الاجنبيه ماتبي مهر عاادي بس بعد الزواج تبي تذاكر سفر ومصاريف ليها والى اهلها على اساس ماخذه خليجي البحرينيه مسكينه سنين تدفع قروض ولا سفر ولا طلعه انتنين تقبلين جدي

ماسمعنا أحد تزوج من أجنبيه بالعكس دهنا بمكبتنا

اعتقد هذا الكلام لاينطبق علينا احنا (البحرانيات) طبعا مو الكل
بس الله يسلمكم المهر اللي هو 1500 اخذناه ورجعنا مره ثانية وفوقه ادبال
وليومكم احنا نصرف على اشياء المفروض الرجل يصرف عليها من بيت واطفال وغيره
بس ماعليه الحياة جذي شراكة
الشي اللي تأسفت عليه ماسويته قبل زواجي مارحت الحج
متحسفة عدل بس كانوا كله يقولون لين عرستين مادروا ان الحظ عقب العرس ينقرد خخخخ

أولا السبب اللي ذكرته هيفاء صح بس ما ينطبق على كل الشباب البحريني لأن بعضهم عيونهم زايغة ثانيا مو كل البنات يتطلبون مهور غالية وحفلات ضخمة معظمهم يرضون بالقليل ويبون الستر وثالثا البيت المستقل من حق الزوجة واللي يقول غير جذي لا يتزوج السكن في بيت أهل الزوج مافيه غير المشاكل وهذا عن تجربه ما ارتحت من المشاكل الا لما طلعت من عندهم وبعت شبكتي بس علشان اتخلص من مشاكلهم ورابعا هيفاء زوجها بغض النظر عن جنسيته مقتدر ولو سوا لها حفلة ما في مشكلة الكلام موجه حق الشباب الغير مقتدر فلا تخلطون وتفتون وايد

اللي يقول تبي شقة بعد واثاث
عيل وين تبيها تسكن لا يكون الشقة ليها بروحها
ولا الاثاث بتاخذهم بيت ابوها

الكل يهرب ويتكلم عن المهر... الموضوع الأساسي هي المصاريف على الصالة وباقي الأمور فهي التي تكسر ظهر الزوج وتؤثر على حياة الزوجين في أحيان كثيرة بالقروض وقد يكون الزوجين متفقين على عدم اقامتها ولكن الأهل وهرارهم وبعدين يظل الفقير والفقيرة طول عمرهم في القروض بسبب هرار الأهل.
المهر ألف دينار في الأكثر والطايح 500 دينار
ولكن تصل الأمور إلى 4 آلاف دينار و 3 آلاف و500 دينار بسبب مصاريف ليس لها أساس إلا المفوشر لا وبالقروض وبعدين ما عندهم دينار حق أثاث أو حق أولادهم أو حق أمور أساسية في حياتهم

مهري يازعم في العقد 1500 وماحصلت منه الا 600 دينار وها ال 600 اتقاسمتها ويا رجلي هههه اشتريت حدي منها نضاره وعدلنا ابها سيارة زوجي واتقولون ناخد امهور غاليه

اي والله يخلون الشباب يهربون يحمدون ربهم ادا عرسوا

متزوجه الثاني و تنصح البنات يقللون من مصاريفهم ؟
اساسا اذا نست وضع البحرينيات,,, وااايد منهم حته مصاريف الحفله يشاركون فيهه من اول الزواج يساعدون الزوج ياخذهم دارسين عندهم سيارات و يشتغلون و يبقه عليه بس الحفله و السكن ... يساعدونه في الحفله و السكن و اهوه مريح عمره مايبي يدرسو لا يتعب ولا يتطور و تاليهه يقول لاتتطلبون و البحرينيه و البحرينيه !!!! البحرينيه ذهههههههب مافي منهه و طبعن مافي شي يشمل الكل
بس البنت تعبانه على عمرهه دارسه و مشتغله لاتتوقع منهه بترضى باي شي

الاجانب ما يطلبون مهر غالي صح
بس الخاتم غالي يكون
الحفلة مالتهم مكلفة احنا ما نصرف كثرهم على الورد والاكل والتزيين لمكان الحفلة
وشهر العسل عندهم شي اساسي جدا
احنا عادي بعد ما تتعدل الظروف نسافر
يعني بلاخرابيط وتقولون للصبيان ان الاجنبيات ما يطلبون ولا شي عقب يطلع عليهم اغلى من بيع السوق
نفس اخو صديقتنا عجمي اخذوا له بيتهم ايرانية ماتعرف حتى عربي يقولون عشان ما تتطلب وهو ما يثبت في شغلة
ما ترضى تقتنع الا باطقم الذهب وصرفها كانها طالعة من طبعة ومو شايفة خير
لو اخذ له وحدة نفسه ما صرف هالقد

يأمرون الناس بالمعروف وينسون انفسهم
والدليل تركوا البحرينين ورواحوا حق الإمارتين لأن فلوسهم أكثر ولا فوق هادا فوق حرمته الاولى وبعدين حسوا بالشباب ليش اختي ما حسيتي بزوجته الا ولى

مهما كان بتبقى بنت البلد هي الاساس
ها مافي وحدة بدون مهر ؟

الحمدلله مهرنا الف والحفلة في ماتم معظم بنات البحرين متواضعين بس اللي في بالة ياخد أجنبية حتى لو البحرينية ما طلبت مهر بيتحجج

صح كلامك ... الرجال اذا حب يتزوج بنت اجنبية لأن يشوف فيها مميزات معينة قام يحط عيوب في بنت بلده و هذا غلط ... اذا الشاب عاجبتنه الأجنبية خل ياخذها بس مافي داعي ان يأثر في عقول الشباب المقبل على الزواج و يخليهم يكرهون الزواج من البحرينية

عرس بذيج لحجايه وسياره 2016 وسفره واويلاه وشقه واثاث كاامل ...تالي اتقولك ما سويت لي شي...طيح الله حضج من مرا

سؤال يطرح نفسه هيفاء حسين ليش ما اخذتي بحريني لان البحريني فقير?
وعرسج كم كلف وكم مهرج ?
احنا البحرينيات مهرنا ما يوصل 2000 دينار وما سمعت احد طلب شبكه الماس يطلبون ذهب

مسكينة البحرينية
متواضعة لكن كله مظلومة
نعم ما ننفي أن البعض فعلا طلباتهم تكسر الظهر
لكن أغلب البحرينيات متواضعة وفوق هذا تساعد الزوج في المصاريف

اني وحدة ما تشرطت و لا طلبت ... و قلنا للمعرس و أهله احنا نشتري رجال ... الحفلة جلوة في المآتم و صار ليي سنين اصرف على روحي من فلوس شغلي و أساعده في الصرف على البيت و الجهال ... و في مجتمعنا نماذج واجد مثلي من البنات اللي ما تهمهم الماديات فما يصير نعمم و نقول ان الشباب البحريني يفكر في الأجنبية لأن البحرينية متطلبة... هذا ظلم و اجحاف بحقها

نفس الحال اختي وللحين اساعده في الصرف والايجار...وبنات البحرين فيهم الشيمه اكثر من اﻻجانب

.. لهذا تتزوج المواطنة من أجنبي .

زائر 70

شلون ماتكلف.؟ من سنوات قليلة طلعوا لينا بنغمة سكن مستقل؟! على شنو ياحظي واكثركم ماتعرفون تديرون شقة مو بيت . حتى استكانة جاي ماتعرفون تسوون مو طباخ بعد الله يرحم نسوان لول حجرة وحمام في بيت عمها وتظل عيها سنين ولا تتحلطم وشوفها دايرة البيت من تربية وتنظيف وكنس وطباخ و

عزيزي سكن مستقل لان الاهل صارو يتدخلون في كل صغيره وكبيره فالسكن المستصل يبعدك عن الكثير من المشاكل ويكون لج خصوصياتج تعزمين الي تبين ووقت الي تحبين بدون لا حد يقط عليج كلام جارح

هذاك زمن والحين زمن والحين،تتطلبات تختلف عن قبل والجيل واعيي

عدال عاد الماس وهرار احنه ما نتطلب وصلنه لعمر 35 ما تزوجنه لا وكل واحد يجي هو الي يتطلب ويتفلفس الرجال ما يبون المتواضعات يبون وحده تكسر ظهورهم

جزاها الله خير والله زين انها قالت لينا والا كان متوهقين الحين !!

البنت البحرينية أكثر قناعه من اي بنت خليجيه والدليل امها تأخذ واحد راتبه قليل وتواصل معاه حياتها ولكن ما يبين بعيونه انها عايشه بغرفة مع اهله مع إخوانه وراعيه بحالها
دائما الرجال يفكرون بأنفسهم فقط لين انت قدرت بنت الناس اهي بتقدر وتفهم وضعك وبعدين من فال الاجنبيه ما تبي شي كافي ريحتها لأهلها كل سنه مرتين أو ثلاث والهدايا الي توديها لهم أو إذا طلبوا منها مساعده لا يقص ع روحه البحريني وبنت بلدي احسن من مليوون وون اجنبيه

اذا كان هذا السبب الحقيفي وراء زواج البحريني من اجنبية فهو عذر اقبح من ذنب، مع اني اختلف مع هيفاء في ان هذا هو السبب الحقيقي

مره دخلت مقابله اول شي البنت سالته لي الخطوبه تفضله بصاله او ماتم استغربت من هذا السوال هل اصبح هذا الامر اهم من الدين والخلق

لا اكيد مو كل بنت يكون نفس التفكير يمكن لان هي تفكر بالمظهر الخارجي وماتفكر بالمظهر الداخلي

كونوا صادقين - لا يوجد اكثر من الفتاة البحرينية قناعة ورضا وصبر فمهرها قليل ومعظم الفتيات الان يعملون حفله واحد وتكون بسيطة واحمدوا ربكم - من يرضى من الرجال ان يزوج ابنته او اخته بدون مهر ولا شي -الرجال هم معظمهم من يشرطون على الزوج بان يقدم الى ابنته كل شي وان يكون لها سكن خاص ما ترضونه لبناتكم واهلكم تمنوه لغيركم - واما من يقبل على الاجنبية ليس لقلة المصاريف بالعكس الاجنبية مصاريفها اكثر وتريد كل شي بعد الزواج - وانما تزوجها لقلة الدين وعدم الحجاب ...

للأسف ياحسافة على بنات البلد ، حسو بحالنا أحنا الشباب هبابنا نقدر نسوي شي ، سيارة ، شقة ، تأثيث ، وزواج بقروض وفوق هذا متطلباتكم فوق البنت الاجنبية المعنى النبي محمد وصى على خفض تكاليف الزواج وكان في ذاك الزمان قرآن فقط ، ليش جدي تسوون فينا عقب تقولون تزوج من أجنبية أو دخل في الحرام بسبب رخص الشي ، تفكيركم ومقارناتكم بناس مشاهير وعندهم بيزات فلانة عندها وسوت أني ليش ما اسوي مثلها ، ليكون قاعدين ليكم على بنك حسو عاد ، واللة حرام مافي شي في الدين يتطبق كلا هرار وغازيينكم بتفكير غلط

كلامها منطقي و عقلاني. باختصار فكروا في غيركم قبل ما تفكروا في نفسكم

استغرب من التعليقات ليش تقارنون نفسكم بها، انتوا حافين ومنتفين وتتطلبون ، بس تنتظرون واحد ينتشلكم من لفقر، هذا لو انتوا مشاهير مثلها شنو سويتون بروحكم وشنو بتكون طلباتكم

السلام عليكم

انا ابغي الثانية بشرط بدون مصاريف أنا موجود في الخدمة

لأنك حافي منتف تبغي وحده تصرف عليك مو عليها

احم احم انا متزوج اجنبية وتايلندية للتوضيح ومسكينة حتى دبلة ماخذت لها وسنويا اروح تايلند مرتين حتى قبل ماتزوجها مواصلات وسكن بلاااااش

انزين عملتنا أقوى من عملتهم فأكيد البيزات الاشوي اهني هناك عندهم واجد ما يحتاج دبلة وذهب الستين دينار اذا تجمعت لسنين طويلة وطرشتها لاهلها بتصير غنية هناك

من جذي انتي ماخذنش واحد اجنبي

البحرينية اول ما تنخطب ويمر اسبوع اقولها من نماذج قدامي اول شي تبغيه تعالج ضروسها وعند احسن دكتور هههههه على حساب الفقير وتشلخه شلاخ عن كل جلسه ٤٠ دينار وعادي التكلفة الإجمالية توصل اكثر من الف دينار وهي في بيت ابوها ما تشوف المعجون .
وكل مو عاجبتنها الا الشقه صغيره والا تبغي دبله الماس من داماس وتشلخه ديون على مدى سبع سنوات وفي الاخير لين صار في ضيق مادي تقوله انته ملزوم فيني وما تصبر في وقت الضيق تتطلب من ابوها فلوس وتشكي الحال. الله لا يبلانا بچدء مره

حرام عليش تقولين هالكلام البحريني يصخي يدفع في سياره اي مبلغ ويستخدمها بالكثير ٩سنوات ويبدلعا والمره ما يصخي يدفع لها ربع المبلغ اللي يدفعه في سياره ويبيها تطبخ وتغسل وتربي اولاده وتوصيل مدارس وتشتري اغراض البيت وتخدم اهله وتكرف كررررف الجهد وتالي بعد يقول عنها مقصره في حقه هي مو الفين دفعها لها وياريت استانست بهم بعد الا حتى حجرة النوم من مهرها والله قهر لا تخلونا نقول ازيد بعد خلونا ساكتين ابرك

اذا وحده بتنصح تتزوج بحريني مب اماراتي او كويتي وترى البنت البحرينيهوايد متواظعه وشبابنا حمود ربكم ترى أنتم بخير وعندكم نعمه وإذا تبون الأجانب تفضلو

البنت يختارها الرجل مو هي الي تختار الرجل لو عندكم هذا الموضوع غير بعد و على فكرة البحرين انشحنت من الاجانب و الحكومة وطنتهم يعني بحرينيين جدد و يشتغلون في الشركات الكبرى و الوزارات عليكم بألف عافية خل ياخذونكم و الشباب خلهم يتزوجون من الاجنبيات الي تبي رجال وبيت مو طقطقه ومخاسير وبعدين أعيش مديون ٧ سنوات وبعدين تقول مقصر على

زوجه ثانيه
وأكبر منها ب 20 سنة ادا مو أزيد
وأطلقت من البحريني لي من عمرها وعرست بهدا
وشوف وش سوت يوم خذته وقاعده تنفخ علينا
اني لاخذيت مهر لاحفلة
عقد وجلوه
وسافرت
وجاب ليي طقم ذهب منه ومن نفسه ب 800 دينار
واكو محطوط لبناتي
وشقتنا اني رممتها واثثتها وعدلتها ماخليته ياخد قرض

هي زوجه ثااااانيه
وليست أولى
وتشوف روحها وش طلبت
كبر أبوها ماخده وتتفلسف

لم يترك الأغنياء للفقراء سوى الله

شدخل الأغنياء ، عاداتكم وتقاليدكم هي السبب ، لا تلومون غيركم ممن من الله عليهم بالمال الله يغنيني وياك بس

أنا شخصياً أوافق علي هالكلام و فعلاً الطلبات مبالغ فيها جداً جداً و العقبات و المفاشر الزائد فا بطبيعة الحال من الخارج أفضل بكثير و هناك أسباب اخري أيضاً تدعم الزواج من الخارج ،، بنات البلد طغوا كثيراً فلهم ما طلبوه و الشباب متجه للخارج و في ازدياد !!

سؤال للبحرينيه هيفاء حسين.. كم كان مهرك وماذا كانت شروطك..وفي اللهير كم مأخر الصداق...بعدين اذا اثبتي بأنك كما تقولين فأن البنات سيتخذونك قذوه لهم في طلباتهم الخفيفه.

كلامها صحيح و لكن هل هي لا تناقض هذا القول؟
صراحة اعباء الزواج لا يقبلها دين و لا منطق و باعتقادي ان استمر الامر على ما هو عليه و بالذات مصاريف الصالات و الحفلات و الملبوسات المبالغ فيها, سيتوجه الشباب لبنات الخارج و العراق و لبنان و مصر و سوريا و ايران و الفلبين و الهند و اندونيسيا و غيرها سهل يسير و بأقل القليل و التجربه خير برهان.

بنات العراق و الخليج ما يعتبرون من الخارج حسب الثقافة بس في العراق الطلبات أقل.

بنات العراق يعتبرون من الخارج المستوى المادي مختلف واكيد يوافقون ع الخليجي عشان جوازه وفلوسه والاستقرار والامن

أكثر بنت متواضعة بالطلبات هي البحرينية.... البنات باقي شوي ويدفعون للشباب من كثر ما هم منتفين... متزوجة اماراتي ومتنعمة بالخير وقاعدة تنتقد... جان اخذتين بحريني وتنازلتين عن المهر والشبكة والحفلة وما هلم جرا ????

معذور البحريني الصراحه الأجنبيه مابتكلفه شي اما البحرينيه بتكسر ظهره

حرااام عليكم
مو الكل

وهي ليش تركت البحريني وراحت للاماراتي؟

الحمدالله متزوج اجنبيه و عندي عيال منه. عايش مرتاح حته تكاليف الزواج ماوصلت 200 دينار.

خاطري أصدق
يعني سفرك حق أهلها ما يكلفك وتذاكرها ما تكلف

يا حبيبي هي سفر استجمام و هي سفر زيارة الأهل و شرط لان عنده أهل هناك مابكلفة السفر اكثر من التذاكر و الاقل و المواصلات الإقامة على الأهل لو عندك راي ثاني

تحلم تقعد عند أهلها اهناك خخخخ

اني حتى دبلة ما طلبت عليه ...بعدين شريناها من عندي وعنده

احلف عاد ! اقول تحمل لا تهرب ترى اغلب الاجنبيات يهربون وما يتحملون العيشه وياكم واحب اقولك شي الاجنبيه يمكن تاخدها ب ٢٠٠ فلس لكن تكسر ظهرك اذا جت تروح لأهالها هدايا وخمايم ليهم ووتذاكر سفر يعني ما بتفلسك في البدايه لكن تالي بتخرشك خراش

بس بصراحة كلامها عدل افرحوا واستانسوا بس باعتدال انتون شوفوا ويش حالنا بعد مو تزيدون الطين بلة

قبل الماديات بين الطرفين..العلاقة يجب ان تبني علي الحب والاحترام بين الشاب والشابه..تلقائيا الماديات بتخف...وبجب عدم تدخل اهل الشباب في امور العلاقة...فقط يجب مساعدتهم في تكوين اسرة

اصلا الخبر والإحصائيات غير صحيحة لان "هالبحرينيين" جدد واغلبهم يجيبون نسوان من بلدهم الاصلي بالاضافة الى المسخرة الحالية وزيادة الدعارة

زوجها مب اجنبي خليجي وموفر لها كل شى الله يهنيها ويسعدها هذي لرجال

زائر رقم 6 والزوار الاخرين الي مو عاجبنهم الكلام المساله ان انتون في بيت اهلكم ي حريم لين تزوجتين رجلش بجيب لش لين تزوجتين رجلش بوديش لين تزوجتين رجلش بسفرش تره بنات هالجيل ثلاث ارباعكم ما يعرفون يطبخون الا اندومي مهر الفين وشبكه بالفين ودبله ب300 لاوتعال سو لي حفله بديك الحجايه وكل كلمه والثانيه كلها ليلة في العمر غلط الي تسوونه الرسول (ص)يقول اقلهن مهرا اكثرهن بركه اوتعو قبل لا تعنسون يا جيل النيدو والاندومي تره المهر رخيطص بره

والله يا خوك عيون الرجال البحرينيين زايغة واجد ولو شنو سوسينا لكم ما يملي عينكم التراب ..
اعرف وحدة مهرها قرآن بس وحفلتها بسيطة تقول خافت عليه من المصاريف والطقم مالها هدية لان ماخذين بعض عن حب وبعدين تقديره اليها ان يخونها مع وحدة وهي خبر خير من طيبتها وسذاجتها يعني لو قاصفة ظهره يمكن يتادب ويتحمل فيها ويصونها ويتحمل ببيته .. يعني انتون تستاهلون قصاف ظهركم بصراحة شديدة

كل واحد ينام على الجنب اللي يريحة ،الإنسان حُر في اختيار شريك حياته بغض النظر عن شنوا كانت الجنسية ،، هذا اذا كنتوا تؤمنون بالديموقراطية.

كلامها سليم 100%، ولكن.....
يأمرون بالمعروف وينسون أنفسهم!
المفروض عنوان موضوعها يكون... لهذا يتزوج المواطنين والمواطنات من أجانب!!!

مساكين البحرينيات والله ،، اصلا هم يتزوجون على زوجاتهم فلبينيات حق شنو يعني

الصراحة الفلبينية مش أفضل من البحرينية بس لازم تسالي نفسك ليش تزوج عليها. معناته في شي كبير خلاه يتزوج عليها

لأنه غلط وياها..

الشي الكبير وصاخته مو اكثر لان البحرينيه اعقل واذكى وانجح من زوجها فهو يبي وحده فلبينيه ضايعه ودون المستوى عشان يحس انها اقل منه والله احد يطيق يعاشر فلبينيه

بق بق وأنتين يالطيبه متزوجه بحريني يعني علشان تقولين مستغربه من الخبر
بربكت وياش عجل

كلام سليم 100%

ههههههههههههههه ازيد من الشبكة الذهب الرقيقة ومهر ما اخذت حتى حفلة ماسويت يدوب عقد قران وبعد مو عارفين نعيش ياختي عيشي عيشة البحريني عقب افتي البحريني وصل لمرحلة مايقدر يدفع مهر اصلا مو ياخذ شبكة الماس XD

ليش هي ما خذت بحريني ...والله هي يوم بغت الدلال والعز خذت اماراتي مافي شي ما سواه لها جان خذت بحريني حافي منتف مسكين ..يقهروني اللي يتكلمون عن شي هم ما جربوه

فقط إلى معلوماتك وليس دفاع عنها .
زوجها الأولي كان بحريني وهذا الإماراتي هو الزوج الثاني لها

شكراً على النصيحة ، بس خبرينا جم كان مهرج ، وكم كانت تكاليف عرسج

بارك الله فيك ... عشان نقدر ناخذ الثانية والثالثة ... كثري من هالمقالات رحم الله والديك

يعني تبغي الثانيه ما تطلب والثالثه بعد
يوم انك حافي ومنتف ترى الزواج مز مهر وشبكه وحفله
المصاريف العدله لين جبت جهال وقعدت تصرف عليهم
وانت شكلك تبغي موظفات عشان يصرفون على روحهم

ادا فيك شدة عرس
تحسسوني أن نسوانكم مانعينكم مافي مرة تجبر زوجها أنه ما يتزوج
لي جابرك ما تتزوج انك على قدك ماتقدر تفتح بيتين مو بعد اربعه
ومرتك الأولى تساعدك عشان جدي بيتك الحالي مفتوح

كلام سليم وخصوصا هالزمن ماهو نفس اول كلشي ارتفع سعرة والشباب صارو يأخرون مسالة الزواج. بسبب امكانياتهم مما سبب زياده العوانس واخرتها تقبل بأي شي مطلق او مزوج او ارمل او فاشل

تحليل خاطيء لان البحريني يصرف على الاجنبية اضعاف مضاعفة و يدلعها و يدللها ... في الحقيقة الرجال يتزوجون من اجنبيات من اجل ... و لا استطيع ان اشرح اكثر ...

خلهم يجمعون لينا المهر عشان ننتطلب طلبات

انتي بعد مزوجه من اجنبي

حبيب اماراتي اصلي انت الأجنبي

ع أساس الحين ماطلبتي انتي شبكة ولا حفله الزواج بالفندق ،،، تناقض حبيبتي هيفاء ،،، وشكرا

هههه

مو هذا الموضوع مطلقه وعندها أولاد وتبي تسوي حفله وزواج ليش خلي مجال للبنات الجدد

كلام سليم

نشوفها اخذت ليها بحريني!!!

كانت متزوجة بحريني ، (الله يعلم بحاله الحين)

كانت متزوجه عماني

سبب غير مقنع

بعد الإماراتي راح تستقر علي ولد البلد مالها إلا ابن البلد ...بذكركم...

البحرينية مايفرطون فيها الخليجين .. بس البحرينين الي ياخذون اجانب ووينتقصون منها مايقدرون

المشكلة مو في المهر او طلبات العروس
المشكلة في زواج الاجنبيات من البحرينين هو اساسه الاختلاط في العمل
مافي واحد تزوج اجنبة من غير معرفة وعلاقة
نسبة الاختلاط في العمل في البحرين واجد واجد وهالفلبينيات وغيرهم من الاجانب وبطريقة لبسهم واغرائهم
الشباب مايقدرون يتحملون فيضطر ان يتزوجها بعد علاقة معها
وغيرها من العلاقات الحرام التي تحدث في العمل
الله يستر على اولادنا