من يلمْ الشرْخ

فـِ طْعون الجدارْ؟

يالجدار اللي هواجيسك كْثارْ...

هالجبين الرملْ

هالرملْ الجبينْ...

يحتري صدرٍ دفاه مْن الحنينْ...

آه ياجْدار الحنين...

خلِّني بينك وبينْ الشرخْ دربْ...

خذ بديني شرقْ

وانْ توَّهْتْ غربْ...

هالغموضْ اللي على وجهكْ فضوحْ...

وقصة الأعيادْ لو موَّهْتْ

هي قصة جروحْ...

يالمريض بـْ هالمدى المسفوحْ

من فضَّة مداكْ...

يالخطا من وردة الغفرانْ

في «جمركْ» وْ «مْاكْ»...

جيتْ من أقصى الخفوقْ...

سرْب يصفقْ بالعروق...

وانتْ ديمة هالمكان

اللي نشفْ ماه ومداه...

إنت «صوته» وانتْ «صداه»...