في الصباح، وبعد الظهر، وفي كل أوقات الذروة بالشوارع العامة، أصبحت الكثير من الأخلاقيات والسلوك العام والآداب لا وجود لها، فضلاً عن الأنظمة والقوانين التي تُضرب بعرض الحائط، وكأن البعض لا يرى إلا نفسه في الشارع...
"المربع الأصفر"، وعلى الرغم من الإشارات التحذيرية والإرشادية، إلا أن الكثير من أصحاب المركبات لا يلتزمون بعدم دخوله إلا في حال كان الطريق سالكاً.
وبهذه الحالة، يغلق المسار أمام غيره من المارة، من دون أي إحساسٍ بالمسئولية.
لا مربع اصفر و لا هرار
اذا الزحمة من قدام و انت عديت الاشارة خضرة و صرت في المربع و السيد وقف يعني شتسوي ؟ ترجع ريويس أو تضرب حبة تطلع جناح و تطير !! و ثانيا اللي يقول انه يوقف حتى لو خضرة هذا اصلا يعطل اللي وراه و مابيتحرك السيد الا سيارتين و تقفل الاشارة مرة ثانية ، يعني مافي فايدة وقفت أو تحركت السيد واقف يعني واقف
كارثة
المشكلة مو بس يسكرون الشارع و عن طريق الوقوف بالمربع الاصفر ،، المشكلة الأشارة خضرة و حضرتهم يسولفون واتس اب بالتلفون و يعطلون السيارات الا وراهم و هم خبر خير ،، المشكلة يسوق و يطقطق بالتلفون و يمايل بالسيارة بالهايوي على اليمين و اليسار ،، يرجى نشر موضوع يخص استخدام الموبايل اثناء السياقة.
الغلط في ادارة التخطيط
الغلط من ادارة تخطيط الشوارع ، هم يدرون ان الشوارع ما تستحمل هالاختناق المروري لذا يجب عليهم توسعتها و تخطيطها بعناية لتستوعب مستخدمي الطريق ، و الحكومة بعد خلها توقف التجنيس لان البلد ما يستحمل تجنيس عشوائي بسبب صغر حجمه، طلعوا الاجانب و بتخف الزحمة وحتى المربع الاصفر بيصر فاضي ، يكفينا اتجاه واحد للسكان الاصليين ..
وقفت على مربع اصفر واحد
في مناطق ثل الرفاع كل من يجي ويدخل المربع الاصفر اذا ماتدخل المربع الاصفر ماراح تمشي لان المربع دائما مسدود ولا في مرور ولا في من يحاسب وتعال شوف مو بس الي يتجاوزون الكل ويوقفون بداية الطابور في من يطلع والاشاره حمراء وفي الي يجود يمين ويلف يسار وفي من يتجاوز من اليسار من مسار الالتفاف ويدخل السيد
موضوع مهم
في بداية مقطع الفيديو عند الثانية العاشرة توجد سيارة دفع رباعي لونها ابيض قامت بعملية دوران عكسي مخالف وهذا التصرف لا يقل استهتارا عن دخول المربع الأصفر.
نتمنى كذلك ان يتم تسليط الضوء على السواق الذين يتجاوزون الطابور مستخدمين مسار الطوارئ ومن ثم الدخول في اول الطابور حيث ان هذا التصرف الغير اخلاقي يجعل من الواقف في الطابور يتعطل بسبب إغلاق الإشارة بينما المخالفون يتمكنون من عبور الإشارة قبل ان تغلق بسبب تجاوزهم الطابور، نتمنى من ادارة المرور ايضا ان تقوم بالتشديد على هذه الفئة من السواق
أمس هندي في ميني باص طلع اشارة حمرة
لو لا لطف الله لكان حادث مفجع لان الهندي طلع اشارة حمرة على باص وزارة التربية وفيه مدرسات
اشارة الجنبية
قلة ذوق
ساعات مواضيعكم ما تكون منتقاة بشكل جيد
....كان في سيد وش يسون يعني يرجعون ريوس مكان ما جوا لو يشقحون الرصيف ليش ما تتكلمون عن اساس المشكلة و عن الزحمة في الشوارع بسبة الاجانب واللياسن اللي تتوع بالهبل
رجاء نشروا التعليق
كل من مسوي روحه عباس المستعجل
اذا فيه زحمه يوقفون عند خط الإشارة لما يتحرك السيد قدام المربع يتحركون. مو عذر انا يعطلون الإشارات كلها عشان بس هم يطوفون
تقاطع راس رمان
يوميا وفي اوقات متفرقه يحصل هذا الامر في تقاطع راس رمان وانت قادم من جهة شارع المعارض او المنطقة الدبلوماسية ويوميا اتصل للمرور واخبرهم بالوضع ولا يوجد استجابة بالمرة
يجب اعطاءهم مخالفات لتسببهم بتعطيل المرور
أنا شخصيا أقف حتى لو كانت الإشارة خضراء ولاأدخل المخطط الأصفر إذا كان غير سالك ولكن للأسف الأغبياء الذين خلفي يريدون اجبارك للتحرك في المربع ويضربون هرنات
طنش
طنش ، يتعطل كم واحد ولا تتعطل أمة
.
...هذا عند المنامه ويوميا زحمه والاشاره تبند وتشتغل والشارع زحمه وما يصير ليهم فرصه يطوفون الا بهالطريقه ,, انا مو منهم لكن مراعاة للزحمه والشوارع الضيقه والانتظار الطويل ,, اتمنى ما يجي يوم وتحاسب الجهال تصورهم ليش يرمون عصاية الايسكريم عالارض ,...
ورا تويوتا
ورا تويوتا بلازا مدينه عيسى اشاره سلماباد تتعطل بسبه الي يدشون اصفر ف المدينه تقعد لك نص ساعه
بس ساعات
السائق يطلع الإشارة خضرا ويسك السيد ف يضطر يوقف هالوقفة
ما أنكر أن فيه من اللي ما يهمه إلا نفسه بس شكلهم اللي بالصورة بندت الإشارة وهم ما عدو الخطوط
بالأخص اللي عند السلمانية صادني مرة موقف وخفت خخخخخ
حتى لو
بس لو الاشارة خضرة و انت تشوف نفسك اذا عبرت
راح توقف في المربع لا تعبر ... وقف
حتى لو اللي وراك مزلزلنك هرن
قلة وعي
هذا التعليق يدل على ان في ناس ما عندهم الوعي بهالمربع
ترى فكرة المربع ان اذا ما عندك مجال ما تدخله حتى لو كانت الاشارة خضرة
بحاجة لنشر الوعي و اضافة كاميرات إلى التقاطعات المهمة ، الناس ما تنضبط إلا اذا في عقوبة
الدوار الرندبوت
الدوار كان يعمل بصورة افضل من الاشارة بشهادة الجميع.. لا مربع اصفر ولا فوضى وازعاج نفل الاشارات
النجار
امة تعبانه، المفروض كاميرات عند هالتقاطعات تبلحهم
صدقت
شفت كاميرات السرعة ضبطتهم عدل
خلاص
الحين بسوى لنا قصه اولى عدلو روحكم بعدين تكلمو اذا بلد زحمه ويش ناس تسوى لكم
احترام
لو الناس تحترم نفسها و تمشي عدل ما تصير زحمة و لا خرابيط
التزم بالقانون
اذا كل فرد التزم بقوانين المرور الشوارع بتكون سالكة
والالتزام اذا كان نابع من الذوق والوعي وحسن التعامل والتربية سيكون أفضل من الالتزام النابع عن الخوف من العقاب
وسلامتكم
اكبر مثال
تقاطع جامع راس رمان. العبور من الدبلوماسيه لشارع القصر ياخذ في بعض الاحيان نصف ساعه او اكثر لاجتياز مالايتعدى 100 متر وذلك لقله ذوق بعض السواق. الحل بتواجد المرور فتره الضهيره.