، عاشت معاي من الصفر يعني كنت مفلس على الاخر، الحمد لله الحين حالتنا الماديه ممتازه من فضل الله وطبعا من جهدنا الاثنين، البدايه كانت صعبه من الاهل بس الحين يموتون فيها لانها وايد طيبه وحنونه.

البحرينية

تعمل ٨ساعات
تنظف تطبخ تدرس.
وتبونها في النهاية كاشخة ليكم شبيك لبيك يا اسد...حرام عليكم.
من زينكم وذوق الاجنبية الرفيع تقبل فيكم.انت للاجنبية مكسب وفرصة وبالنسبة لك.....!

تبقى البحرينية الاصالة

(ولا تنكحوا المشركات حتى يؤمن ولأمة مؤمنة خير من مشركة ولو أعجبتكم ولا تنكحوا المشركين حتى يؤمنوا ولعبد مؤمن خير من مشرك ولو أعجبكم أولئك يدعون إلى النار والله يدعو إلى الجنة والمغفرة بإذنه ويبين آياته للناس لعلهم يتذكرون)

المشكلة مو في المرأة سواء كانت أجنبية أو بحرينية،،ولا في الرجل.. المشكلة ان الناس عقولها تلوثت بالمقاطع اللي يشوفونها على التلفزيون أو الانترنت،، وصاروا يتوقعون حياة حالمة كلها قلوب وورود بعيداً عن المنطقية... انت اذا هذا مخك واخذت اجنبية بعد ما بترتاح..لأن انت بتظل طول يومك تنتظر حب وحنان ودلع وناسي ان في مهام ثانية لازم تنجز....خلك منطقي وأحسن الظن في بنت الناس وبتظل تحمد ربك عليها.. تقابلك بحب وحنان وتخلص أشغالها بشوق علشان تسعدك وترجع لك،،وقتها بتلاقي نفسك انت بتفزع تساعدها علشان..

نعم لبنت بلادي . ولا للأجنبية المجهولة المصدر . والله لين حقت حقايقها شردت وخلتك تصاوي على أولادك ولا تقدر تصيدها . أما البحرينية تدلي بيت أبوها . الله يحفظ بنت بلادي .

عندي ليكم اقتراح يا معشر الرجال و شرط تتغير المرة

انتون تقولون بعد ما تجيب الاولاد ما تعطيك اهتمام نفس قبل و طبعا كل ما زادو الاولاد و صارو بالمدارس زادت مسؤليتهم ،، طبعا الام تدرس العيال و تأكل و تسبح غير شغل البيت اللي يهلك من تنظيف و طبخ و غيره يعني ما تجي الليل الا هي خلاص خلص بتريها
تعلمو مثل الاجانب ساعدو زوجاتكم في أمور البيت و العيال هي بتكون مرتاحة أكثر و بيصير عندها وقت أكثر للأهتمام بنفسها و شكلها و فيك و الله يوفق الجميع

بحرينية وبس
تحية لكل بحرينية تقدر الحياة الزوجية وتحافظ على بيتها واولادها وهي المكمل للزوج وهي نصف الدين سمعت يارجال اركد في بيتك معاها واترك ربعك وخصص للربع وقت وللزوجة والاولاد وقت وراح تشوف بنت بلدك افضل لك بمليون مرة فما فائدة زوجة اجنبية بدون ترابط اسري الولد بحريني والخال اجنبي واتفق مع الرجال في تكاليف الزواج اتركوا الصالات خلوها تخيس وتركوا عنكم سفرة العجم والا فلانة سوت لها كذا وكذا والديون تلاحقهم لين يشيبون وخلكم على طلب سكن خاص مستقل وحفلة عائلية بسيطة تكفي لاعلان الزواج وسامحوني

المشكله مو في جنسية البحرينيه وله في مدهبهه المشكله في العقول والعيون الفارغه والله مافيه احسن من بنات ديرتي واي كلام عنهه كله مغلوط عشان حجه للزواج باجنبيه ولو عندي امكانيه وزوجتي ترضى بعد باخذ الثانيه والثالثه والرابعه بحرينيه بغض النظر عن المذهب تاج راسي بنت الديرة وانتقدوني مثل ماتبون بس البحرينيه نعمه للي يقدرهه????عسل للي يعرف قيمتهه

والله الحق يقال رحتووون يمين يسار تبقى البحرينية لا يعلى عليها لا تقول مصاريف وما تعرف تطبخ وما ادري شنو والله محد يتحملنا غيرهم كفاية صاينة بيتك وتربي عيالكم وتشتغل عشان تساعد زوجها , بالعربي دلعها بتدلعك عاملها بالحسنى بتعاملك باحسن من ذلك , والسواد الاعظم منهم جذي يعني لا تعممون كل شي سلبي على الباقي

أهم أسباب الزواج من أجنبية هو: الجمال ، التكلفة ، حسن التدبير،الثقافة،إحترام الزوج و تقديره ومساعدته.. عناوين فضفاضة من تقول بأن تكلفة الأجنبية في المستقبل أكثر ، إن الأجنبية سوف تعمل و تدبر حالها لأنها متعلمة و التذاكر لا تكلف شيء لأن السكن و المأكل متوفر عند اهلها بالمجان ، لو قارنا البحرينية و طلباتها كل سنة تبي تسافر أيضاً و تنخر من ميزانية زوجها و تجيب هدايا لأهلها و المفوشر على ربعها ، الشرف لا يقترن بالجنسية ، فبعض الأجانب شرفاء جداً و مشاريع ناجحة للزواج ، في النهاية الزواج قسمة و نصيب

الصراحه كلمة حق تقال مافيه احسن من البحرينيه من كل النواحي اما اللي يلمع للاجنبيه لانه متزوجه منهه شي راجع له لانه هي رغبته بس مو من حقه يعيب البحرينيات في شي لانه مافيه شي يعيبهم وادري انه ناس واجد مابيعجبهم كلامي وبردون علي بس اقول كل تعليق يدل على حجم عقل صاحبه والبحرينيه مايعيبهه شي والعيوب اللي تنحط فيهه مجرد حجج للزواج من اجنبيه وعلى راسي كل بنات ديرتي وكلام فارغ ونفس مافيه شين ومعيوب فيه مزيون فلاتحكم على كل البحرينيات علشان حاله وحدة ترى البحرينيات هم الزين كله بس العيب في العين

اييييييه خلها على الله

لسبب ما الاجنبية حياتها تكون افضل من البحرينية اذا تزوجت بحريني .. عيالها احسن و اغلى المدارس الخاصة سفرات بلدان اجنبية وبلدان غريبة ويخليها تشتغل الشي الي تبيه و تطلع مكان الي تبي و عيالها يدرسون الي يبون و يلعبون رياضة ونوادي خاصة و معلم موسيقى كله على ظهر الرجال. لكن اذا بحرينية يحلمون في المدرسة الخاصة والسفر و يحبسها وعيالها يطلعون متان و اغبياء من الضغط. كله بسبه هالالف دينار الي دفعها مهر ههههههههه

السبب الوحيد انا احنا معشر الرجال نتزوج هو الجنس لا غير هو المحرك الرئيسي لنا ، بعد الولادة كلشي يتغير كأنهم مو موجودين اهمشي الجاهل لرجال يبغون ..... ، ثاني شي الجمال فيهم غير وعندهم اهتمام بالزوج خصوصا الشرق الآسيويين ، اما بالنسبة للتكاليف والتذاكر والله أحسن من تدخل الأهل والتكويك ادفع تذكرة واصير بنك ولا أحد يتدخل فينا ، بالنسبة لزائر ٩ اذا كان هناك شخص متزوج من هكذا شئ فهو خياره لا خيار البقية التعميم صراحة عيب . كلمة اخيرة ادعو لينا نحصل مره عدله بحرانية ولا أجنبية

هههههههه ضحكتني

شنو الجمال اللي في شرق آسيا استغفر الله كلهم كوبي بعض لا جمال و لا خرابيط و الله الجمال العربي أحلى

قول غيرها عاد الجمال عند الشرق آسيويين؟؟؟ عند من عند الفلبينيين اللي أكبر خشم في البحرين ما يجي قد أطول خشم عندهم خلها على الله. ومن قال ليك الأجنبية أهلها ما يتدخلون

و الله اني اقول للبحرينيات

تركو عنكم الاجلح الاملح اللي ما تطلع منه كلمة عدلة لا حمدا و لا شكورا كثر ما تبذلين و تتعبين هم بس يتحلطمون و روحو دورو ليكم واحد أشقر جميل و رومنسي و استانسو بحياتكم

استغرب ما مرة مدحتون البحرينية في شي

معقولة يعني هذي نظرتكم لينا !!! كل موضوع ينفتح قالو تكاليف الزواج تتطلب و هي حنانة و نكدية ما تعرف تطبخ ما تدلعني !!! انت اقعد وياها اول اهتم فيها و بتدلعك
شنوو تبون زواج بدون صرف و تبون اهتمام بدون ما تعطون الحياة الزوجية شراكة
البحرينية نظيفة و طباخة ماهرة و الكثير منهم موظفات يعينون ازواجهم و صاينة بيتك و عيالك عاداتها و تقاليدها مثلك و بعد مو عاجبتنكم
خلكم على ابن عمي و تؤبرني و هي كل سنة سفر و هدايا لاهلها و ريحة الصنان ضاربة ألف اقول مالت بس

الزواج نصيب

كل واحد يتزوج البنت اللي تعجبه واللي يرتاح لها سوا كانت بحرينيه لو اجنبيه ...
دعوا الخلق للخالق ومحد إليه شغل في احد..
ترا البنات الشريفات مو في البحرين فقط !!
الشرف والعزه موجود في كل مكان .

الفرق

اكثر زوجات بحرينيات جامعيات وموظفات ويكدون ع روحهم وع بيتهم .... ام الاجتبيه نادرا عندها شهاده او تشتغل

بالضبط

راتب البحرينة يتعدى زوجها في اغلب الاحيان وتتاخذ قروض عشان السيارات والبيت
روح شوف وزارة الاسكان اي قد نسوان يشاركون ازواجهم في تامين السكن معنه مو واجب على المراه ابدا دفع تكاليف ويا الرجل
بس محد يقدر اي امراه اجنبيه بتاخذ ليكم قروض وبتحط من جيبها

ترى زواج الاجنبيات زايد هالايام

مو مني والطريق بيروح ياخد ليه اجنبيه فيه ناس تفضل البحرينيه بس من زود ما حصل من تطلب هج ودور ليه اجنبيه

انا المواطن (س)
زوجتي فرنسية من اصول مغربية واعمل بشركة طيران وراتبي اقل من 700 دينار اسكن اجار كحال كل البحرانيين ولكن اتحدى كل البحرانيات ان تتحمل ما تتحمله زوجتي بل صديقتي بل نصفي الثاني
اكملت الان 13 سنة زواج سعيد ولا يوم من الايام شلت الكيس الاسود معي ونا خارج البيت تفهمون يا بحرينيات
ناكل الي الله كاتبة وسيارتي كورولا 2008 ولدي ولد واحد
اتمنى من كل من عاش العذاب من بنت بلدة ان يجرب العزة والكرامة والاحترام والرقي بالزواج من اجنبيه
تحياتي

زائر 28 ترى معظم البحرينيات صبورات

اني اتكلم عن نفسي اذا زوجي ما عنده ما اطلب منه شي حتى لو محتاجة أأجل لين تتعدل الاوضاع
شنو تفسر المتزوجة اللي تتحمل شغل للعصر او المغرب و ترجع تدرس عيالها و تنظف و تسوي كل شي و ما عندها خدامة تتوقع ليش ضاغطة نفسها هالكثر ما تقدر تقعد بالبيت !!! ترى واجب الصرف مو عليها بس عشان تعين زوجها على مصاريف الحياة
اتمنى التقدير للبحرينية ترى و الله هالكلام يحبط ،، و الله يهنيك مع زوجتك بس هذا مو معناته ان البحرينيات مو زينين

المشكلة كلها في شغل المراه يعني تشتغل من الصبح الى الليل هذا يسمونه تدمير للحياة الزوجيه وبعيد عن الفطرة وكبعيد عن كل شي
انا زوجتي تشتغل من الصبح الى الليل ترجع تعبانه لا اهتمام ولا شي تسوي ولبها تتكلم من التعب عدنا بنت واحده تربيها الخدامه وبكره لما تحتاج المدرسه من اللي بعلمها وبذاكر معها واذا الله رزقنا اعيال بعد منهو ليهم
المشكله الكبرى في المجتمع هي شغل المراه والسلام

باقي عنوانك ما كتبته الله يهنيك و يزيدك

مادري ويش كاتب الحين
او النقطة اللي تبي توصلها
ترى في بحرينيات عايشين بالايجار مع ازواجهم ورواتبهم اقل من راتبك
وصابرين ولا يتحلطمون
وبالاضافة تروح تشتغل ولا التعطل او تسوي ليها مشروع منزلي من طبخ او بيع او غيره
عشان بس تساعد زوجها بالمصاريف
البحرينية توقف مع زوجها بكل الشدايد
عمرك شفت بحريني طاح مريض وزوجته طلبت الطلاق؟
عمرك شفت بحريني انفصل ولا انسجن وزوجته طلبت الطلاق؟
صابرين ويقدرون العشرة وفيهم الخير

برافوووو

موفق اخوي ف زواجك و ان شاء الله دوم هذي المحبه.
اختي صاحبت التعليق التالي..
انا اقدر كل الي تبذلينه في التعاطف مع زوجك ... بس إنتي من الحالات القليله الي موجودة ... لانه اغلب الي عندنا مثل المنشار ... طالع مأكل نازل مأكل ...
الله أوفق الجميع

مو معناته ان كل فرنسية من اصول مغربية بتكون زينة .. وكل بحرينية بتكون سيئة وماتشيل الجيس الاسود عن زوجها ! كثير من البحرينيات صبورات و متحملين و قنوعات .. بس عينكم ما تجوف الا الفئة الثانية وتغض البصر عن هالفئة !

ههههه صراحة ردك ضحكني عدل وعرفت ان ناس عقل ما عندها انت تقول 700 دينار معاشك جيب 700 دينار وانا اعيش مع زوجتي حياة ولا في الاحلام ، يا بابا معاش معظم البحرينين يتراوح من 250 الى 350 تغطي ايجار شقة وروضات ومدارس وغيره وانت جاي تقول عايش 700 وزوجتك ما تطلب شي انزين اذا بتقص علينا وتشلخ شلخ علينا عدل عشان نعرف ان زوجتك الاجنبية مضحية وما قصرت وياك قال ويش 700 دينار مسخرة ناس صراحة ههههههههه
انا كل الي شفته من زواجات الاجانب شبه فاشلة الا ما نذر ماادري وين العلاقات الناجحة الي تتكلمون عنها

إذا كنت فاشل بالدراسة هذا مو ذنبي انك تشتغل ب250 دينار انا تعلمت وتعبت ومن عائلة معدومة لكن وجب علي ان اتخذ قرارات تنقذ حياتي
واصدقائي في مناصب قيادية يستلمون اضعاف راتبي وبسبب زوجاتهم لم يستطيعو الشعور بالانس والسعادة
تحياتي واتمنى لك السعادة

عايش الدور هههههه

بو شلاخ.

اخوي ماخذ مغربية

قالت ما تبي شي
ولكن يوم جت البحرين وشافت الحال اول السنوات حليوة وتصبر على المرة والحلوة ولكن الحين هربت حالها من حال الشغالات الا يهربون

المغربيات متطلبات

تبي تعيش حياة العز والفلوس واذا ماعجبها شردت

وبعدين بنات هاليومين تصرفاتهم مثل الاجانب اذا مو اكثر ما تحت السواهي دواهي
الله يهديهم بس وع
فخذ اجنبية وفك عمرك

انا متزوج بريطانية والحمدلله ومرتاح وعندي 3 اولاد والعدد في تزايد

حسبنا الله ونعم الوكيل

عندي سؤال وفي ذمة الشباب. اذا صار عزوف عن زواج البنات البحرينيات! البحرينية وين تروح؟ واذا انحرفت في رقبة من؟

عندي سؤال موجه لك

اذا تمو البحرينيات يتفلسفون ويطلعون فيها ويتباهوون بمهورهم وخسايرهم و الشباب يتاخرون ف الزواج و ينحرفون نحطها في رقبتك ؟؟ خل يصيرون بنات و بعدين محد بيطالع برع :) لا تقدير لارومنسية ومهر غالي وبرود على الفاضي

أوافق الرأي

البنات و الأهل لازم يراجعون نفسهم ف الطلبات .
و الأهم من هذي انه البنات لازم يحترمون الزوج و اقدرون الي أسويه لهم ...
المشكلة الي تقهرني انه البنت تشوف روحها أميره، جميله جدا، و رافعه خشمها... بس ف الحقيقيه الله لا يراويك الوجه و الأخلاق ...
احترموا، قدروا، فكروا، لا تدخلون أمكم في مشاكلكم الزوجيه

في رد بسيط جدا جدا جدا يرخص المهر وتصير بنت منتجة وعاملة أكثر من قبل
وشكرا

والله ذبحتونه رومانسية

اي رومانسية اي بطيخ، الزواج مسئولية قبل الرومانسية، تبي رومانسية من غير مسؤولية ينصحون في الفلبينية

و الحل ؟

دائما يقوم الناس بطرح المشكلة و تبعاتها
و لكن القليل من يطرح الحلول و طرقها

الحمدالله رب العالمين ، انا شخص متزوج من أجنبيه من ١٠ سنوات وعندي أولاد ونعمه الزوجه وأهلها ناس طيبين وفي حالة معيشته أفضل من كثيرون الصبح بحربنين ، المشكله في اختيار الزوجه التي تناسب عمرك وميولك وشكرا

الفاروق

يا حلوووه
تابرني يا حبيبي
انطيك العافية يالغالي
تسلم لي يا بن عمي
البحرينية ...
جاي من الشغل وايدك فاضيه سطوه تسطي عليك

ليش ما أنت تسوي هذا الكلام

هذي أحنا مشكلتنا أنه نبي الزوحة تسوي كل شي بس أحنا ندخل البيت ونبي نسمع كلام حلووو ليش مو الزوج يقول هذا الكلام عشان الزوجة تشاركه نفس الشعور ترى السوريين الزوج والزوجة يقولون هذا الكلام إلى بعض مو بس الزوجة وهناك حديث لا يخطر في بالي نصه الآن بما معناه الزوجة تحب ما تحب منها أنا إذا أحب شيء وأبي زوجتي تسوية أنا اباذر فية هي تلقائياً بتبادلني نفس الشعور
والله يوفق الجميع ويسعدكم دنيا وآخره

ام ساجدة

انت تتكلم عن النوادر الي للحين ماجفناهم ولا سمعنا عنهم، اذا المرة تتكلم مع زوجها جذي يعني ماعاد بينهم عشرة مستحيل زوجه تكلم زوجها بهالاسلوب

تعليقي على المعلقين

التعليق الاول،،
ليش ما هو أسوي جذي ؟؟؟
اذا هو حنون و طيب و ما يقول لا ... وين الي اقدر ؟؟ و ين الي يحترم ؟؟
المشكلة انه عبالكم اذا الرجل قبل او سوي شي عشان اقلل المشاكل ف هو ضعيف ؟؟
انا اقول شوفوا روحكم بس ..
رساله ل ام ساجدة.
ليش اذا الأجنبيه تدلع زوجها عندكم انه مافي حب و لا في موده و لا في احترام و لازم هي ( بتقول جذي لانه تبي تطلب شي )؟
لا تتطلبون و قدروا الزوج و احترموه انا هذي نصيحتي...
و باعدوا أمهاتكم عن مواضيع نقاش أزواجكم

مقارنه

كيف اقل تكليف وهي سنويه بتسافر لوطنها غير تذكره الطيران وصوغه لاهلها ومصرفها ... وفير چذي طول عمرها تكوش عشان تشتري لها عقار ببلدها وزوجه اجنبيه حالها حال المواطنه تبي ذهب تبي البيت تبي سياره وتبي خادمه ... ف شنو يفرق

حلاة الثوب رقعته منه و فيه

عندي يدفع تكاليف الزواج افضل ياخذ له اجنبية خصوصا اذا كانت غير عربية فالعادات و التقاليد تختلف و ممكن تصير مشاكل حتى في تربية الاولاد و تعال قص ليها تذكرة كل سنة مرة او مرتين لبلدها و هدايا لاهلها و ترى هم يصرفون نفس البحرينية ما في فرق و يمكن أكثر بعد

مو بس التكاليف

الاحترام و تقدير مكانه الزوج ... شوفي التعليق الي الأخت كاتبتنه تحت ...
لسته الطلبات و تقول مقارنه ... ليته البراده اقل منها ...
والله تخيلت انه أميره او ملكه طالبه كل هذي الشي

مو في كل الحالات

بعض الشباب يرفضونه بنات الديرة لان سمعته مو طيبة او صاحب سوابق فيتزوج اجنبية

صحيح

يروح يستر على روحه هناك وعقب كم سنة يرد يدور له بحرينية وبنت اجاويد

اتفق مع الأخت ... البعض عنده هذي

المشكلة...
بس المشكلة الرئيسيه في نقاش اليوم و عن اغلبيه الي يتزوجون من أجنبيات ...
البحرينية ما تقدر الي أسويه الزوج ... هذي غير تدخل اَهلها او اذا عندها ام يا كافي الشر منها ...

كل ساقط له لاقط

اقول هذا مو هروب من التكاليف
طبعا لانه الرجال ماشاء الله عليه سمعته ذهب الكل يعرف فعايله من جدي يروح دور له اجنبيه ماتعرف عنه شي

اؤيد بقوه

الزواج من اجنبيه راحه الصراحه الاجنبيه اتدلع الزوج تدليع المستورد غير

انت دلع

دلّع عشان يدلعونك!

طل في عينك

لين جفت البايفيتر كل اسبوع في شقتك بتعرف انه غير

ليش ما

مو المشكله مو بالزواج من أجنبية

المشكله قصور نظرة الرجال لكلمة الشرف

يعني يأخذ وحده لها مو علاقة ولا ثنتين قولوا أكثر من 20 إلى 30 علاقه اذا مو أكثر

ولي يسمع أن البحرينية أو حتى الخليجيه لي بياخذها كانت تحب واحد

اعتبرها مو زينه

أنزين لي مرتبط فيها ليها علاقات ج ن س ي ة

والموضوع عادي وربيع عنده

صراحه عبره عبره

وبعدين التذاكر وهدايا أهلها الفصلية والسنوية أزيد

الفلوس اتولي بس شلون تقبل على نفسك تكون الأخير

تناقض رهيب

اسف بس هذي اعذار اختي

اول شي لازم الواحد يعترف ف أخطائه و بعدين ( يرمي التهم على الناس ).
ليش حاطه في بالك انه الأجنبيه ( لازم تكون عارفه أشخاص قبل الزواج ؟
ليش ما تكون شريفه مثلها مثل اي وحده ( طبعا حسب عاداتها و تقاليدها )؟
و الأجنبيه مو شرط انه ما تكون عربيه و عندها نفس العادات و التقاليد ....
انا اقول شوفوا روحكم و تصرفاتكم احسن لكم ....

زائر 69

اتحداك تثبت
الاجنبيه ليها علاقات ووياك ويا غيرك
وخل واحد من لي معرس فلبينيه أو اسيويه أو حتى ايطاليه فرنسيه اي شي من طختهم عذراوات
وعموما لي عندنا من هالنوعيه لي ياخذهم مثلهم كل ساقط له لاقط

فعلا طلباتها أقل فزواجها في غير مشقة و كلفة ، حتما الأهل معارضوها بدءا ثم هي تذيب الثلج بينها و بينهم من بعد تدريجيا ،حينما تخدمهما بعينيها على خلاف البحرينية غالبا , و فضلا عن كون الزواج بالأجنبية شهر عسل لا ينضب شهده ! خلافا للوقعة و الحنّة و الرنّة و الطلبات المتواصلة !!!!!!!!!!!!!!!!!!!

ام ساجدة

تبطون جبدي لين سويتوها ملاك
حسبي الله عليكم ماتيي الطحنه الا من قلة شغلكم او تقصيركم في البيت والمراة البحرينه تشيل البيت فوث راسها ولين قالت لك ابي يعني ماقاعدة تفسفس البيزات مني ومناك اذا مو للبيت حق العيال وتبدي كل شي على روحها

أوافقك الرأي عزيزي

عندي أصدقاء تقريبا اقولون لي نفس الكلام ..

مع اني لست مع الزواج من اجنبية لان في اعتقادي يمكن تكون التكاليف اقل لكن البنت بتتغرب وتحتاج تزور اهلها في كل سنة على اقل تقدري وهذا مكلف مستقبلا اذا صار عندها اولاد وفي النهاية الزواج قسمة ونصيب والله يوفق الجميع

مجبر أخاك لا بطل

المططر ويش أسوي خوك ...
تعال شوف السان و طلبات الي عندنا

شاهد عيان

الزواج من بحرينية التكاليف معروفة و بعد الزواج تكون الحياة على الحلوة و المرة .
الزواج من أجنبية التكاليف حتى بعد الزواج كل سنة سفر و هدايا للعائلة كامل و أي شخص يمرض أو يمر بضروف إرسل مساعدات بالعربي بنك للعائلة و إذا ما عندك تبدأ المشاكل.

والله هذي الشي يُبين سوء التصرف عند الاثنين

تروي اغلب الي يتزوجون الأجنبيه مو لانه المصاريف تكون اقل بس .... الاحترام و التقدير مهمين
التذكرة الي تتكلمين عنها .. البحرينيهدما تسافر في السنه اقل شي مره ؟ ولا تشتري هدايا ل ناس الزوج يمكن ما يعرفهم ؟؟
على الأقل و بعد رضى الزوج اذا الأجنبيه ودت هدايا ل اَهلها ( اشيلونه على رأسهم اذا سافر ) لانه اقدرون العطاء ...
مو الي عندنا ( كانهم جهنم تقول هل من مزيد )

الإمام علي عليه السلام: (أحبب حبيب آل محمد وإن كان فاسقا زانيا, وأبغض مبغض آل محمد وإن كان صواما قواما)...الصدق ما ألوم من يتزوجون أجنبيات! لكن أكبر مشكلة مع الأجنبيات هو أن هؤلاء الأجنبيات في أحيان كثيرة أقل وفاء من البحرانية! هذي مشكلة مهم التنبه ليها! أحنى الشيعة معروفين بأنه أحنى طيبين المولد وما يصلح أنسوي من روحنا غرضا يرمى! لكن بعد ما ألوم من يتزوج أجنبية! مجتمعنا هرار ولحين ما يتشاور مع بعضه ولا يوسع صدره مع بعضه ويعالج أمور بعضه البعض ولا يحمي المؤمنين الضعفاء الفقراء في أوساطه!

من وين هالحديث

انا شيعي اول مره اسمع هالحديث عن أمير المؤمنين يا اخوان وخوات تحققوا قبل النشر" يوم لا تملك نفس لنفس شيئا و الامر يومئذ لله" بس انا قرأت في خطبة المتقين " و هم لأنفسهم متهمون" و لا حول ولا قوة الا بالله العلي العظيم

هالزمن ! عزيزي! إذا شفت حديث!تكتبه في قوقل ويطلع ليك مصادر ليه!

ههه اعتقد انته مو عايش حاليا

لو تقرا الجريدة كليوم وتجوف البلاوي هذا غير المخفي :) صارو الاجنبيات اشرف من اغلب اللي انت تتكلم عنهم في كل مكان في الصالح و الطالح

الاجنبية مابتنشر في اسرار البيت

البحريني كل تبي تفوشر
ومع خواتها واصدقائها
اما الاجنبية السورية
حلوين و يتحملون برجل
مثل مال اول النساء تعبد الرجال

المهم ان تكون البنت فاهمة لحالة اللي بتتزوجه .. يعني مو الكل اغنياء وكذا وفوق ده يعني اذا الزوجة ضيقت على زوجها ماديا في بداية الزواج فهذا راح يضيق على حالها ماديا بعد الزواج .. لا مانع من المهر ولا من بعض التكاليف لكن مو لحد اللي يطوف ال3000 دينار .. ولازم الزوجة ما ترهق زوجها اذا كان غير متمكن ومن يفتحها الله عليه بتسبح بخيره .. أما انها تخسر عشان لفشار فهذا شي سخيف صراحة صالة ب3000 وبلاوي وغيره .. هم اولى بها في حياتهم من يعطونهم الصالات

لتأكيد الرواية فهي قوية جدا ولها ثلاثة مصادر من أقوى ما يكون من مصادر كتب الشيعة! أن لا تفهم حكمة الرواية ويقصر عقلك عن إدراكها لا يعني تكذيبها! ...آل البيت عليهم السلام أعلم بما يقولون! ا...

لو يرجع الزمن

لو يرجع الزمن اخذة اجنبيه احسن ليي الحين عندي مرة وين اصرفها وعندها اعيال مطالبها ماتخلص

زائر 4 شفيك

يعني اذا تزوجت اجنبية ما راح تصرف على عيالها ؟! هالمنطق اللي تتكلمون ابه و شي اكيد سواء تزوجت بحرينية او اجنبية راح تصرف عليها و على عيالها و هذا واجبك كزوج و أب و الله الزواج عندكم بس جنس !!

أخي الكريم

يعني اذا أخذت أجنبيه ما بتصرف عليها .. ما بتوفر ليها مكان .. ما بتوفر مأكل و ملبس .. ما بجيب منها اعيال و بعد صرف .. ما بتكون مشاكل بينك و بينها في طريقة تربية الجهال أو تغيير عاداتها .. أو مطالبتها لك سنويا زيارة أهلها و هدايا الى أهلها .. و المكالمات التلفونية إلى أهلها .. طلعت عليك أكثر من البحرينية في الصرف و غير الصرف

والله مسخره !!

سواء خذيت بحرينيه او اجنبيه في كلا الحالتين بتصرف عليها لانه هاي واجبك !!! دام ماعندك وماتبي تصرف عليها ليش متزوج اساسا !!!

طبعا مو بس موضوع الصرف

الرد الاول يتكلم في اساسيات الحياه و هذي خطى... ندري انه بيصرف على البحرينية أو الأجنبيه ... الفرق في تقدير الأجنبيه ل كل شي كبير و صغير أسويه الزوج ،،، و لا تتخيلون انه الأجنبيه دائماً فلبينية او امهات العيون الصغار ... في واجد احسن منهم و عربيّات و اقدرون...
طبعا الموضوع مو دائماً الجنس ... هو جزاء بسيط من الحياة ..
انا عندي أصدقاء ندمانين لانه ما تزوجوا من اجانب من قبل ( بعد طلاق البحرينية )؟؟
التفتوا ل حالكم
الزوجه لازم تقدر و تحترم الزوج.
الزوج لازم يعطي حنان و حب و أمان ل الزوجه..
خلاص.

!

انت فاهم غلط لويعود بك الزمن وتاخذ اجنبية بعد بتسب فى الأجانب الخلل فيك اخي الكريم.

مافي عليها

الزوجه الاجنبيه مافي احسن منها احسن من الي عندنا الي اكثرهم مايأدون حق الزوج بس يبون حقوقهم واكثر بعد

الصراحة اني اخووي متزوج اجنبيه غربال اول ترضى بكل شي وبعدن تبي اكثر من البحرينة كفاية سفراتها وهدايا الى اهل وكل واحد يمرض من اهلها لازم تطرش فلوس

أوافقك الرأي

اغلب ال بنات في هذي الخانه

؟

الأجنبية لا فيه زود عن باقي النسوان ولاتهرون علينة شفنة طوالة اللسان واليد بعد منهم فى اكثر من حالة.

امك واختك وبنت عمك مو خوش

بنت البلد بايره

هذا ليس هروب من الزواج انما من قلت الرواتب والسكن وغيرها من متطلبات الحياتية والزوجية

مو دائماً نرمي مستوي المعيشه

و نخليها شماعه ... اتعب و ثابر عشان توصل او ع الأقل تصير احسن ...
تقعد مكانك و تبي الترقيه و البيزات تنزل عليك؟؟

ليش الاجنبيه ماتحتاج سكن واثاث واطفال ومصاريف و شهريه وتالي سياره تودي وتجيب العيال المدارس وسفر لزيارة اهلها سنويا. واذا على الحفل كثير من العائلات ماتسوي. ولكن المطلوب من الاجنبيه هو التحرر لبست او لا اسمها اجنبيه. ولاتهتم في دين ولا مدهب. والي ياخد اجنبيه حق رغباته الخاصه واستحقار لابنائه. ان قال السبب هو التكاليف

تحتاج

بس ماتحتاج مهر عبلة و حفلة الاميرة سندريلا ولا فشار ام الخضر و الليف

مشكله نظرة الجه الوحدة

سويتين لسته ويش طولها و كأنه البحرينية مسكينه ما تطلب شي ؟ هذي بس الطلبات... تعالي شوفي طولت اللسان بس ... بروحه مصيبه
كأنه الرجال عنده مال قارون مو المسكين يكرف عشان الأميره الي في البيت ما تقدر تعبه ( مو كل البنات ... اغلبهم ).
ولا تقصون على روحكم...
عنسوا احسن

لا كلش

كلش الزواج من البحرينية نفس الاجنبية، اوتعوا لروحكم الحفلة الوحده بثلاثة الاف و كل وحده تمبى اقل شي ثلاث حفلات، غير الشبكة و المهر و مصاريف بناء شقة قبل الزواج، صار المجموع ١٢ الف، ترا المعاشات على ٤٠٠ دينار، لو ما بصرف شي من المعاش يمبى ليي سنين عشان اعرس، اعرس على اجنبية ، على الاقل بالحلال

البحرانية وبس

انا رجال تزوجت بحرانية وصرفت على تكاليف الزواج مرة وحدة فقط ولله الحمد بقناعة تامة
وعرف كثير من الرجال اللي استكثر يصرفون على حفل الزواج من بنت بلدهم وراحو تزوجو من اجنبية اشوفهم كل سنة يدفعون تكاليف سفر الزوجة وعيالها أضعاف مضاعفة ليومك هذا وباقي الطلبات والمصاريف اليومية والدراسية الكل يشترك فيه الزوجة الأجنبية والبحرانية الا البخيل يعتقد دفع مصاريف الزوجة والأبناء إسراف غير ملزم به .