يوصل والديه للمستشفى ويستثقل أن يكون معهما

زائر 1 | امي ابي هم اولى انشغالاتي 10:16 م لا شئ. يشغلني عن والداي هم من حملاني وانا طفل في المهد ومن تكبدا السهر عند مرضي ولن يكون جزاء الاحسان الا الاحسان رد على تعليق

زائر 2 | 10:22 م هذا جحود بحق الوالدين.. من اللي راكض به المستشفيات لما كان مريض .. و الله حرام اللي يسوونه في والدينهن رد على تعليق

زائر 24 | على الجرح هالموضوع ... نعم يتهرب البعض من المسؤولية 1:23 ص يحتاجان لمن يتفقد حوائجهما يوميا ، الكل يتعذر بعائلته ، لديهما مواعيد مستشفى ، يتعدرون عن توصليهما لكن لحوائجهما الخاص يخرجون من أعمالهم ، عند السفر لا أحد يريدهما خاصة إذا يحتاجون لكرسي متحرك ، غالبا ما أترك مافي يدي لألبي لهما مايريدون ، وإذا سافرنا جمعيا أخوات وخوات مع أزواجنا أنا الوحيدة التي اكتفل بها، حتى في المناسبات الدينية الكل يتهرب لينتقلوا من مأتم لمأتم بحرية ام انا فأفضي نفسي لاتنقل معها مع صعوبة تنقلها ولي الشرف في ذلك ولن اتملل وأهرب ، يكسرون خاطري .

زائر 51 | الله يهدي امي 5:06 ص ودي اسفر امي وياي لكنها بتحط في الف عيب وعيب غير انها بتهاوش الناس على اقل شي في احدى السنوات سافرت معاها ومرة استأذنتها بطلع مع اختي والجهال معاها ومع زوجي مابغيت الا السلامة على عمري قال ويش جايبتني اقعد مع ولادش انزين انتين مافيش شدة تدورين الاسواق وماعليش من الجهال ابوهم وياهم وتلزم تجي معانا وديناها مااشترينا شي لان تعبت وماتقدر تمشي غير ان السفرة كلها طحنة ومشاكل وحلفت حلف مااسافر معاها ولا مع احد من اهلي لست عاقة ولكن الامهات اللي من نوع امي الله يعين عيالهم عليهم

زائر 3 | ياريت يوصلونهم ! 10:34 م الا يتركونهم يستخدمون المواصلات العامه او يستعينون باي احد غير اولادهم يوصلهم ، الشهر اللي راح الساعه ٨ الصبح شفت امرأه كبيره في السن تمشي عند مستشفى الطب النفسي تحاول تعبر الشارع واني واقفه في الاشاره ، ناديتها وسألتها وبين بتروحين قالت بتمشي لقرية المصلى ! تخيلوا مسكينه تقول انتظرت النقل العام وتأخر وعندها في البيت امها مقعده و تركتها بروحها و رايحه تجيب ليها ادويتها الشهريه ! سألتها عن اولادها و بناتها ردت و قالت لي " محد يفتكر! كل واحد مشغول بنفسه! رد على تعليق

زائر 4 | 10:36 م ليس هروبا ولا انشغال لكن في الحقيقة السبب هو ... هي التي توز على زوجها وتحن عليه عشان يترك أمه أو أبوه لكن .... غي الحقيقة يمبه ليها أسباني قوي مثلي يوگفها عند حدها ويخليها تلزم حدودها وتحترم نفسها غصب عنها ولا تتدخل بين ... ووالدينه رد على تعليق

زائر 33 | ..... 2:56 ص والله الرجال اللي يبي يسوي ويفعل لاهله لا زوجته ولا غيرها تقدر تسيطر عليه هذا يدل على ذاتية الشخص نفسه ولا تطلع فيها وتخلون حركات الرجال من نسوانهم

زائر 48 | مو الكل سوا 4:59 ص شفنا قساوة القلب من البنات على امهم اللي مثل الخدامة ليهم،ما يفتكرون يودونها مستشفى،و اللي شايلنها نسوان الولد بطيب نفس يودونها و يشجعون ارجالهم يخدمونها.
في النهاية تبين شونة مرت الولد والبنات اشوشون امهم عليها.

زائر 71 | هامان 11:09 ص بلا هرار وتخط السالفه علی مرتك الي يبغي الصلاة ماتفوته حبوب الله يرحمش يامه ماخليتها ابد بروحها في كل مواعيدها في العسكري او السلمانيه وامر عليها دائما ولمی كبرت جبتها عندي وكانت خالتي ام زوجتي عندي بعد واتحملنا فيهم كذا سنه الی ان توفت خالتي في 2011 وامي 2015 الله يرحمهم كانو بركتنا الي فقدنها

زائر 5 | الوالد الله يرحمه ماكان يرضى نوديه 10:39 م يصر يروح ابروحه وكذا مره طاح و تعور ! والقهر اللي في المستشفى الممرضين ماعندهم الا تحملوا في ابوكم ! حسبالهم احنا تاركينه و ما نهتم فيه ! في النهايه اخدنا منه مفاتيح السياره بالقوه و صرنا نوديه يروحنا لينا ما دكتوره رحم الله والدينها شافته مره في زياره للمركز و قالت هذا كبير مايقدر يمشي و يجي المستشفى و سجلته في برنامج زيارة كبار السن في البيت وارتحنا رد على تعليق

زائر 6 | من وين تجبون 10:45 م من وين تجيبون دي المواضيع المملة .... رد على تعليق

زائر 21 | هل هناك اهم من الوالدين ??? 1:12 ص هل هناك اهم و ابدى من الوالدين عند الولد السوي ?? لا اعتقد .. لذالك نشكر الوسط و نشد على ايدي موظفيها النبلاء على طرحهم مواضيع كهذه ليستنير بها المجتمع البحريني و ليتعض من هو في غفلة من امره عن والديه .. ا

زائر 7 | اخ بس 10:55 م الله يحرمه من شمه الجنه الي جدي ان شاء الله مايشم الا ريحه دواليغ


... رد على تعليق

زائر 72 | هامان 11:10 ص ويش هالافاظ السوقيه

زائر 8 | 11:12 م لا يجب ترك الوالدين بمفردهم التحرك داخل المستشفى ليس بالسهل عليهم .مع ملاحظه إذا طلب منك عدم الدخول حجرة الكشف معهم لا تغضب الاماكن صغيره والتمريض يقومون بالواجب .وتذكر هل لو كنت ذاهب مع زوجتك تتركها هكذا إتقوا الله فى الآباء والامهات فكما تدين تدان رد على تعليق

زائر 9 | لازم اتعرفون السبب اول 11:15 م اني كلا ماجا لي خاطب يخطبني رفضه الوالد بحجة خوفه علا مستقبلي يوم ايقول هذا متزوج ويوم ايقول هذا ماعنده مسكن مستقل ويوم هذا مطلق وعنده اولاد لين ماحرمني من الزواج وني الحين في العقد الرابع حرمني حتى من الذريه مع انا ابي مو اقصر عليي ويحبني اكثر من نفسه رد على تعليق

زائر 32 | حال ابيك لا يختلف عن حالي .. 2:41 ص حال ابيك لا يختلف عن حالي في تزويج ابنتي التي سنتواسى على زواجها الليله انشأالله , فقد اتوها الكثير من الخطاب منهم الزين و منهم الشين و منهم المنحل من دينه و مذهبه,فلا تلومي والدك إن تمنى لكي المستقبل المشرق مع انسان يحبك و يصون كرامتك , و ثقي ان ما كتبه الله لكي هو المقدر , ستتزوجين يا ابنتي و ستنجبين بأذن الواحد الاحد و ستقعين في نفس حيرة ابيك الذي يتمنى لكي الخير و الدليل محبته لكي , فكم احترت انا في خطاب ابنتي و كم سهرت الليالي خوفا و جزعا عليها من ان يتزوجها من لا يخاف الله فيها,فلا تلوميه

زائر 64 | هامان 8:33 ص وصلت للعقد الرابع وتقولين ليها لا تلومه اما انتي عليش سوالف

زائر 10 | هذا 11:15 م هذا بسبب عدم توفر مواقف السيارات في مجمع السلمانية الطبي رد على تعليق

زائر 11 | 11:15 م هذه المواضيع المفيده يالوسط مو اللى تجعل الشابات والشباب يتهاوشون ويكرهون بعض رد على تعليق

زائر 12 | 11:17 م قلة احترام وادب رد على تعليق

زائر 13 | اكيد عنده عذر 11:22 م لو كان الموعد في المستشفى دقيق يعني انتظار ساعة و نرجع جان تمام . و لكن لازم الانتظار اقل شيء 4 الى خمس ساعات يعني لازم اخذ يوم اجازة . و لوكان في باركات متوفرة بعد تمام و لكن اتطر ان انزل المريض و اقعد ساعتين ادور موقف و بعد ما احصل . يعني متطر انزلهم و بعدين ارجع ليهم . رد على تعليق

زائر 14 | 11:45 م أنا جربت أقعد أهناك مرة في الطوارئ ويا الأهل ما السلمانية وصار ليي ثلاث ساعات أنتظر لين ما يجي دورنا الصدق! الواحد ويش يلحق! يلحق على ويش ويخلي ويش؟ وبعدين لما خلصنا الانتظار كلمنا واحد باكستاني يقولون دكتور واسلوبه كلش رديئ! قليل ادب! ما أعتبرها مستشفى الصدق! اله برح افضل يكون عنده واسطه! ما ينفع اتروح المستشفى واتنظم العملية من دون واسطة! رد على تعليق

زائر 15 | 12:33 ص صباح الخير الصراحه في اولاد مايحبون يروحون مع والديهم الى المستشفى لكن اذا زوجاتهم واولادهم مستحيل مايدخلون وياهم للمستشفى عن نفسي االلي اجوفه من بيت امي اخواني يستملون لين امي تقول ليهم ابي اروح المستشفىلكن لو زوجته بتروح واولادهم على عيني اني لو امشي سياره ما خليتها تحتاح ليهم الحمد لله امي راضيه عني مره من الايام مرضت قعدت من الصبح ادور احد يودينه المستشفى اني اذا اروح اياها يودوني اخواني ماينزلون اني اكون اياها مره كنت حامل وتعبانه واشاوط اياها بلسلمانيه اللهم اجعل امي راضيه عني رد على تعليق

زائر 50 | مو الكل يا اخي 5:05 ص اني زوجي ما يقصر مع ابوه .. حتى لو يتصل عليه نص الليل اقعده ..
بس اني وعيالي يقصر ف حقنا إلا إذا شافنا ما نقدر نتحرك من السرير .. اكو لي تحليل مهم وشكله ناسيه
حساااااافة

زائر 16 | الملتحي الذي خدع والده .. 12:38 ص توفت والدته فجأه فحزن عليها ,ليتزوج والده من شابه تصغرت بعدة سنوات , فعاش مع زوجة ابيه هو و اخواته في بيت واحد , انغمس بين ثنايا الكتب الدينيه حتى اصبحت غرفته تعج بها , فهاجر .. في ثمانينيات القرن الماضي ليعود منها ..., كبر والده و اراد تقسيم المنزل الكبير بينه و بين اخوته من زوجة ابيه, و لأن والده امي لا يفقه القرأه و الكتابه فقد استغل صاحبنا هذه النقطه ليستولي على ثلاثة ارباع المنزل بمساعدة احد المتنفذين امثاله, لتكتشف الحقيقه و لكن بعد فوات الاوان , فقاطع والده الكهل حتى وفاته رد على تعليق

زائر 17 | هروب من مسؤلية الوالدين 12:45 ص زوجاتهم ما يمشون عنهم إيده بإيدها رد على تعليق

زائر 18 | لاهروب وانشغالات 12:46 ص السلمانيه مشكلتها مشكله اولا مواقف ماكو ثانيا ظغط على الدكاتره من المراجعين والمرضى ثالثا الدكاتره يعاينون مرضاهم الساعه تسع في العيادات الخارجيه بعد ما يعاينون مرضاهم الراقدين في المستشفى يعني تروح المستشفى ثمان تطلع ثنعش ونص المريض يمرض والصاحي يصيده ضغط رد على تعليق

زائر 19 | .. 12:58 ص لا حول ولا قوة الى بالله، في أشخاص اسوون جذي بس ما يعرفون قدر الوالدين لين يفقدونهم رد على تعليق

زائر 20 | !! 1:00 ص تبون الصراحة ، فئة كبيرة من الناس تتفشل تكون مرافقة لوالديهم في المستشفى أو في أي مكان عام ، هذا أكثر الأسباب في رأيي رد على تعليق

زائر 22 | صباح الخير 1:12 ص قد يكون الوالدان لم يقدموا لك كل ماتريده
لكن تأكد بأنهم قدموا لك
كل مايملكونه
رب اغفر لي ولوالدي رد على تعليق

زائر 23 | 1:14 ص ساعات الوالده هي اللي تجبرنا ان نمشي تقول لا تنتظروني اذا كملت بتصل ليكم مو كل واحد يخلي والدينه في المستشقى ان جاحد بحقهم ولا تحكمون على الناس بالظاهر رد على تعليق

زائر 25 | 1:33 ص فديت امي وابوي اتمنى حتى ابوس الارض الي يمشون عليها والله لدخل معاهم واشيلهم على كفوف الراحه انتو لو اتعرفو معنى الوالدين اقصد بعض الي ردو بوين تجيبون هالمواضيع الممله الله لا يحرمكم من والدينكم الحمد لله والديني موجودين وهم كل دنيتي رغم اني متزوج وعمري 50 سنه وعندي بيت مستقل الا اني 20 ساعه بيت ابوي انا وعيالي الحمد لله رد على تعليق

زائر 39 | 3:48 ص جعلك الله من البارين لامك واباك ولكن اخي الكريم 20 ساعة في بيت ابوك انت وعيالك شوي مو منطقية الا يوجد لديك عمل ؟ وحتى لو كنت متقاعد الا يذهب ابنائك الى المدارس؟؟الا يحتاج والديك الى النوم للتتركهم مقدار 6ساعات على الاقل ؟؟ الا ان تكون ساكنا معهم وقد ذكرت بان لديك بيت مستقل
زادك الله برا بوالديك

زائر 26 | 1:43 ص السلام عليكم ورحمة الله
مثلما تجير تجار. الدنيا الدور
كل إنسان بنت أو ولد الي مايتحمل في والديه أولاده مابتتحمل 0فيه.ولا ينسى ترى هم إلي كانوا يتحملون فيه ايودونه المستشفى ومايهدونه لحظه عن اعيونهم ويسأل الدكتور عن علاجه وشلون اشرب الدواء.والحين يوم أكبر نسى وتناسه العنايه وحنان الوالدين..اقول لك واحد وحده الوالدين اهم شي في الدنيا. ولايحط اعذار لنفسه. رد على تعليق

زائر 27 | اااقولهااا 1:50 ص للاسف هذا الواقع المرير
لكن خل لو يبي شيئ تشوفه يحوم حولهم
ومن يحصل الشيئ ماتصيد الا الريش
ما اقول الا عليه العوض ومنه العوض رد على تعليق

زائر 28 | 2:19 ص انا عندما يشتد بي المرض وينقلني احد ابنائي الى الطوارئ اقول ليهم تيسرو ورحو شوفو اشغالك لان اجراءات المستشفيات مو طبيعية وخصوصا السلمانية ومو من الانصاف اخلي ولدي يوقف ويايي وما ادري انا متى بخلص ولا ادري كم مرة ساتردد على المستشفى اذا اشتد بي المرض قد احتاج الى الثلاث مرات او اكثر فهل اصحاب العمل بيوافقون ان كل يوم ولدي يتصل ليهم ويقول ليهم انا ما اقدر احضر الدوام؟؟ فانا اخجل من نفسي ولدي يهد شغله ويوقف على راسي واتمنى من الله ان ياخذ امانته وانا معافى لان ابنائي احدثت الظلمة في ابدانهم عاهات.. رد على تعليق

زائر 29 | 2:21 ص ياناس حطو والديكم على راسكم هذا شرف اليكم مابعدا شرف انا يوم واحد قلت الي امي الله يرحمه انتين لبايه وطحانه وانا الى اليوم متحسف كل يوم اصلي واقرا القران اليها وكل سنه احج اليها واحس اني قصرت في حقها لاني قلت اليها لبايه وطحانه انصح الاخوان والاخوات ليصدهم مثلي الله يطول عمر والديكم ويحسن لموتاكم اخوكم السيد رد على تعليق

زائر 30 | 2:28 ص فعلا وضع يؤسف عليه ... اجوف مواقف قدام عيني بواقع العيشة الي عشتها عندي أخ عمره حوالي 45 سنه اذا امي طلبت منه حاجة أو في مستشفى يتركها عند باب المستشفى مايدخل وياها من يومها ماتقول له احنا بناتها أولى نتحمل في امي الحمدلله حتى لو طلبت عيوني اترك أشغالي أي وقت أكمل حاجاتها لأكمل وجه.. وإذا نبي تروح المستشفى اخليها ترتاح وتقعد لين أخلص أمورها على أكمل وجه الحمدلله على هذي النعمه وجود الأم والأب عساني ما انحرم منكم ينظر عيني شعور جميل دعوات تجي من صوب الأم والتوفيق ياريحة الجنة يا أمي رد على تعليق

زائر 31 | تتثقل 2:32 ص في ناس نفسيات تتثقل تمشي مع والديهم وهـؤلاء ناس جاحدين لفضلهم رد على تعليق

زائر 34 | انا و اخي 3:02 ص انا الصغير و اخي الاكبر لا يدري عن والديه الحمدلله على هذه النعمة والبركة اللهم اطل في اعمارهم لكي لا نقصر في خدمتهم الحمدلله على هذا التوفيق رد على تعليق

زائر 35 | 3:05 ص للاسف هذه الحالة لا نراهاهم فقط في السلمانية بل ايضا في المراكز الصحية،كثير من المرضى كبار السن يأتون بهم ابنائهم للمراكز الصحية فالبعض يتركون والداهم لوحدهم يتصرفون،ووصلت بعض حالات الدنائة ان بعض الابناء عند وجوه مع امه او ابيه الكبير في السن في المستشفى او المركز نراهم يعاملون والديهم بمعامله فضه مثل التأفف كلحين واسماع والديهم كلمات مثل اخرتموني او لماذا لا تخبروناخي الاخر او تحركوا بسرعه متناسين كبر سنهم وصعوبة الحركة....زمن يعيبه ناسه رد على تعليق

زائر 36 | الحمدلله 3:15 ص انا بصراحة من زود ما اروح السلمانية تمللت .. المشكلة ننتظر 3 الى 4 ساعات بعدين ندش على الدكتور مجرد 10 دقايق واحنا ماشيين
فالواحد غصبا عنه بيستمل وبيخليهم رد على تعليق

زائر 37 | سوء وتأخر خدمات المستشفى مو عذر 3:29 ص يعني اذا الوالد بصحته وشايل روحه عادي اوصله ولين خلص اجي له
لكن لين كبار في السن يبون أحد يستندون عليه مايعرفون يقرأون وروحة المستشفى سواء لي أو لأحد غيري يبي ليها تفرغ لأنك بتروح ومن مكان لمكان أشعة تحاليل صيدلية لازم يبي وياهم أحد اني اشتغل في مستشفى واجد هالمواقف ساعات حتى تلفون ماعندهم بس ورقة مسجله فيها أرقام تدور أحد بتصل ليها رد على تعليق

زائر 38 | الصراحة 3:40 ص الا يستثقل امه و ابوه هذا واحد ..... رد على تعليق

زائر 40 | 3:48 ص الحمدلله انا واخواني كنا دائما ملازمين والدي حتى اخر يوم نحب ابي وامي . رد على تعليق

زائر 41 | 3:50 ص ما فيه باركات رد على تعليق

زائر 42 | اعذار واهيه 4:27 ص اللي يقول مافي باركات او الانتظار لمده ساعات في العياده، هذه كلها اعذار واهيه ، انا عن نفسي أبوي عنده موعد متابعه كل ٣ شهور و أمي عندها مواعيد متابعة كل ٣ شهور عند ٤ عيادات مختلفه ٢ في السلمانيه و١ في المركز و ١ في الطب الخاص ، يعني ٥ مواعيد في عيادات مختلفه بالاضافه لسحب الدم قبل الموعد بأسبوع . علشان اقدر البي هذا الطلب ايام آخذ اجازه يوم وايام آخذ نصف يوم وآخذ شهاده من العياده و أيام اعوض الساعات و ابقى في الشغل الى الليل ، وعلى فكره شغلي لمدة ٨ ساعات رد على تعليق

زائر 53 | واللي مثلي 5:10 ص اشتغل مدرسة وعندي ساعات الاستئذان محددة جدا ومااقدر اعوضها بساعات بعد الدوام غير التزام بالمنهج والطالبات واذا اغيب يومين الشكاوي من اولياء الامور توصل للوزارة وضعك يااخي غير وضعنا امي اعجز منها بوديها خاص ماتقتنع احيانا اخلي زوجي يوديها اذا محد يوديها من اخواني واعجز منها تعالي اسكني عندي ماترضى ساكنة بعيد عني وحالتنا حالة محتاحين الفلس في الراتب

زائر 43 | تكملة... اعذار واهيه 4:29 ص عندي ٤ اخوان واخوات متقاعدين مبكر و محد منهم يفتكر و لا يسألون حتى عن نتيجة الموعد و لا يتابعون !!! متأكده اغلب اللي كتبوا اعذار واهيه هم رجال! رد على تعليق

زائر 44 | حرام الظلم 4:43 ص انا والدتي لديها متابعات شبه يومية للمركز الصحي وكل اسبوعين مواعيد في السلمانية والعسكري ونجد صعوبة في اخذها في الفترة الصباحية نظرا لصعوبة الاستئذان من عملي طوال اليوم فأضطر اقول لها اخذي لش سيارة ايجار توديش وترجعش والدفع علي واذا فرضا وصلتها ماترضى ادش معاها المستشفى حالتنا حالة في هالديرة على الله وعلى المعاش ومافي وظيفة تسمح لي بالاسئذان اكثر من مرة او مرتين شهريا بغرض اودي الوالدة المستشفى مابيدي حيلة الحالة قشرة حرام الظلم رد على تعليق

زائر 45 | لست عاقة 4:48 ص امي تسكن بعيدا عن مكان سكني كل يوم لها مرض مسكينة والله يهديها نهد شغلنا ونتعتنى لها المستشفى ونتم في الطوارئ 12 ساعة على الاقل وتالي تتملل وتقول رجعوني مافي شي خاصة لمن تسمع فلان مات يابنت الحلال انتظري قرار الدكتور تقول لا واذا كانت حالتها صعبة ويقرر الدكتور ترقد ترفض ونرجع بها ونتم على هالحالة 3 ايام رايحين راجعين المستشفيات ونتم من مستشفى لمستشفى وخل وحدة تشوشها الا هذا الدكتور احسن وتلزم تروح له وهي ماخلصت كورس العلاج مع الدكتور اللي قبله بالله عليكم في احد يستحمل جذيه رد على تعليق

زائر 73 | 12:59 م تتم 12 ساعة ? وتتملل هي شالتك في بطنها 9 شهور وهن على وهن وكانت سعيدة بيك

زائر 46 | اني بقول لكم 4:51 ص والدتي ودي اخدمها بعيوني عساني ماقعدت في بيتي لكن هي للاسف مايرضيها شي حتى اذا اتعنى اوديها مكان تنهي الطلعة بهواش قال ويش راشمينها ان وديناها تحرن على الحاجة الا نشتريها ونضيق على روحنا ونشتري اللي تبغاه وتالي يسمع حسكم تفلته بكارتونه فوق الكبت او اذا تسوي لها غرض تحط الف عيب وعيب فيه وتسويها مشكلة احنا معذورين ماحنا عارفين نرضيها هذا بعد حرام تسوي فينا جذيه تروح الماتم وتسمع الملاية محاضرات لكن التطبيق زيرو ادعو لها الله يهديها بطفش من هالديرة بسببها رد على تعليق

زائر 62 | صلي على النبي 7:26 ص كبار السن مثل الاطفال المسايسه تنفع ، شحلاتهم احبهم بكل نوع ربي يخلي لي والدتي اشيل فوق راسي من تعصب اسكت فديتها والله ، ياما شالتني وانا صغيره وقت ارعاها واحطها بعيني ، وحسبي الله على عيالها احس فيها لمن تفتقدهم وماحد يسئل عنها ، واقول للعاقين ياويلكم من الله هذولي فنر هالبييت ربي يحفظهم

زائر 47 | في حالة محتاجين عناية 4:55 ص قساوة قلب و قلة شيمة لا اكثر رد على تعليق

زائر 49 | ردود البعض 4:59 ص البعض اصحاب الردود القاسية اكيد امهاتهم واباءهم بصحة وعافية مو مثلي انا تقريبا يوميا امي تزور المركز الصحي بسبب وبدون سببب حتى لو تكح قالت تعالوا ودوني وتالي تخلي العلاج وتطلع وتتهم المركز بأن مايعرفون شي ومايبون يشتغلون الله يعين الدكاترة في المراكز وحتى لو اكملت العلاج تأخذه يوم واليوم الثاني تجيب ادوية الجيران الله يهديها لو تجي تقعد معاي في البيت مااهملتها واشرفت على علاجها ترا ما باليد حيلة ودي بس تخفف علي مو جذيه لو تشتغل في المستشفى احسن لنا من هالافلام رد على تعليق

زائر 57 | الزائر 49 الوالدين يبغي لك صبرا معهما 5:25 ص امي لاتختلف عن أمك ، كل يوم تريد الذهاب للمركز ، لكنا قمنا نتقاسم المهمة ، احنا 10 أخوة بس 4 ليهم مزاج اودونها المركز حتى لو كل يوم وكثيرا من الأحيان يقولون ليها مافيش شي لكن ترتاح لين تروح وينتهي قلقها فنسوي اللي اريحها .
صبرك معها سيرده الله لك في رزقك واولادك وصحتك .

زائر 59 | نصائح جادة للي يحبون البر بالوالدين 5:50 ص حين يتصلون يريدون الذهاب للمركز او المستشفى مباشرة قول لهما : حاضر وبالشوفة ، وأنزل معهما المركز ، وانتظر بدون ضيق وأدخل معهما للطبيب ولا تتدخل عند الطبيب حين يطيلون في الحديث عن مرضهم ، او تقلل من شأنهما بأي كلمة .خلهم على حريتهما ، وعند الرجوع أسألهما هل تريدان شيئا أخر ، وودعهما بجملة إذا احتجتما شيئا أتصلا بي أنا حاضر في إي وقت وبقبلة حانية على رأسهما .
وبعدها استعد للهبات الآلهية تتساقط عليك كالمطر في رزقك وصحتك ، وحياتك وعملك واولادك .

زائر 52 | الوالد يكسر خاطري 5:10 ص ابوي نظره ضعيف يكسر خاطري إذا انزله و اخليه بس ما باليد حيلة رد على تعليق

زائر 54 | اعتمدت على نفسي .. 5:18 ص اعتمدت على نفسي في تكوين مستقبلي بعد ان من الله علي بزوجة حنونه ذات قلب طيب و من ذرية الرسول (ص) حتى وقفت بجانبي و أزرتني , فلم ارث من والداي سوي تربيتهم لي و توجيهي التوجيه الصحيح , ذات يوم مرضت والدتي رحمها الله و كنت في العشرين من عمري عندما اخبرنا الطبيب انها مصابه بورم في الدماغ و تحتاج لعمليه في الحال, فعند سؤالي له عن نسبة نجاحها اجابني بأنه لا يستطيع الجزم و إن الاعمار بيد الله,اجبته و نعم با الله,عندها اقترضت من البنك و سافرت بها للهند التي بقيت فيها و بجانبها21 يوما لتعود سالمه معافاه رد على تعليق

زائر 55 | قله أدب 5:18 ص قمه الجحود وعدم الاحترام في حق من ربياني صغيرا ، وفي ناس يستحي يطلع مع ابوه او امه مع الأسف الشديد رد على تعليق

زائر 56 | 5:20 ص الوالدين هم البركة فى كل شيئ , ان ذهبت راحت البركة , فألحقوها مادام عندكم . لا تضيعوا أوقات لن تتكرر وتنعاد سوى الذكريات , الله يرحم أبويي ويطول عمر أمي بصحة وسلامة . خاتون رد على تعليق

زائر 60 | تعاملوا معهم كالأطفال 6:03 ص نفذوا طلباتهم بدون مناقشة ، حين تقول برجع المنزل رجعوها وحين تقول ابي اسافر لعلاج أو أروح خاص ، او برجع من المستشفى او أبغي اروح علاج طبيعي ، حتى لوخسرتون نقود ، .خلوهم على كيفهم مو انتون أتمشونهم هم اللي يمشونكم ، بس كل قولوا ليهم من عيوني آمروا مع إبتسامة رضا ، اعتبروا روحكن خدم عندهم وهذا قليل عليهم .

زائر 58 | 5:48 ص تذكرت ايام مرض امي الله يشفيها ويطول عمرها بصحة وعافية. الله لا يعودها من ايام تذهب بنفسها للمستشفى واجرت عملية ولم نحضر معها ما افاقني من الغفلة. سمعتها تتحسر تقول كنت بس اني الوحيدة الي ما معي احد. اما الباقي كلهم معهم اهلهم.انكسر قلبي وعرفت اني عذاري لاني اذهب واوجب الغرب. رد على تعليق

زائر 61 | خالي ذو القلب القاسي .. 6:03 ص تربيت في كنف والدي كما تربى ابن خالي في كنف والده , نجحت انا في حياتي الدراسيه و العمليه بينما اتجه ابن خالي لمعاقرة الخمر و الزنى,و لكن الحقيقة تقال و عيون الشمس لا يستطيع احدا حجبها بغربال , والدي الذي احبه كثيرا فقيرا و لكن حكيما و حنونا في تعامله معي و مع اخواني,اما خالي الذي حباه الله بقلب قاسي لا يختلف عن جلمود الصخر في شئ يعذب ابنأه ما ان يشتكيهم احدا , فتراه يغلق عليهم غرفة و يبرحهم ضربا حتى يخرجوا منها و هم يحبون على اربعهم , اما البنات فيربطهم بسلاسل حتى كرهوه و كرهوا حتى اسمه إن تردد رد على تعليق

زائر 63 | أصابع الايد مو وحدة 7:42 ص ان زوجي واجد يهتم في امه و يعتبر اكثر واحد يباري فيها من إخوانه مع انه اصغرهم ساعات يضطر يغير دوامه عشان بوديها المستشفى أو أن يكون راجع من آخر ليل و بروح اول ليل بس الباقي محد مفتكر فهو يوديها مسكين ساعات اقول ليه كله منك عودت اخوانك أنك أنت لازم توديها و هم ما يتحملون المسؤولية وياك يعني يقدرون يطلعون من اشغالهم لمصالحهم الخاصة و إذا صار لأمهم موعد قالوا ما نقدر نطلع ساعات حتى لو في نفس الفريق أولادها موجودين و هو مشغول يقول ليي وصلي امي بدل لا يقول ليهم لأنه يدري انهم ما يفتكرون رد على تعليق

زائر 65 | 9:15 ص الحين حتى زوجاتهم مايدرون بهم اذا حامل في اشهرها الاخيرة تشوفها تروح مواعيدها بروحها شفت ناس في الفاتح السلمانية والسلمانية مافيها باركات توقف بره وتمشي الامافيه خير في اهله مافيه خير للناس رد على تعليق

زائر 68 | 10:09 ص منزل القمر الجزء الثالث:للآن يفضل للمؤمن أن يكون كيسا فالوقت ليس مثاليا للجدال السلبي حتى الآن بل يفضل طرح الأمور بإيجابية ويفضل تجنب طرح الكلام بأسلوب خلط العسل بالسم وأيضا يفضل أن تتحلى بحسن النية حتى لا تؤذي قلبك بقول ما يضايقك لاحقا. وحاول أن تتجنب مشاعر الشعور بأنك ضحية أو الشعور بالغيرة أو الحسد لأنه يوم خصب لمثل هذه المشاعر ولكن ننصحك أن تشكوا همومك لله جل جلاله. وهو يوم إبداعي يختلق فيه العقل أفكارا جديده لذلك فالينتبه حول هذه الأفكار. أما بالنسبة لمنازل النجوم فالمشاعرتكون حساسه مزاجيه رد على تعليق

زائر 69 | 10:13 ص السلام عليكم
مسامحه مضوعي خارج نطاق موضوع اليوم
يا ريت تناقشون موضوع سيارة الآيسكريم المتنقله
والحوادث التي تسببها للاطفال
والافضل عدم تنقل السيارة في القرى والمدن
واتخاذ مقر لها
مثلا عند حديقة او مسجد او برادةاو ...... افضل من الحركة المستمرة لها مما يؤدي الى ركض الاطفال ورائها في الشارع رد على تعليق

زائر 74 | 1:08 م بحكم مرضي قبل لا اتزوج امي كانت تجي اغلب مواعيدي وتحاتي وتتعب واحين احاول ارد جزء من الجميل واوديها المستشفى متى ما بغت مع انها ما تحب تقول ليي اوديها لاني اشتغل شفتات لكن خدمتي ليها عالعين والراس والله يقدرني طول العمر ويعطيها الصحة والعافية رد على تعليق

زائر 75 | شكر وتقدير 3:13 م لجريدة الوسط ولمحرر الشؤون المحلية ، موضوع رائع ،واختيار موفق .